مطلوب معلومات عن ماركات فيلتر هواء وفيلتر زيت

[a7madramadan]

بسم الله الرحمن الرحيم

انا هأغير فيلتر الهواء وفيلتر الزيت الصغير الي داخل على الاينجيكشن

الميكانيكي الي باتعامل معاه بيقولي الفيلتر بتاع الزيت بيعمله 25 جنيه تقريبا ونصحني أجيب الأحمر (طبعا انا مش فاهم حاجة)

وقالي فيلتر الهواء هيعمل 25 جنيه تقريبا برضه

----------------------------

الي عاوز أعرفه هل في حاجات أفضل تتجاب بدل الأنواع الي قال عليها دي .... يعني فيلتر هواء يركب في نفس المكان المربع ده بس نوع نظيف K&N Simota والماركات النظيفة دي ....وهكذا برضه لو في بدائل لفيلتر الزيت الصغير ....... ولا اللادا مش قد المقام :D

وكمان لو في نصائح عن شراء الفيلتر يــــاريت تقولولي وبارك الله فيكم جميعا

[abokoko]

انا جبت فلتر هوا علبته شكلها اخضر تقريبا وعليها كتابة روسي
بس الفلتر من جوه شبكه حديد ومن بره بدون شبكه مش زى اللى كان راكب
وكان ب15 جنيه

[mohamed2002]

انا بحط فلتر زيت فاك فلتر وبغيره غالبا كل غيار زيت وبجيب كذا واحد من الشركة الواحد ب 14 جنية وفلتر الهواء مغيرتوش من ساعة ما جبت العربية

[a7madramadan]

تمام كده هأجيب فيلتر فاك للزيت الصغير والكبير الي تحت ..... وكمان فيلتر هواء عادي لإن يظهر ان مافيش فلاتر هواء من ماركات كبيرة ..... و بالنسبة لفيلتر الهواء الميكانيكي قالي يــــاريت تنفخه كل فترة والتانية بــ بلاور و تغيره نظافة كل سنة ولا حاجة او لو بعد سفرية في تراب جامده و حسيت ان بعد النفخ ما نضفش ولسه مسدود ...... وقالي ده عبارة عن الرئة بتاعة العربية لازم يخش هواء كويس للموتور علشان يدي أداء كويس و قالي انه مش غالي أساسا ..... فأنا جاه في بالي لو في نوع غالي او نظيف ومشهور بس يظهر مش فارق خــالص النوع علشان مافيش ليها زي العربيات الياباني والكوري K&N & Simota والحاجات دي....

متشكر جدا جدا على ردود حضراتكم وان شاء الله هأبقى أقول على تفاصيل الصيانة الجاية بالتكاليف للإخوة لو حد ممكن يستفيد منها :)

[mohamed2002]

تمام كده هأجيب فيلتر فاك للزيت الصغير والكبير الي تحت ..... وكمان فيلتر هواء عادي لإن يظهر ان مافيش فلاتر هواء من ماركات كبيرة ..... و بالنسبة لفيلتر الهواء الميكانيكي قالي يــــاريت تنفخه كل فترة والتانية بــ بلاور و تغيره نظافة كل سنة ولا حاجة او لو بعد سفرية في تراب جامده و حسيت ان بعد النفخ ما نضفش ولسه مسدود ...... وقالي ده عبارة عن الرئة بتاعة العربية لازم يخش هواء كويس للموتور علشان يدي أداء كويس و قالي انه مش غالي أساسا ..... فأنا جاه في بالي لو في نوع غالي او نظيف ومشهور بس يظهر مش فارق خــالص النوع علشان مافيش ليها زي العربيات الياباني والكوري k&n & simota والحاجات دي....

متشكر جدا جدا على ردود حضراتكم وان شاء الله هأبقى أقول على تفاصيل الصيانة الجاية بالتكاليف للإخوة لو حد ممكن يستفيد منها :)

شكرا لردك ياباشا و وهل انت عندك فلتر بنزين ولو كدة غيره بالمرة

[a7madramadan]

أنا فعلا هأغير فيلتر البنزين بالمرة ما اتغيرش بقاله سنة من ساعة ما جيبت العربية ...... وإنشاء الله على قدر المستطاع هأحاول آخد صور للفلاتر او العلب الي جايين فيهم و هأحط بيانات الصيانة بالأسعار يمكن حد يستفاد بيها :) و أشكرك يا استاذ محمد على تواصلك الدائم معايا ونصائحك العظيمة :)

[ahmedalramy]

هو انا ممكن اغيير فلتر الهوا بنفسى ولا يستحسن عند الميكانيكى

[a7madramadan]

تغيير الفيلتر أعتقد سهل جدا ..... أنا آخر مرة لما نفخته من شهر ونصف الراجل فك أربع مسامير و شال الفيلتر و بعد ما حطه ربط أربع مسامير وخلاص ........ الموضوع سهل جدا وأي إستفسارات تانية أنا فالخدمة

[SYD]

السلام عليكم ورحمة الله وبركاته
انا كان معايا لادا 2107 موديل 2005
العربية دى حلوة اوي
بص يا باشا فلتر الزيت تجيب القصير عشان مايخبطش في الشاسيه وسعره حوالي 18 جنيه فاك بعلبة حمرا
اما فلتر الهواء فهات اي حاجة

[a7madramadan]

أشكرك على رد حضرتك :) و هآخد فالإعتبار موضوع الفيلتر القصير ده متشكر جدا على النصيحة

[a7madramadan]

بعد ما خلصت الإمتحانات و فوقت شوية للعربية قولت أبدأ عملية الصيانة الدورية و كانت تفاصيلها كالآتي :

زيت موبيل 116 جنيه
فيلتر بنزين زي الأصلي بالظبط الي راكب فابريكة 25 جنيه
فيلتر هواء علبة حمراء 28 جنيه
فيلتر زيت فاك أبو علبة حمراء القصير (بناء على توصيات الأستاذ syd)
شوية تشحيم للبيضات و غسيل موتور عند واحد متخصص تابع للميكانيكي أخدله 10 جنيه

إكتشف الميكانيكي ان دواسة الدبرياج عندي فيها حاجة غلط انها محملة على الإسطوانة فوطاها شوية ...

زبط زوايا عند محطة بنزين موبيل موش فاكر أخد سبعة و أربعين جنيه ترصيص و زوايا عجل ... أكتر حاجة كانت الترصيص مش عارف ليه أخد فلوس كتير بس قولت مرة تفود ولا حد يموت :)

الميكانيكي ربط العفشة و ركب الفلاتر الثلاثة و غير الزيت و عمل تشيك عام على كل حاجة فالموتور و العفشة بعد 10 دقايق محايلة علشان يقولي مصنعيته طلب 20 إديتله 30 لزوم المحبة علشان ساب الي في إيديه و فضل يلف معايا نجيب الفلاتر و الزيت من البنزينة :)

التكلفة الكاملة حوالي 260 جنيه شاملة كوبايتين نسكافيه للميكانيكي علشان لزوم السهرة :d

بعد الصيانة
العربية بقت ناعمة على المطبات لإني كنت ناسيها شهرين و نص بتوع الشتاء منغير تربيط لإنشغالي
فيلتر البنزين كن شبه مسدود رغم اني باستخدم بنزين 92 من اول ما استلمتها ... بعد التغيير اكتشفت ان العربية كانت بتتخنق على سرعة 90+ جربتها النهاردة على الصحراوي قولت أمشي بيها شوية أجرب الفرق لقيتها بتقولي هات بنزين كمان و كمان على سرعة 100 بس ما باحبش أزود السرعة لزوم الأمان بس اتبسطت الحمد لله

بالنسبة لظبط الزوايا كان في عندي مشكلة من بعد آخر تظبيط ليها إن دوران الدريكسيون لليمين كان أكثر من الشمال (واخد من الشمال لصالح اليمين) و اتظبطت ودي كانت بتأثر على زاوية دخول الــيو تيرنات

و أخيرا صوت العربية هدأ بشكل واضح ... هوة ماكانش عالي .. بس هدأ قوي بعد تغيير الزيت

دي كانت التفاصيل علشان لو حد ممكن يستفيد بيها