استفسار بخصوص لادا نيفا

[dr_viper000]

السلام عليكم ورحمة الله

انا كنت عايز اعرف هو الشكل الجديد من اللادا نيفا
بيكون من اول موديل كام؟؟والموديلات دي كلها دريكسيون بور لا مودلات ال 2000 بس
وشكرا

[engaass]

تقريبا من 94 او 96حاجة كده

[walidzakzok]

انا كنت بافكر فى العربية دي بس لما عدت لرشدي حسيت ان انا كنت بافكر فى عربية سقطت من تاريخ الزمن والعالم حتى لو اتقال فيها شعر ..انا شايف انها ممكن تتقارن بجرار زراعي مع احترامي لمالكيها

[dr_viper000]

انا كنت بافكر فى العربية دي بس لما عدت لرشدي حسيت ان انا كنت بافكر فى عربية سقطت من تاريخ الزمن والعالم حتى لو اتقال فيها شعر ..انا شايف انها ممكن تتقارن بجرار زراعي مع احترامي لمالكيها

طيب انت ركبتها وجربتها ولو ركبت النيفا كانت موديل كام الشكل الجديد ولا القديمه

[walidzakzok]

يا باشا الشكل بيفرق فى الفانوس الخلفي وشوية الفايبر اللي راكبين
عربية غير عائلية دركسيونها انعم من ال 2107 معرفش اللي فيها باور ايه نظامه ..لو جابت 120 كيلو فى الساعة يبقى تمام اوي ..فى الملفات لازم تهدي جامد لان العربية عالية .اما السحب فهي ممكن تسد مع ال 128 غير كدة لا

[dr_viper000]

يا باشا الشكل بيفرق فى الفانوس الخلفي وشوية الفايبر اللي راكبين
عربية غير عائلية دركسيونها انعم من ال 2107 معرفش اللي فيها باور ايه نظامه ..لو جابت 120 كيلو فى الساعة يبقى تمام اوي ..فى الملفات لازم تهدي جامد لان العربية عالية .اما السحب فهي ممكن تسد مع ال 128 غير كدة لا

شكرا علي الرد والاهتمام
بس انا شايف ان 120 مش وحش ا في ناس بتقول ان اخرها 100 كمان
ولو دركسونها انعم من 2107 تبقي مش وحشه اوي

[walidzakzok]

بص اللادا عربيات خشنة وخدمة شاقة وانت معاك عربية ناعمة وهي الريجاتا لو فعلا شايف ان النيفا هتفيدك اتوكل على الله بس خلي بالك انها محتاجة تدوير مش اقل من 6 شهور العربية قليلة واللي حالتها كويسة قليلة جدا وسعرها عالي بس لما تجيبها وتقعد معاك شوية متندمش ساعيتها انك جايب صندوق حديد باربع عجلات خالى من الاوبشنز

[dr_viper000]

بص اللادا عربيات خشنة وخدمة شاقة وانت معاك عربية ناعمة وهي الريجاتا لو فعلا شايف ان النيفا هتفيدك اتوكل على الله بس خلي بالك انها محتاجة تدوير مش اقل من 6 شهور العربية قليلة واللي حالتها كويسة قليلة جدا وسعرها عالي بس لما تجيبها وتقعد معاك شوية متندمش ساعيتها انك جايب صندوق حديد باربع عجلات خالى من الاوبشنز

انا فاهم حضرتك بس انا مش هبيع الريجاتا انا هجبها مع الريجاتا عشان سعرها معقول
انا طبيب بشري واستلمت شغل في اسكندريه انا من القاهره فالسارع رمل مش اسفلت عندنا
قولت حرام ابهدل الريجاتا
انا عاوز اعرف حاجه منك بعد اذنك هي تستحمل اسافر بيها من القاهره لاسكندريه
تاني حاجه بالنسبه لموضوع الاوبشن
؟؟طيب ايه الاوبشن في ال 128 زياده عنها
وشكرا جدا للأهتمام

[walidzakzok]

اولا انت لو جبت عربية نيفا بسعر قليل هتلاقي حالتها تعبانة جدا وهتتعبك

طبعا هتستحمل تسافر بيها بس لو حالتها كويسة بس خلى بالك ان العربية خشنة يعني هتنزل منها مدغدغ لان المشوار طويل

وبدل ما تشتري عربية تانية وتقرفك مصاريف استعمل العربية اللي معاك وفى الطرق المكسرة امشي بالراحة واخرك هتغير عفشة بدري شوية

اما بخصوص الاوبشنز ال 128 شكل التابلو ارحم شوية والدريكسيون خفيف طبعا بس انا كمستخدم سابق لل 128 فهي ما تختلف كتير عن النيفا كلها عربيات فاقدة للزمن

الريجاتا كانت سابقة جيلها بشوية عشان كدة تصنيفي ليها اعلى اللى هتشتري بيه النيفا وبعدين تبيعها بخسارة اصرفه على الريجاتا احسن

[dr_viper000]

اوك يا استاذ وليد
ربنا يكرمك

[walidzakzok]

الله يخليك وربنا يوفقك للي فيه الخير

[mrastra]

لى راى مناقض
وعن تجربة عشان الناس ما تقلش انى بفتى
واحد زميلى معاة نيفا لولا بس اننا بليل كنت نزلت صورتها هى بتركن تحت العمارة عندى
عامل فيها شغل بودى كيت مخلى شكلها تحفة
راششها لونين مكس ازرق فى رصاصي والكراسي متنجدة بشكل رائع دة الشكل الخارجى
الموتور بتعها 1600 بتشد مع اى عربية وتسارع زى الفل وبتجيب 120 واكتر
مركبلها جنوط معرفش الحقيقة كام وكاوتش عريض مديها ثبات غير عادى ومهبطها عن الطبيعى
مركب عبة دركسيون خمسة بلية صراحة تحفة والعربية عموما تحب تتفرج عليها
على فكرة هو مش بيبيع لحسن تقول انى بعمل دعاية
بس الفكرة كلها انها زى اى عربية فى منها حالات سيئة وفى حالا ممتازة واى عربية على حسب الاستعمال
معلومة صاحب العربية دى معاة اوبترا وسوزوكى وشوية عربيات تانى كتير

[dr_viper000]

لى راى مناقض
وعن تجربة عشان الناس ما تقلش انى بفتى
واحد زميلى معاة نيفا لولا بس اننا بليل كنت نزلت صورتها هى بتركن تحت العمارة عندى
عامل فيها شغل بودى كيت مخلى شكلها تحفة
راششها لونين مكس ازرق فى رصاصي والكراسي متنجدة بشكل رائع دة الشكل الخارجى
الموتور بتعها 1600 بتشد مع اى عربية وتسارع زى الفل وبتجيب 120 واكتر
مركبلها جنوط معرفش الحقيقة كام وكاوتش عريض مديها ثبات غير عادى ومهبطها عن الطبيعى
مركب عبة دركسيون خمسة بلية صراحة تحفة والعربية عموما تحب تتفرج عليها
على فكرة هو مش بيبيع لحسن تقول انى بعمل دعاية
بس الفكرة كلها انها زى اى عربية فى منها حالات سيئة وفى حالا ممتازة واى عربية على حسب الاستعمال
معلومة صاحب العربية دى معاة اوبترا وسوزوكى وشوية عربيات تانى كتير

والله كويس انا لسه محتار بس كلامك يطمني اكتر
بس لو هعمل كل المصاريف دي في العربيه هتتكلم مبلغ برضو
لو تكرمت ورفعت الصور ابقي شاكر لحضرتك جدا وشكرا علي الاهتمام

[mrastra]

حاضر بس بالنهار ...بس هو مش بيبيع
انا قلت كلمة حق فى عربية انا شايفها بعينى وركبتها اكتر من مرة

[dr_viper000]

حاضر بس بالنهار ...بس هو مش بيبيع
انا قلت كلمة حق فى عربية انا شايفها بعينى وركبتها اكتر من مرة

اه ياريت انا بس عاوز اعرف ممكن تتضبط ازاي

وبما انك ركبتها ومعاك لادا انا عاوز اعرف يعني ايه خشنه علي الطريق؟؟ كل ما اقول لحد لادا يقولي لا دي خشنه علي الطريق
ولو خشنه يعني الدركسيون بتاعها تقيل طيب ما دا يبقي احسن ويديها ثبات علي الطريق السريع ولا انا غلطان؟؟