الـــعلامة اتسرقت ....محتاج معلومة من الاسكندرية

[a7madramadan]

بسم لله الرحمن الرحيم

انا طـــــــول عمري باسمع صاحب بي ام اتسرقت العلامة ....مرسيدس اتسرقت العلامة.....بس لادا عمرها ما كانت تيجي على بالي

الموضوع بدأ الصبح باجيب الفطار و الدنيا شتت شتواية خفيفة فالعربية ماكانش باين فيها حاجة من التراب...وأنا راجع حسيت في حاجة مش طبيعية في ظهر العربية ....المفاجئة العلامة المكتوب عليها لادا 2107 (Lada 2107) عاليمين مكانها ثلاث أخرام في الشنطة

الحمد لله على كل شيء .... بس مش عارف مين المعفن الي يسرق علامة لادا ...

أنا بس حابب أعرف مكان أشتري منه علامه لادا أصليه 100% ... مش الحاجات الي بتتلزق بدابل فيس زي العلامات الباقية ..... أنا من الاسكندرية يــــاريت الي يعرف يقولي وبـــــــارك الله فيكم جميعا و ربنا ما يكتبها عليكم :)

[engaass]

ربنا بعوض عليك والحمد لله انها جات على العلامة احنا فى ايام ربنا يسترها على الجميع

[a7madramadan]

الحمد لله انها جات على العلامه و متشكر على ذوقق وربنا يسترها على الجميع

و في انتظار ان حد يقولي على مكان أشتري منه علامة أصلية فالإسكندرية لإني مش عاوز عند سعيد نصار والدكاكين النصابين بتوع العزبة دول كلهم ....لو حد يعرف أتمنى يساعدني

[mohamed2002]

معلش ياباشا والحمد لله علي كل شئ وبالنسبة للعلامة فانا غيرت بتاعتي لان القديمة طوست وجبت واحدة حلوة من محل ابو طبل في الساعة ومش بدبل فيس

[a7madramadan]

متشكر جدا يا أستاذ محمد .... و أنا ان شاء الله هأنزل عالساعة و هأشوف كده المحل ده .... وربنا ما يعودها علينا جميعا :)

[mohamed2002]

متشكر جدا يا أستاذ محمد .... و أنا ان شاء الله هأنزل عالساعة و هأشوف كده المحل ده .... وربنا ما يعودها علينا جميعا :)

باذن الله وعندك برضة الحسن بس ياريت تفاصل

[mahgoup]

انا حصل معايا الموضوع ده ونزلت عزبة سعد وكانت الاصليه ب10جنيه وركبتها وزى الاصلى بالظبط علشان استيراد

[a7madramadan]

جيبت الحمد لله واحدة أصلية بـــ 7 ج.م. من واحد في السيوف طلع معرفة .. هيه الأصلية 100% و منغير لزق دابل فيس ... فيها ثلاثة كليبسات بيدخلوا في ال ثلاث أخرام في المكان المخصص ليها فالشنطة .... والراجل حطلي دابل فيس زيادة بين الكليبسات علشان لو في واحد حاول يفكها ماتتفكش بسرعة و يحس انها ملحومة ومش هتتفك ..... ورجعت العربية فابريكة الحمد لله :d

ربنا ما يوريلكم الموقف المقرف ده .... وأشكركم جميعا على اهتمامكم

[mohamed2002]

جيبت الحمد لله واحدة أصلية بـــ 7 ج.م. من واحد في السيوف طلع معرفة .. هيه الأصلية 100% و منغير لزق دابل فيس ... فيها ثلاثة كليبسات بيدخلوا في ال ثلاث أخرام في المكان المخصص ليها فالشنطة .... والراجل حطلي دابل فيس زيادة بين الكليبسات علشان لو في واحد حاول يفكها ماتتفكش بسرعة و يحس انها ملحومة ومش هتتفك ..... ورجعت العربية فابريكة الحمد لله :d

ربنا ما يوريلكم الموقف المقرف ده .... وأشكركم جميعا على اهتمامكم

تمامم ومبروك عليك ومتقلقش دي مش تعيب العربية في حاجة والحمد لله انها جت علي قد كدة بس هوة حرامي معفن حياخدها يعمل بيها اية؟؟ ممكن يكون عيل صغير ولا حاجة

[mahgoup]

مبروك

[a7madramadan]

الحمد لله ..... والله يبارك فيكم جميعا :) .... وكلامك مظبوط يا استاذ محمد هوه اكيد عيل صغير مؤذي :) الحمد لله جات على قد كده :)

[mohamed2002]

الحمد لله ..... والله يبارك فيكم جميعا :) .... وكلامك مظبوط يا استاذ محمد هوه اكيد عيل صغير مؤذي :) الحمد لله جات على قد كده :)

الحمد لله ولو انت ساكن في منطقة هادية اعمل قفل للبطارية