لادا اتوماتيك؟؟؟

[flower]

السلام عليكم ورحمة الله وبركاته،،
لو سمحتم ممكن توضحوا بس ازاي ممكن نحول عربية مانيوال الى اتوماتيك،، وفين،، وبيتكلف كام تقريبا،،،
وهل لازم يتوفر في العربية المانيوال مواصفات او شروط معينة عشان تتحول لاتوماتيك؟؟ ولا ممكن أي عربية؟؟
أنا باسأل خصوصا على اللادا الجديدة، في امكانية تحويلها الى اتوماتيك ولا لأ؟؟؟
ياريت لو حد عنده فكره يفيدني،، وشكرا،،،

[hazem_khidr]

بالنسبه للادا ف الموضوع دا صعب لان مفيش فتيس متوافق مع الموتور بتاعك.
الحل انك تغير الموتور بموتور 132 و 131 بالفتيس الاتوماتيك بتاعه ّ!!!!!!!!
ف طبعا حل غير عملي بالمره و غير كده فتيس الفيات القديم غير معمر يعني من الاخر انسي الفكره دي خالص

[polo61]

انا برضه بأسأل نفس السؤال
لو سمحتم من خبراء اللادا
ممكن فى التوكيل ولا فين؟

[Xpert]

بص .. الخلاصه في الكلام ده :
ينفع تحويل اللادا الي اوتوماتيك ؟ اه ينفع .. هايكلف فلوس علي الفاضي .. هاتقلبها اوتوماتيك .. هاتلف ال 7 لفات و في الاخر هالتقرف من العربيه و تبيعها ... (في حاله اتك تقلبها بره التوكيل عند الفهلوانيه)
جوه التوكيل ؟ لاء ماينفعش ...
الفتيس المانوال احسن من الاوتوماتيك .. انا مش عارف ليه الناي كلها بقت عاوزه تقلب اوتوماتيك ... ما علينا ..
الافضل لاي عربيه .. اختصار الطريق و خليها ستوك .. معتدكش اوتوماتيك ماتركبش اوتوماتيك ... ماعندكش تكييف ماتركلش تكييف .. ماعندكش باور ماتركبش باور .. و هكذا بالنسبه لاي حاجه .. اشتري عربيه فيها كل اللي انت عاوزه لو هاتشتري جديد .. اما لو هاتشتري مستعمل فعليك و علي التجربه الشاقه و الفحص الدقيق من سلامه الاجزاء و عدم وجود تسريبات و ما شابه .. ;)

[asdf]

اللادا سيارة ممتازة وانا لية مش عارف الناس بشتكي منها لية في الدركسيون مع ان الموديلات الجديدة ممتازة بالنسب للحكاية دي اللادا سيارة الخدمة الشاقة واحسن عربية تكون تاكسي تلف طول اليوم وتكون ملاكي اخر اليوم ومش بتقول لا يعني ممكن تشيل عمال لو ا مهندس انصحك بشراء اللادا 2107 لانها هتشيل طوب وزلط وعمال وهتمشي زي الرهوان في موقع العمل بتاعك بس لو انت عايز تتفادي مشكلة البيض اعمل صيانة دورية عند اي ميكانيكي كويس كل 6 شهور ومش هتشتكي منها خالص واللي بيقولوا ان دركسيونها تقيل فهيا عاملة في الدركسيون زي فيات 124 وفي ناس كتيرة واخدة علي دركسيون اللادا وبتقول انة عادي خالص ومافيش من اي مشكلة وبتسافر وروح اي حتة في الدنيا ومش بتسخن كتير زي مالناس بتقول وانا كت سالت سواق تاكسي لادا قال ان هيا ممتازة وانة مش بيرحمها من اللف وبيقول انها تركسيونها عادي مافيش منة اي مشكلة وان هيا مش سخنت منة خالص واريد ان اوجة نداء لكل من يريد ان يشتري لادا2107 سواء روسي او مصري مش تسمع كلام اي حد يعيب فيها الناس دول كلهم شباب وعايزين عربية منظر وخلاص وتكون بور علشان مش يتعب وهو بيسوق يا عيني وتكون ياباني او كوري علشان يعرف يتمنظر اشتري لادا2107 واتوكل علي الله ومش يهمك صوتها لانة جاي من قوتها المهولة

[hazem_khidr]

مش تسمع كلام اي حد يعيب فيها الناس دول كلهم شباب وعايزين عربية منظر وخلاص وتكون بور علشان مش يتعب وهو بيسوق يا عيني وتكون ياباني او كوري علشان يعرف يتمنظر اشتري لادا2107 واتوكل علي الله ومش يهمك صوتها لانة جاي من قوتها المهولة

يعني افهم من كلام حضرتك ان اللادا احسن من التويوتا و الميتسوبيشي و الهيونداي و الكيا و الدايو؟؟؟؟؟؟؟؟؟
و معني كده بقي انك بتاكد ان ال 2107 احسن من الياريس و اللانسر و الاكسنت و الريو و اللانوس.
ياااااااااااه دا الواحد بقي راح رمي فلوسه لما دفع ضعف تمن الللادا في عربيه ياباني.


و هو الواحد لما يجيب عربيه يجيب عربيه يا عيني مش يتعب و لا يجيب عربيه تشقيه علشان يحس بالتعب ؟؟؟؟؟؟

وهل كل الناس اللي جايبه العربيات الجديده جايبها علشان يتمنظروا بيها
طب ما اللادا دي كان اللي بيجبها من 30 سنه مثلا بيجبها علشان شكلها جديد و تكنولوجيا حديثه في الوقت دا.

ساعتها بقي اللي جابها مكنش بيتمنظر بيها ؟؟؟؟؟
..................
ارجو الرد بموضوعيه علي شراء سياره من عدمه باعتبار ان اللادا تعتبر من اقل السيارات المنافسه ليها في السوق

[ows212]

اللادا ها تفضل طول عمرها لادا و مش ها ينصلح دركسيونها

[dr_3eshoo]

يا حازم باشا
الي انا فهمته انك لو معاك 40 لحد خمسين الف جنيه و نويت عربيه زيرو فالادا هيا احسن عربيه في هزي الفئه السعريه بس مش اكتر يعني احسن من الماروتي و هيا فعلا كده
انما نويت 80 الف لحد 90 عندك اليارس طبعا باشا العربيات كله
اكتر من كده متشتريش علشان الضرايب و الرسوم و علشان ما يتخربش بيتك

[hazem_khidr]

يا حازم باشا
الي انا فهمته انك لو معاك 40 لحد خمسين الف جنيه و نويت عربيه زيرو فالادا هيا احسن عربيه في هزي الفئه السعريه بس مش اكتر يعني احسن من الماروتي و هيا فعلا كده
انما نويت 80 الف لحد 90 عندك اليارس طبعا باشا العربيات كله
اكتر من كده متشتريش علشان الضرايب و الرسوم و علشان ما يتخربش بيتك

مممم
كلام جميل
معذره لو كنت فهمتك غلط يا دكتور:)

[aif]

مممم
كلام جميل
معذره لو كنت فهمتك غلط يا دكتور:)

اعتقد انك كنت بترد علي الاخ asdf يا حازم مش dr_3eshoo
واعتقد ان الاخ صاحب الموضوع مش بيسأل انه عاوز يشتري لادا أو غيرها
الراجل عاوز يحول لادا مانيوال الي اتوماتك ... وانا شايف ان ردك موضوعي ومنطقي علي موضوع تغيير الفتيس الي اوتوماتك

[hazem_khidr]

اعتقد انك كنت بترد علي الاخ asdf يا حازم مش dr_3eshoo
واعتقد ان الاخ صاحب الموضوع مش بيسأل انه عاوز يشتري لادا أو غيرها
الراجل عاوز يحول لادا مانيوال الي اتوماتك ... وانا شايف ان ردك موضوعي ومنطقي علي موضوع تغيير الفتيس الي اوتوماتك

و الله ما انا فاكر يا احمد بيه
السلوك دخلت في بعضها و لقيت واحد بيغلطني و بيقولي انا فهمت غلط
فقولت اعتذر ليه علي عدم فهمي لوجهه نظره.
لكن ما قريت تاني لقيت فعلا اني منكش برد علي عيشو و برد علي الاخ اللي عاوز الناس تركب لادا و تشقي!!!!!:p

[flower]

ما علينا ياجماعة ،،المهم انه ماينفعش وخلاص (التحويل للاوتوماتيك فيها)
يعني مفيش غير ان الواحد يشتري عربية ناعمة وجديدة،، ويحط عينيه في وسط راسه :))))
للأســـــــــــــــــف،،،

[sndbad111]

معلش ياجماعه

ما علينا ياجماعة ،،المهم انه ماينفعش وخلاص (التحويل للاوتوماتيك فيها)
يعني مفيش غير ان الواحد يشتري عربية ناعمة وجديدة،، ويحط عينيه في وسط راسه :))))
للأســـــــــــــــــف،،،

معلش ياجماعه انا خبرتى فى الموضوع اللى الأخ بتكلم عليه ان ممكن اللادا تتحول اوتوماتيك ده مش مجرد رأىده عن تجربه شخصيه احنا كان عندنا لادا 2107 موديل 94 وكنا محولنها اوتوماتيك الكلام ده كان سنة 2000 اشترينا الفتيس مستعمل من واحد فى منطقة الفراهده ( عندنا فى اسكندرية) كان عامل 1000 جنيه كامل حتى الكنسوله اللى جوه الصالون كانت جيه معاه ومعملناش تعديل فى الموتور كان الفتيس مظبوط عليها تمام على ما افتكر انه مكنش متوفق احنا سالنا اذا كان ليها ولا لأ ولقينا عند واحد بيبيع قطع غيار مستعمله ,,,,,,,, المشكله الوحيده اللى قابلتنا ان صوت الشكمان كان عالى شويه وده على ما افتكر كان سببه ان الأوتوماتيك بيحتاج شكمان اوسع ...... وده عن تجربه شخصيه واى استفسار انا فى الخدمه

[hamadaalo2002]

معلش ياجماعه انا خبرتى فى الموضوع اللى الأخ بتكلم عليه ان ممكن اللادا تتحول اوتوماتيك ده مش مجرد رأىده عن تجربه شخصيه احنا كان عندنا لادا 2107 موديل 94 وكنا محولنها اوتوماتيك الكلام ده كان سنة 2000 اشترينا الفتيس مستعمل من واحد فى منطقة الفراهده ( عندنا فى اسكندرية) كان عامل 1000 جنيه كامل حتى الكنسوله اللى جوه الصالون كانت جيه معاه ومعملناش تعديل فى الموتور كان الفتيس مظبوط عليها تمام على ما افتكر انه مكنش متوفق احنا سالنا اذا كان ليها ولا لأ ولقينا عند واحد بيبيع قطع غيار مستعمله ,,,,,,,, المشكله الوحيده اللى قابلتنا ان صوت الشكمان كان عالى شويه وده على ما افتكر كان سببه ان الأوتوماتيك بيحتاج شكمان اوسع ...... وده عن تجربه شخصيه واى استفسار انا فى الخدمه

فعلا انا كنت باشوف عربية لادا برتقالي تقريبا في دهر شارع عبد المنعم اوتوماتيك ,ولسه شايفها من اسبوع برضة

[NaderNabil]

طب هو أصلا فيه لادا اوتوماتيك...يعني فيه عربيات لادا في بلادها نازلة أوتوماتيك؟؟؟