مشكلة ..بس مش كبيره

[abokoko]

احيانا بسمع صوت طقه
وفى الاول كنت فاكر انها من البيض ولما غيرت البيض لقيت انها لسه موجوده
هى عباره عن صوت خبطه اوطقه من الناحيه الشمال الاماميه
ومش دائمه احيانا فقط ويمكن بتبان لما ابتدى حركة بالعربية
ويمكن اكتر لما اكون ماشي لقدام وافرمل وارجع لورا
بس هى مش ثابته يعنى مره اه وعشره لا

قلت للميكانيكى بص على قواعد الموتور و حماله الفتيس
وهو قال انهم كويسين

فيا ترى ممكن يكون ايه

[mohamed2002]

http://www.nilemotors.net/Nile/207356-a.html

شوف الرابط دة لان عندي نفس المشكلة ومتحلتش

[abokoko]

حضرتك انا قرات موضوعك قبل ما اكتب مشكلتى
والاختلاف عندى انى بحس الصوت جاى من ناحية الموتور شمال ويمين بس ناحية الموتور
وكمان الصوت مش تكه هو اقرب ما يكون من طرقه بشاكوش
وتفكيري فى البدايه كان رايح للبيض
ولكن لما غيرت البيض ب4 جداد ومفروض نوع كويس -- بلغاري--

علشان كده استبعدت حكاية البيض
واصبح تفكيري كتالى
لو مساعدين الصوت كان هيبقي شبه ثابت وكمان كان هيبان لو هزيت العربيه من الناحية اللى بيطلع منها الصوت

لو سوست او جلبة سوست اعتقد نفس السابق

فبفكر فى القواعد لانها زى بتاعة ال131 بلاستيك على سوسته من الداخل ولما السوسته بتبوظ
ممكن تخلى الموتور يمترجح مع الحركه المفاجئه او تغيير اتجاه السياره من السير للامام للسير للخلف ............ده تفكيري
وممكن نضيف حماله الفتيس بنفس التفكير

[allaaa]

صوت الطقة لما عم تدعس فرام لان انا كانت صايرة معي بالكالينا غير الكوليات وماركبت روسي ركبت كوري وصار معي هيك لأن الكوري اصغر ب 1 مللم مشان هيك بطالع هل الصوت

[mrastra]

اخى الكريم حاول تبص على صلايب الكردان

[abokoko]

الصلايب تعمل صوت مش دائم ؟؟
اعتقد لو فيها حاجه كان الوصت هيبقي موجود باستمرار --والله اعلم --
انا حابب اعرف من حضرتك اعراض تلف الصلايب

[allaaa]

اعراض تلف الكوليات حسب النوعية ولكن الدعس المتكرر وخاصة في الطرقات المائلة وكل شيء له عمره

[abokoko]

اعراض تلف الكوليات حسب النوعية ولكن الدعس المتكرر وخاصة في الطرقات المائلة وكل شيء له عمره

ممكن اعرف من حضرتك ايه هى الكوليات

[SYD]

يا باشا الصوت دة في المقصات والجلب وكاوتش الميزان والبارات وليس له اي علاقة بالبيض
روح ربط العفشة وغير الجلب بتاعة الميزان واغسل العفشة بالجاز وخلي ليك زيارة للعفشجي كل شهر هتظبط معاك المسائل جداً
روح لشعبان العفشجي في شارع زغلول في نهاية الهرم محطة مشعل
اللادا كدة وهتفضل طول عمرها كدة ، عفشتها مش كويسة
انا بركب لادا من سنة 83 وركبت 2005 وهي كدة وطول عمرها كدة
هات عفشة بلغارى وبعض قطع ال132 واتفرج علي الفرق ولو عرفت تجيب عفشة بولندي تبقي بجد ظبطت العربية علي الاخر
العربيات دي تقيلة وناشفة وقوية اغسل وشحم وزيت عشان تنعم شوية واعمل صيانة دورية شهرية يكون احسن

والله المستعان

[abokoko]

يا باشا الصوت دة في المقصات والجلب وكاوتش الميزان والبارات وليس له اي علاقة بالبيض
روح ربط العفشة وغير الجلب بتاعة الميزان واغسل العفشة بالجاز وخلي ليك زيارة للعفشجي كل شهر هتظبط معاك المسائل جداً
روح لشعبان العفشجي في شارع زغلول في نهاية الهرم محطة مشعل
اللادا كدة وهتفضل طول عمرها كدة ، عفشتها مش كويسة
انا بركب لادا من سنة 83 وركبت 2005 وهي كدة وطول عمرها كدة
هات عفشة بلغارى وبعض قطع ال132 واتفرج علي الفرق ولو عرفت تجيب عفشة بولندي تبقي بجد ظبطت العربية علي الاخر
العربيات دي تقيلة وناشفة وقوية اغسل وشحم وزيت عشان تنعم شوية واعمل صيانة دورية شهرية يكون احسن

والله المستعان

ممكن اعرف
اولا ايه هوه كاوتش الميزان
ثانيا الصوت ممكن يكون من ايهم (( الصوت من الامام شمال وبالذات لو رجعت للخلف مره واحده علما بانه مش دائم ))
ثالثا ايه قطع الغيار الخاصة ب132 اللى بتركب فى عفشة اللادا وتحسنها علما بان العربية 2007موديل م مصري

[ayman 2010]

يا باشا الصوت دة في المقصات والجلب وكاوتش الميزان والبارات وليس له اي علاقة بالبيض
روح ربط العفشة وغير الجلب بتاعة الميزان واغسل العفشة بالجاز وخلي ليك زيارة للعفشجي كل شهر هتظبط معاك المسائل جداً
روح لشعبان العفشجي في شارع زغلول في نهاية الهرم محطة مشعل
اللادا كدة وهتفضل طول عمرها كدة ، عفشتها مش كويسة
انا بركب لادا من سنة 83 وركبت 2005 وهي كدة وطول عمرها كدة
هات عفشة بلغارى وبعض قطع ال132 واتفرج علي الفرق ولو عرفت تجيب عفشة بولندي تبقي بجد ظبطت العربية علي الاخر
العربيات دي تقيلة وناشفة وقوية اغسل وشحم وزيت عشان تنعم شوية واعمل صيانة دورية شهرية يكون احسن

والله المستعان

الكلام دة مظبوط وانا متفق معاك

[abokoko]

ممكن اعرف
اولا ايه هوه كاوتش الميزان
ثانيا الصوت ممكن يكون من ايهم (( الصوت من الامام شمال وبالذات لو رجعت للخلف مره واحده علما بانه مش دائم ))
ثالثا ايه قطع الغيار الخاصة ب132 اللى بتركب فى عفشة اللادا وتحسنها علما بان العربية 2007موديل م مصري

==



مع تقديري وشكرى لكل من ساهم بالرد



ما زلت منتظر الرد

[Ahmed_BYD_F0]

انا شايف ان المشكلة بتاعتك فى المقص الشمال غيروه ولو فيه لحام خلى العفشاجى بتاعك اللى بتثق فيه ويكون امين يلحمهولك وانشاء الله حيبقى كويس جدا واتمنى له التوفيق

[abokoko]

والله انا خايف من افتاءات العفشجيه
لانهم ورطونى فى تغيير البيض البولندى اللى كنت مركبة ومكملشي سنه
رغم انى رحت لواحد وبعديها رحت لواحد تانى وقالوا نفس الكلام - غير البيض -
مع الاختلاف الاول قال البيض حالته مش كويس
والتانى قال البيض اللى تحت هوه اللى تعبان
وغيرت البيض عند واحد غيرهم ولما فكينا البيض قال لى انه لسه كويس وممكن يقعد فترة 6 شهور كمان او اكتر
بس كنت فكيت واشتريت طبعا البيض فقلت له --غير -- وغيرتهم وشايل التانيين معايا فى العربيه

وكمان كان ممكن اتورط اكتر لو تبعت كلامهم واغير بيض التيش لانهم قالوا لى انه خفيف
بس اللى غير لى البيض قال لى استنى لما نحل ونغير وبعديها قال لى سيبهم شوية كمان
---ربنا يكرمه بالخير --

انا اللى محيرنى ان الصوت مش ثابت مره اسمعه .. وعشر مرات لالالا

[osamram]

نفس المشكله كانت عند صديق لى وكان السبب غريب جدا :
لحام فى القايم الشمال من فوق جنب السائق أعلى القائم اللى بيركب فيه الإيريال بس علشان تشوفه لازم تفك الشماسات وكسوة القائم الشمال من الداخل وبص عليه ، عموما هو تعب جدا إلى أن وصل لهذا العيب والمشكله اتحلت عندما أكد على لحام هذا الجزء .
جرب وقوللى !!!!