ممــكن معلومــات عن لادا نيــفا 1600 سى سى ؟

[SNIPER_333]

ياريت يا جماعةتمدوني بمعلومات عن النيفا 1600

مميزات وعيوبها ووو


..............................
تم النقل للقسم المختص
الإدارة - 3

[mig44n]

لادا نيفا يعععععععععععععععععععععع....اكسبيرت يقولك على كل حاجه:(.....

[Xpert]

لاء تعبت من القواله .. دور بقي علي التوبيكات :d
انا مش عارف ليه كل اسبوعين الاقي واحد داخل يقول لادا نيفا .. انا مش هاسالك غير سؤال واحد .... ايه اللي عاجبك فيها !!!!
يا عمنا .. يا جدعان و النبي .. بلاش نيفا .. سيبوا النيفا دي للجماعه بتوع الجيش - و بتوع المقاولات - و الجماعه اصحاب الاراضي ...
النيفا دي ليست للاستخدام الادمي بتاتاُ .. العربيه للخدمه الشاقه و انصحك بيها لو انت (في الجيش - مقاول - او صاحب اراضي)
العربيه عاليه جداً .. فيها عيب انها بتتقلب .. قطع الغيار بالنسبه للمكنه موجوده بالنسبه لاي حاجه تاني مش موجوده ..العربيه ناشفه بصوره غير طبيعيه .. غير ادميع اطلاقاُ .. انا نفسي مقلوب بيها من سنه فاتت بوظطلي ظهري لحد النهارده ..
قوللي بس ايه اللي عجبك فيها ..

[fahd_628]

ابعد عنها بجد عربية تعبانة اوى اوى كانت مع ابويا و كان بيشتكى منها مر الشكوى و باعها من زمان

[SNIPER_333]

يا شباب انا عضو معاكم من زمان وعارف ان ارائكم دائما ماشاء الله جميلة
وبعتز بمعرفة بعض الاصدقاء هنا علي المنتدي وعارف انكم بعون الله بتقدموا النصيحة في الجون !
بس حابب يكون الاجابة علي سؤالي في شكل نقاط ..:)
يعني مثلا مميزاتها :
1
2
3
عيوبها :
1
2
3
مع ترك تعليق بسيط (بدون الاهانة لشعور العربية المرهفة :) )
يعني معلش بلاش حوار اصلها فاشلة وووو طبيعي اقولك ليه ؟! عشان معرفش عنها حاجة مع العلم ان موضوع انها تقلب وكده ليه علاجه + قطع الغيار
بشكركم والله العظيم مرة تانية علي ردودكم ومنتظر ارآء اكثر ان شاء الله :)

[Xpert]

يا شباب انا عضو معاكم من زمان وعارف ان ارائكم دائما ماشاء الله جميلة
وبعتز بمعرفة بعض الاصدقاء هنا علي المنتدي وعارف انكم بعون الله بتقدموا النصيحة في الجون !
بس حابب يكون الاجابة علي سؤالي في شكل نقاط ..:)
يعني مثلا مميزاتها :
1 بتستحمل و حماله قاسيه (للاستخدام الشاق)
2 المكنه لو فيها قرد هاتصحي تدور
3 قطع الغيار بالنسبه للموتور موجوده
عيوبها :
1 العربيه ضيقه و ماتشيلش 4 افراد (2 باب فقط)
2 قطع الغيار بالنسبه للعربيه شحيحه
3 العربيه ناشفه جداً وعاليه جداُ و بتتقلب بسهوله
مع ترك تعليق بسيط (بدون الاهانة لشعور العربية المرهفة :) )
يعني معلش بلاش حوار اصلها فاشلة وووو طبيعي اقولك ليه ؟! عشان معرفش عنها حاجة مع العلم ان موضوع انها تقلب وكده ليه علاجه + قطع الغيار
بشكركم والله العظيم مرة تانية علي ردودكم ومنتظر ارآء اكثر ان شاء الله :)

تم اضافه الليسته يا عم ..

[SNIPER_333]

بالظبط اللي كنت منتظره منكم ومتشكر ليكم
وياريت اسمع اراء تانية عملية
في حالة الجيدة للعربية وليس من واقع تجربة عملية فاشلة
يعني متكونش العربية في الحضيض ويجي يقولي تعبانة ووو

[bogyman123]

السلام عليكم
العربية دى مش عارف فيها اية فى كتير بيعجبو بمنظرها
انا اعرف واحد بيحبها وعشان خايف انها تتقلب بية وطى العربية على الاخر
انا عارف ان بقى منظرها معفن بس عجباة قوى


الناس فيما يعشقون مذاهب

[velkouf]

ابعد عن العربية دى انا اشتريتها وأقعدت معايا 4 شهور بس وبعتها علشان عربية ناشفة اوى وبتتمرجح بعد 80كم ساعه
مع العلم انى وطيتها اوى على الارض وركبت كاوتش v.h.s واكثر سرعة وصلت ليها العربية وهى ثابتة كان 100كم ساعة

وياريت ماتفكرنيش بالعربية دى تانى دى عربية بتوع الخرسانة

[SNIPER_333]

ايه رايكم في الهوندا سيفك الهاتش باك الشكل الكئيب يعني قول موديل 82 او حاجة زي كده ؟!