استفسار عن تافريا

[amfmm]

أرجو من أهل الخبرة مساعدتي
في الاستفسار عن مشاكل التافريا وليه سعرها رخيص اوي كدا في السوق هل في مشكله في قطع الغيار ام ماذا ارجو الشرح
وجزاكم الله كل خير
وشكرا

[AANIS]

تافريا

السلام علي من اتبع الهدي
اولا سيدي الفاضل انا عمري ما كنت سمعت عن التفاريا دي قبل 3 شهور علي الاكثر
لحد ما جاري فوجئت به اشتراها وقالي دي لادا كان تقريبا واخدها ب 15 او 17 مش فاكر
المهم قولتلو مبروك وربنا يباركلك فيها
بعد شهر ونصف تقريبا لقيته باعها
ليه يا عم عمل حادثه صغيره دخل في بلاعه دمرتلو قاعده الفتيس
ودي كانت البدايه لانه لف الدنيا علي قطع غيار ليها و ملقاش الاعند واحد بس في الحرفين وتقريبا كمان ملاقاش في التوكيل وكلفته تقريبا 2500 وعقدتو في عشتو قام بايعها لانها مارجعتش زي الاول علشان محدش كان عارف يصلحا علشان محدش يعرفها
وتقريبا الي اشترها من جاري هوا نفسه الي عايز يبعهالك لأن اعتقد ان مفيش غير عربيه واحده بس منها في مصر

[amfmm]

شكرا يا أخي وجزاك الله خير
يا ريت من الأخوه لو حد عنده معلومات تانيه يفيدنا
وشكرا للجميع

[limo]

بص هيه تعتبر النسخه الهاتش باك للدايو زاز
قطع غيارها موجوده بس نادره جدا جدا حدا وكمان غاليه علشان مش موجوده
ده يمكن كمان متلاقيش بعض قطع الغيار الغير استهلاكيه
كل ده الى متزل سعرها اوى +انها مش بياعه
رأى او انت بتشترى شوف 127 او 128 احسن على الاقل هتضمن قطع غيارهم +اعاده بيع حلوه
على فكره انا كان معايا دايو زاز وبعتها بطلوع الروح

[amfmm]

شكرا جدا يا ليمو
بس هي الدايو زاز كانت بتسخن معاك ولا لا
واصلي سمعت عن القانون اللي حيطلع علشان العربيات اللي قبل سنة 80 مش حتترخص فخايف من العربيات قبل تسعين

[limo]

الزاز كانت موديل 2005
يعنى كانت دوره تبريدها لسه جديده فمكنش بتسخن وامير الحراره يعلى والكلام ده
ده كنت بزودلها الميه كل سنه مره
بس طبعا غزل الكابينه عن المتور مش قد كده فسعات كنت بحس بسخونيه المتور وانا بسوق
بالنسبه لالغاء تراخيص السيارات القديمه والكلام ده اعتقد انه صعب جدا جدا جدا انه يحصل فى الواقع علشان ممكن يبطق على الاجره او يلغى ما قبل سنه 1960 لاكن الملاكى اعتقد صعب
لان نسبه العربيات القديمه قلت كتير عن زمان بص فى الشارع وشوف كل اد ايه عربيه قديمه بتعدى
وكمان اغلبيه المالكين لهذه السيارات مجميع فلوسها بالغافيه علشان يترحموا من قرف المواصلات فلما تلغى تراخيص العربيات ده اكيد الناس ده مش هيسكتوا
معلش خرجتك بره الموضوع بس انت لو مصمم على الزاز هات كاربتير مش انجكشن لان الانكشن بتها مش موجود كقطع غيار لو امكانياتك تسمح بال128 مو 90 او 96 يبقى احسن كتير وتبقى ريحت بالك من تعديل القانون

[amfmm]

شكرا بجد جدا كلامك مفيد جدا
والله الحقيقه انا بحب البيتلز وهي اللي كنت عايز اجيبها من الاول
بس عموما حشوف 128 مع انك عارف مشاكلها
وشكرا ليك

[pepo777]

اول رد ليا

اشكرك جدا و حبيت تكون اول شخص ابعتلة رد فى المنتدى على نصائحك الغاليا
:):):):):):):):):)