افضل بيض موجود فى السوق

[lada2010]

فى ناس بتشكر فى التركى وفى ناس فى الروسى والبولندى والالمانى افضل نوع اية بحيث حتى لايكون حيرة لان التركيب والفك يكلف وفىنفس الوقت حاجة تستحمل الشغل وياريت الاسعار

[ugnali]

افضل بيض الالمانى يليه البلغارى يليه التركى يليه الروسى يليه الصينى
بس الالمانى مش هتلاقيه صعب البلغارى احسن نوع هتلاقيه وهتلاقى علبته صفرا

[ugnali]

ولو لاقيت الالمانى هاته على طول بس هتلاقيه غاااااالى

[abokoko]

حضرتك ممكن تراجع الموضوع التالى يمكن تلاقى فيه اجابه

http://www.nilemotors.net/Nile/194022-a.html

[hoky]

مفيش احسن من البيض البلدي الواحدةب75 قرش

[midonbtc]

سؤال انا مركب بيض بلغارى ومفيهوش مكان للتشحيم ...اعمل ايه هل لازم يتشحم برضوا ولا اكبر دماغى .. ولو هيتشحم هيبقى ازاى

[keko]

مفيش احسن من البيض البلدي الواحدةب75 قرش

ههههههههههه لا غالى انا بجيب الواحدة ب 55 من ام فايزة على اول الشارع

[abokoko]

البيض البلغارى وهو بيركبه بيزود الشحم فى الجزأ البلاستيك وبيعيد تثبيته بالقفيز اللى مع البيض نفسه بس بالراحه علشان ما يتقطعش
وعموما خليه ياخد فتره وغيره ولو حسبتها بيض من غير تغيير شحم وعمر افتراضى اقل = بيض بمشاحم وتروح كل شويه وتشحم وياخد فلوس علشان العمر الافتراضى يزيد شويه
مع ملاحظه انى البيض اللى من غير مشاحم / البولندى والبلغارى/ من وجهة نظرى بيخففوا الدركسيون عن البيض الروسي اللى بمشاحم

[abokoko]

هو انا بسأل عن بيض التيش الخاص بالدركسيون هما 2 ولا 4
وانا العفشجى قال عليهم خفاف وفي بوش بسيط فى الدركسيون وقال لى ممكن اسيبهم شوية وبعدين اغيرهم
؟؟؟
ومفروض سعهم زى سعر بيض المقصات تقريبا
وفى اختلاف ان البولندى مش بيجي كامل بالبارات ( مش عارف يعنى ايه البارات دى ) والروسي بيجي كامل
وان خطورتهم انهم ممكن يسببوا تآكل سريع للكاوتش
يا ترى المعلومات دى صح ؟
ويا ترى فى حاجات تانية ممكن تتوضح اكتر
والخطوره لو سبتهم اكبر ؟؟

[midonbtc]

البيض البلغارى وهو بيركبه بيزود الشحم فى الجزأ البلاستيك وبيعيد تثبيته بالقفيز اللى مع البيض نفسه بس بالراحه علشان ما يتقطعش
وعموما خليه ياخد فتره وغيره ولو حسبتها بيض من غير تغيير شحم وعمر افتراضى اقل = بيض بمشاحم وتروح كل شويه وتشحم وياخد فلوس علشان العمر الافتراضى يزيد شويه
مع ملاحظه انى البيض اللى من غير مشاحم / البولندى والبلغارى/ من وجهة نظرى بيخففوا الدركسيون عن البيض الروسي اللى بمشاحم

كلامك رائع فعلا...بس فى رايك انا مغير البيض من 5 الاف كيلو فقط ببيض بلغارى اغيره تانى ببيض روسى عشان ميملصشى منى وانا ماشى ...ولا استنى عليه شويه لانه مش مسببلى اى مشاكل ...ومفيش اى دلائل انه هيملص

[abokoko]

كلامك رائع فعلا...بس فى رايك انا مغير البيض من 5 الاف كيلو فقط ببيض بلغارى اغيره تانى ببيض روسى عشان ميملصشى منى وانا ماشى ...ولا استنى عليه شويه لانه مش مسببلى اى مشاكل ...ومفيش اى دلائل انه هيملص

----------
شكرا لذوق حضرتك
ولا داعى ابدا لتغيير البيض البلغارى مادام مش مسبب اى مشاكل
بالعكس بالنسبه لى البيض البلغارى --ابو علبة صفراء -- كتير بيشكروا فيه

انا غيرت البيض البولندى على 11 شهر تقريبا و10او 11 الف كيلو متر
وغيرتهم بناء على نصيحه من العفشجى ولما فكيناهم لقيناهم شبه كويسيين
واللى ركب البلغارى بدلا منهم قال لى اللى راكبين ممكن يقعدوا كمان شويه
بس كنت فكيت قلت له ركب الجداد واحتفظت بالقدام البولدنى معايا فى العربيه
يظهر انى العفشجى كان عايز يشتغل على حسابي ههههه
بس انا غيرتهم عند واحد غيره -- عند الميكانيكى اللى بتعامل معاه --ورحت بعدها ظبطت زوايا

[midonbtc]

انا بقى اشتغلونى رسمى لانى غيرت البيض الروسى الاصلى والعربيه عامله 20 الف كيلو بس ومش بس كدا الراجل كمان خده (مكنتش ساعتها فاهم انى لازم احتفظ بيهم ) ....عموما انا شاكر جدا لنصايحك وربنا يحفظك لمنتدانا الحبيب

[د.أبونضال]

انا بقى اشتغلونى رسمى لانى غيرت البيض الروسى الاصلى والعربيه عامله 20 الف كيلو بس ومش بس كدا الراجل كمان خده (مكنتش ساعتها فاهم انى لازم احتفظ بيهم ) ....عموما انا شاكر جدا لنصايحك وربنا يحفظك لمنتدانا الحبيب

معظم قطع الغيار التي تباع على أنها "استيراد" هي في الواقع قطع الغيار التي نتركها عند الصنايعية عند إصلاح سياراتنا ... لذلك لم أعد أترك أية قطعة غيار قديمة عند أي صنايعي... ونفعني هذا الأمر عندما ملصت مني البيضة اليمنى منذ أيام بعد منتصف الليل .. فقد نفعني البيض القديم الذي كنت أحتفظ به إذ قمت بتركيب واحدة قديمة بدلا من التالفة ومشيت بها ثلاثة ايام إلى أن اشتريت طاقما جديدا وذهبت به إلى العفشجي لتركيبة.

[abokoko]

بناءا على نصيحة زوج اختى وعمى
انا مش بسيب اى قطعة غيار غيرتها وباخدها وعندى كرتونه ملاينه حاجات غيرتها --بس مش عارف اعمل بيها حاجه--
بس لو حاجه بسيطه مش باخدها زى بوجيه غيرته مش باخد القديم وباحتفظ بطقم جديد دايما معايا
لكن حاجات زى سوست السيارة انا اخدت السوست القديمه ومحتفظ بيها

[mahgoup]

السلام عليكم كنت عايز اعرف ايه الفرق بين بيض المقصات وبيض الدركسيون .وكم عدد كل واحد واسعارهم واعراض تغييرهم وشكرااااااااا