2105 ولا 2107

[keko]

السلام عليكم
كنت عايز اعرف ايه الفروق بين لادا 2105 ولادا 2107 من حيث الجوهر ومن حيث الشكل واللى يعرف حاجة يقول وايهما افضل
اللى انا اعرفه ان مواتير 2105 نازلة سعتها اقل 1200 و 1300 وانها بتكون بسير تقسيمة كاوتش اما 2107 فيها 1500 وسير التقسيمة صلب
والتابلوه مختلف والشبكة والكبوت انما معرفش الفوانيس والشنطة واحد ولا يختلفوا
وتقريبا الرفارف والببان واحد

[engaass]

الفرقفى الشكل فى الشبكة الاماكية والفوانيس الخلفية والتابلوة وسعة الماتور بس الفرق فى الشكل بينهم ممكن تعتبر ان شكلهم تقريبا واحد لكن سعة الماتور فى 2107 اكبر من ال2105 وكمان التابلوه بتاع ال 2107 احلى وفية عداد ار بى ام

[mohamed2002]

بص ياباشا
الادا 2105 قبل 1990 ماتورها 1300 ويندر ال 1500 ودة بيكون أول الثمانينات ,ومن1990وطالع الماتور بيبقي 1200 وأخر موديل اللي هوة 1996 وبرضة 1200 ولما كنت بدور علي 2105 لقيت واحدة موديل 2000 وخليجي وماتورها 1500 ودي نادرة جدا جدا
ال 2107 منها 1300 وتقريبا دة تسعينات ومن 2000 وطالع بيبقي 1500 والمصري 1600
الفروقات في الشكل الخارجي كشبكة فوانيس خلفية اكصدامات مع العلم ان اكصدامات الخليجي في 2107 بتبقي زي 2105 المونيوم
التابلوة مختلف في الادا 2107 وبيبقي فيه ار بي أم وسحبها أقوي لان ماتورها أعلي وملحوظة أخيرة ان 2105 4 غيار وال 2107 بتبقي 5 غيار

[a7madramadan]

الأستاذ محمد على طوووووول بيجيب من الآخر :) خد كلامه ثقه و عموما انا كل الي اعرفه بيدور على 2105 بيدور عليها علشان موتورها الــ 1200 اقتصادي بطريقة فظيعة و صيانته سهلة جدا و طبعا الــ 1600 بتاع 2107 مش صعب ولا حاجة علشان ماتفهمش كلامي خطأ

[keko]

الله ينور على الردود
يعنى كدا فوانيس ورا بس مختلفة انما قدام واحد
بس على فكرة تابلوه 2105 فيه اربى ام وان كان شكل التابلوه مختلف طبعا
وبالنسبة للصاج هل الاختلاف فى الكبوت بس ولا فيه حاجات تانية
وموضوع الموتور ال1200 و ال 1500 هل فرق الاستهلاك كبير ولا بسيط والسحب ضعيف فى ال 1200 ولا كويس برضه وموضوع ان سير التقسيمة كاوتش فى 2105 مشكلة ولا عادى لانى سمعت ان اللادا حتى لو السير اتقطع الموتور مش بيبوظ

[mohamed2002]

الأستاذ محمد على طوووووول بيجيب من الآخر :) خد كلامه ثقه و عموما انا كل الي اعرفه بيدور على 2105 بيدور عليها علشان موتورها الــ 1200 اقتصادي بطريقة فظيعة و صيانته سهلة جدا و طبعا الــ 1600 بتاع 2107 مش صعب ولا حاجة علشان ماتفهمش كلامي خطأ

ربنا يخليك ياباشا بس انا مش عارف لية حاسس ان الفرق بيكون مش كبير في الاستهلاك يعني مش الفرق اللي يخليك تدور علي 2105 عشان ماتورها بالاضافة الميزة في الترخيص ودفع الضريبة ال 1200 أقل

[mohamed2002]

الله ينور على الردود
يعنى كدا فوانيس ورا بس مختلفة انما قدام واحد
بس على فكرة تابلوه 2105 فيه اربى ام وان كان شكل التابلوه مختلف طبعا
وبالنسبة للصاج هل الاختلاف فى الكبوت بس ولا فيه حاجات تانية
وموضوع الموتور ال1200 و ال 1500 هل فرق الاستهلاك كبير ولا بسيط والسحب ضعيف فى ال 1200 ولا كويس برضه وموضوع ان سير التقسيمة كاوتش فى 2105 مشكلة ولا عادى لانى سمعت ان اللادا حتى لو السير اتقطع الموتور مش بيبوظ

ال 2105 مفهاش ار بي ام بالاضافة ان السير في 2105 حديد وليس كاوتش وفرق السحب مش كبير ولا حاجة وانت لما تشتري شوف الحالة الآفضل سواء 2105 او 2107 وانصحك تكون فوق 2000 وتكون روسي كاربراتير مش مصري

[keko]

ماهو الموضوع ان ميزانيتى لو كده مش هاتجيب 2107 بس ممكن 2105 ثمانينات انما انا محتاج اعرف كل الفروق الممكنة لانى لو اشتريت هاجيب عربية مش نضيفة قوى علشان اوفر من المبلغ اللى معايا واشدها على ايدى من اللى اوفره ده غير ان لو الموتور ال 1500 احسن كتير فى السحب من 1200 وفرق الاستهلاك بسيط ممكن اسقط واحد انما لو العكس فرق سحب بسيط وفرق بنزين كبير يبقى الافضل 1200

[mohamed2002]

ماهو الموضوع ان ميزانيتى لو كده مش هاتجيب 2107 بس ممكن 2105 ثمانينات انما انا محتاج اعرف كل الفروق الممكنة لانى لو اشتريت هاجيب عربية مش نضيفة قوى علشان اوفر من المبلغ اللى معايا واشدها على ايدى من اللى اوفره ده غير ان لو الموتور ال 1500 احسن كتير فى السحب من 1200 وفرق الاستهلاك بسيط ممكن اسقط واحد انما لو العكس فرق سحب بسيط وفرق بنزين كبير يبقى الافضل 1200

سعر ال 2107 وال 2105 تسعينات تقريبا واحد والفرق بسيط ,لو منك شوف لك عربية اساساتها نضيفة وعفشتها وماتورها عشان متتعبش صدقني ولو امكانياتك تسمح يبقي 2107 موديل روسي فوق ال 2000 وتبقي 10/10

[tiger45]

بص ياباشا
الادا 2105 قبل 1990 ماتورها 1300 ويندر ال 1500 ودة بيكون أول الثمانينات ,ومن1990وطالع الماتور بيبقي 1200 وأخر موديل اللي هوة 1996 وبرضة 1200 ولما كنت بدور علي 2105 لقيت واحدة موديل 2000 وخليجي وماتورها 1500 ودي نادرة جدا جدا
ال 2107 منها 1300 وتقريبا دة تسعينات ومن 2000 وطالع بيبقي 1500 والمصري 1600
الفروقات في الشكل الخارجي كشبكة فوانيس خلفية اكصدامات مع العلم ان اكصدامات الخليجي في 2107 بتبقي زي 2105 المونيوم
التابلوة مختلف في الادا 2107 وبيبقي فيه ار بي أم وسحبها أقوي لان ماتورها أعلي وملحوظة أخيرة ان 2105 4 غيار وال 2107 بتبقي 5 غيار

ده كلام من الاخر

[keko]

سعر ال 2107 وال 2105 تسعينات تقريبا واحد والفرق بسيط ,لو منك شوف لك عربية اساساتها نضيفة وعفشتها وماتورها عشان متتعبش صدقني ولو امكانياتك تسمح يبقي 2107 موديل روسي فوق ال 2000 وتبقي 10/10

بالنسبة للادا اهم حاجة عندى الصاج سليم 100 مية وبعد كده اى حاجة سهلة يوم لما تكون رايحة فى داهية اشترى نص امامى كامل ب 3 ولا 3.5 واخد منه الحشو كله موتور وعفشة وتابلوه وفتيس وراديتير الخ انما الصاج عمره ما يرجع تانى

[mohamed2002]

بالنسبة للادا اهم حاجة عندى الصاج سليم 100 مية وبعد كده اى حاجة سهلة يوم لما تكون رايحة فى داهية اشترى نص امامى كامل ب 3 ولا 3.5 واخد منه الحشو كله موتور وعفشة وتابلوه وفتيس وراديتير الخ انما الصاج عمره ما يرجع تانى

والله ياباشا دة علي حسب دماغك ووقتك يعني انا افضل اجيب حاجة سليمة عشان تريحني لسببين لخبرتي المتواضعة ولوقتي برضة و انا انصحك تجيب واحدة اساسيات سليمة لو فيها شغل يبقي بسيط جداا وصدقني حتلاقي

[keko]

والله ياباشا دة علي حسب دماغك ووقتك يعني انا افضل اجيب حاجة سليمة عشان تريحني لسببين لخبرتي المتواضعة ولوقتي برضة و انا انصحك تجيب واحدة اساسيات سليمة لو فيها شغل يبقي بسيط جداا وصدقني حتلاقي

انا معاط طبعا فى ان شاء العبد ولا تربيته بس المشكلة انى شفت ناس كتير جدا جدا ومنهم انا فحصوا العربية كويس جدا واشتروها وبعد كام شهر طلعت متكروتة ومعكوكة يعنى مثلا واحد لقى الكرونة ونت واتضح ان كان محطوطلها مانع ونة او موتور محطوطله زيت شنبر وحصل معايا ان الموتور كشف عليه 3 ميكانيكية وكان كويس وبعدين اتضح ان البلوك كان ضايع بس كبس كويس وطبعا ممكن كاوتش نقشته كويسة ويطلع مليان خوابير وبطارية يومين وتشيع والكلام ده وبعدين بصراحة مش الاساسيات زى الموتور والكلام ده اللى خلتنى افكر فى نصف كامل لان طبعا الموتور كله ب 1300ج بس المشكلة بتكون برضه فى شوية رفايع بتلم فلوس كتير اشى ضفيرة تعبانة على لمبة محروقة على ولاعة بايظة ولا عداد مش شغال والكلام ده وبرضه محتاج اراء معايا وادعولى ربنا يهديدنى للصح

[mohamed2002]

لا انا اختلف معاك في ناس بتقعد بال 3 شهور لغاية ما تلاقي العربية والموضوع مش مستحيل شوف لك عربية تكون فابريكة وسليمة ولا تكون مرفوعة فترة صدقني الصنايعية بيقرفو طبعا غير المصنعيات العجيبة والشغل التعبان ,الادا فوق ال 2000 يعملو 27 دة حسب توقعي وحيبقي حالته حلوة

[elmkaneeki]

كلام جميل جدا بس ملحوظة بسيطة
1200 سى سى مع فتيس 4 غيار= استهلاك بنزين فظيييييييييييييع على السرعات العالية