حدث فى التاكسى

[shaddadfalcon1]

أنا مركب جلبتين مقص وعاوز 25 جنيه فعطيته 20 لان الواد معرفش عمل اية حرق كتاووت وحرق الكلاكس والحمد لله علي كل شئ انما يجل العفشة كلها ب 40 جنيه لية؟! يا بلاش والله يا ريت ياباشا تقولولنا فين الصنايعية دي؟

في كفر الدوار - شارع الجيش بعد المزلقان - المركز الهندسي للسيارات
لو حبيت تروح اسال بس علي الصعيدي للأكسسوارات وهتلاقي الورشه في الشارع للي في وشه علي طول وجنبها هندي لقطع الغيار الأستيراد

فيه كهربائي ميكانيكي - عفشه
والميكانيكي كان شغال في توكيل شيفروليه

[mohamed2002]

كدا المصنعية معقولة وعلى فكرة انا سالتلك صحابى لما لقيتك بتشتكى من على قالولى نفس كلامك انه مدخل كام صنايعى جديد قلتهم احسن وخاربين الدنيا والصنايعية القدام اتعوجوا ومش فاضيين طالما ارتحت لهشام كويس ولو قل معاك جرب محمد وحوار المساعدين كدا يبقى ركبلك مساعدين دبابة امامية مكان مساعدين لادا الخلفية
وعلى فكرة ممكن الاخوة من كفر الدوار و دمنهور وفوه ورشيد يفيدونا فى الصنايعية الكويسين وتبقى رحلات من الاسكندرية اما سكان القاهرة يشوفوا بتوع المنصورة وطنطا ودسوق

علي بسم الله ماشاء الله عنده عربيات واقفة كتير اوي والمشكلة انه لا بيجرب لا قبل ولا بعد الشغل والمشكلة التانية اني مش بحب اجيب الحاجة من عند العفشجي يعني هشام وعلي الاتنين فاتحين محلات قطع غيار وطبعا انت بتجيب منهم وبيديك الحاجة وانت مش عارف سعرها ولا عارف ان كانت الماركة دي نضيفة ولا نص نص ,المشكلة التالتة والاخيرة أن الاتينين متقاربين بس عند هشام الاهتمام أفضل والشغل أحسن وبيجرب معاك قبل وبعد وبعد تاني فانا شايف انه افضل وخصوصا ان حجم العربيات مش كتير عند هشام زي علي ,
ياريت توضح لي قصدك بمووضوع المساعدين اية ياباشا؟
وفعلا الواحد المفروض يعرف الصنايعية بتوع كفر الدوار خصوصا ان المسافة مش بعيدة وربنا يكرم ان شاء الله

[mohamed2002]

في كفر الدوار - شارع الجيش بعد المزلقان - المركز الهندسي للسيارات
لو حبيت تروح اسال بس علي الصعيدي للأكسسوارات وهتلاقي الورشه في الشارع للي في وشه علي طول وجنبها هندي لقطع الغيار الأستيراد

فيه كهربائي ميكانيكي - عفشه
والميكانيكي كان شغال في توكيل شيفروليه

باشا يا ريت تدينا نبذة عن الشغل اللي عملته والمصنعيات اية؟ ولو احتجت قطع غيار من هناك الاسعار اية؟

[MohssenRashed]

هو حلها وكان بيدخل خشبه عريضه علي المكان اللي مطبق ويدق عليها لغاية مااتظبطت

انا نزلت بالاكسنت مرة في مطب فرتك الكرتيرة و غيرته ب 160 جنية. بس اعتقد انك تغيرها احسن و اوفر من انك تستعدلها.

[shaddadfalcon1]

باشا يا ريت تدينا نبذة عن الشغل اللي عملته والمصنعيات اية؟ ولو احتجت قطع غيار من هناك الاسعار اية؟

اول مره:
تغيير بوجيهات - سلوك بوجيهات - طرمبة مياه - ترموستات - تنضيف دورة المياه - تغيير كام خرطوم للمياه كانو بايظيين -
حل العفشه الاماميه - تركيب بطاحات - كوازين -

المصنيعه كله 90

تاني مره فك البوابه وتنضيفها وفك سير الدينامو والتكييف وتنضيفهم من الرمل اللي ماسك فيه وتغيير خراطيم اللي نازله من البوابه من تحت - تغيير بطاحات وتظبيط الكوازين وحل العفشه الأماميه برده عشان يتاكد ان كل حاجه سليمه

المصنعيه 70

بالنسبه لقطع الغيار فدايما بلاقي فرق سعر حوالي 10 جنيه في الحاجات اللي تمنها اذيد من 50 جنيه مثلا بس ده عشان مبقاش اعرف تمنها لكن لو تعرف تمنها وتفاصل هتجيبها بتمنها (اصلي نيله قوي في الفصال)

[mohamed2002]

اول مره:
تغيير بوجيهات - سلوك بوجيهات - طرمبة مياه - ترموستات - تنضيف دورة المياه - تغيير كام خرطوم للمياه كانو بايظيين -
حل العفشه الاماميه - تركيب بطاحات - كوازين -

المصنيعه كله 90

تاني مره فك البوابه وتنضيفها وفك سير الدينامو والتكييف وتنضيفهم من الرمل اللي ماسك فيه وتغيير خراطيم اللي نازله من البوابه من تحت - تغيير بطاحات وتظبيط الكوازين وحل العفشه الأماميه برده عشان يتاكد ان كل حاجه سليمه

المصنعيه 70

بالنسبه لقطع الغيار فدايما بلاقي فرق سعر حوالي 10 جنيه في الحاجات اللي تمنها اذيد من 50 جنيه مثلا بس ده عشان مبقاش اعرف تمنها لكن لو تعرف تمنها وتفاصل هتجيبها بتمنها (اصلي نيله قوي في الفصال)

يا بلاش والله الكلام دة لو تعمله هنا يبقي كلام تاني خالص

[shaddadfalcon1]

انا نزلت بالاكسنت مرة في مطب فرتك الكرتيرة و غيرته ب 160 جنية. بس اعتقد انك تغيرها احسن و اوفر من انك تستعدلها.

هي كانت مطبقه بس وكده كده حسابها كان داخل في بقية الحساب يعني مخسرتش ليها حاجه ده غير انها مكنتش مضايقاني في حاجه بس قولت بالمره

[keko]

عايزين نظبط ونعمل رحلة لكفر الدوار مرة

[shaddadfalcon1]

عايزين نظبط ونعمل رحلة لكفر الدوار مرة

تشرفو ياباشا انا ببقي هناك كل جمعه وسبت لو عايز تروح اي يوم من دوول كلمني وانا استناكم واروح زمعاكم ولو عجبكم الشغل يبقي استفدتم ولو معجبكمش يبقي مخسرتوش حاجه وانا ابقي كسبت معرفتكم

[keko]

تشرفو ياباشا انا ببقي هناك كل جمعه وسبت لو عايز تروح اي يوم من دوول كلمني وانا استناكم واروح زمعاكم ولو عجبكم الشغل يبقي استفدتم ولو معجبكمش يبقي مخسرتوش حاجه وانا ابقي كسبت معرفتكم

والله كلنا نتشرف وفعلا المفروض الاسكندرانية يعملوا مقابلات اسبوعية انا عن نفسى اى مقابلة راكب

[shaddadfalcon1]

وانا كمان بس متبقاش متاخر قوي

[keko]

وانا كمان بس متبقاش متاخر قوي

هوا غالبا ممكن نحدد مكان رايق للركنة وقريب ويوم فاضى زى الخميس باليل او الجمعة العصر
على فكرة انا لسة ملاحظ ان حضرتك كمان من سيدى بشر انا كمان من سيدى بشر و لسة شايف الاخ ungli من سيدى بشر برضه

[shaddadfalcon1]

انا دايس معاكم لو يبقي الجمعه العصر يبقي احلي بكتيير
علي الأقل الواحد يبقي فايق وميتاخرش علي الاسره في البيت

[keko]

طيب احنا ممكن نعمل موضوع ونجمع فيه الاسكندانية من المندرة والعصافرة وسيدى بشر والسيوف ونخلى المقابلة فى مكان سالك وانا اعرف كذا مكان كويسين ايه رايكم ؟

[shaddadfalcon1]

شغااااااااااال