تكييف للادا 2107

[macgiver30]

السلام عليكم أنا بفكر لسة اشترى 2107 مستعملة تكون موديل 2005-2006 ودة بسبب ان لسة هتعلم عليها
وعلى قد فلوسى 25-30 واكيد هى افضل من الماروتى وال 128 وميزتها فى وجهة نظرى انها هتبقى موديل حديث يعنى مش مستهلة و اكيد مش هتحتاج اصرف عليها .............استفسارى بس عن التكييف .....ينفع اركبلها تكييف ولو حد عندو فكرة ممكن يتكلف كام؟؟؟ مثلا وشكرا جزيلا

[a7madramadan]

بص يـــا سيدي الفاضل .... اللادا ليها عيب خطير جدا بيخلي التكييف غير مجدي نهائيا ....

العزل الحراري بين المقصورة الداخلية والمحيط الخارجي ....

بالعربي كده التكييف هيكلفك في حدود 3000 جنيه و كومبريسور ياباني و أحلى كلام (طبعا دي طريقة تسويق شركة الأمل والناس الي عاوزة تبيع)

بس للأسف هوه مش فعال ... كمقارنة فعلية : كإنك مشغل مروحة في العربيات المعزولة كويس (أبتداءًً من اي عربية كوري او حتى صيني مكيفة) ...

هتحس ببرودة خفيفة وانت لسه طالع المشوار .. موتور العربية يسخن شوية ... ووراها البودي بتاع العربية يولع تحت الشمس .... وسلملي على العزل الحراري وعلى التكييف بعد ربع ساعة ...مش هيفرق عن المروحة للأسف..


طبعا لكل مشكلة حل ....انت لو عاوز فعلا تحس بالتكييف و فعلا محتاج تركبه في العربية بتاعة حضرتك ومش فارقة معاك التكاليف أكيد هتقدر كالآتي :

1--هتروح لسروجي يخليه يركبلك طبقة عزل حراري لكل دواخل العربية بيبقى نسيج كده وعلى وشه طبقة عاملة زي الفويل.... من أرضية تحت الموكيت او الفرش الجلد لكل الأبواب الأربعة لورا الكرسي الخلفي و مش عارف متوسط التكلفة كام الصراحة ومش متأكد 100% من النتيجة الفعلية للعزل

2--هتركب طبعا ضروري عازل حراري للزجاج بتاع العربية كلها في كذا موضوع فالمنتدى هنا عن ماركة كويسة اسمها 3m و V-Kool تقريبا .. لو ناوي و مش لاقي الموضوع قولي وهأدورلك عليه بس هوه مش قدامي حاليا ... بس اعمل حسابك ان العازل ده بيكلف حوالي 2000-3000 جنيه لوحده والأسعار مبنية على نوع العازل لإن لكل ماركة بتقدم كذا إختيار للعازل... بس ممتاز في العزل للزجاج ومجرب من أعضاء كتير هنا و مشهور جدا جدا في دول الخليج ... و فالسعودية انا كنت باشوفه بنفسي كتيير هناك .... الي يشتري عربية جديدة لازم يروح يركبلها عازل شفاف :)

3--فالآخر طبعا تركب التكييف و تخلي الي يركبهولك يحطلك عازل حراري على كل فتحات دخول الهواء للمقصورة الداخلية علشان ما تسخنش مع سخونة العربية...

الموضوع بإختصار هتدفع كتيييير قوي قوي وكمان النتيجة مش مضمونة 100% ... لإن العربية مش جاهزة للتكييف و مش معزولة حراريا كويس ... أقل تقدير

[mohamed2002]

بص يـــا سيدي الفاضل .... اللادا ليها عيب خطير جدا بيخلي التكييف غير مجدي نهائيا ....

العزل الحراري بين المقصورة الداخلية والمحيط الخارجي ....

بالعربي كده التكييف هيكلفك في حدود 3000 جنيه و كومبريسور ياباني و أحلى كلام (طبعا دي طريقة تسويق شركة الأمل والناس الي عاوزة تبيع)

بس للأسف هوه مش فعال ... كمقارنة فعلية : كإنك مشغل مروحة في العربيات المعزولة كويس (أبتداءًً من اي عربية كوري او حتى صيني مكيفة) ...

هتحس ببرودة خفيفة وانت لسه طالع المشوار .. موتور العربية يسخن شوية ... ووراها البودي بتاع العربية يولع تحت الشمس .... وسلملي على العزل الحراري وعلى التكييف بعد ربع ساعة ...مش هيفرق عن المروحة للأسف..


طبعا لكل مشكلة حل ....انت لو عاوز فعلا تحس بالتكييف و فعلا محتاج تركبه في العربية بتاعة حضرتك ومش فارقة معاك التكاليف أكيد هتقدر كالآتي :

1--هتروح لسروجي يخليه يركبلك طبقة عزل حراري لكل دواخل العربية بيبقى نسيج كده وعلى وشه طبقة عاملة زي الفويل.... من أرضية تحت الموكيت او الفرش الجلد لكل الأبواب الأربعة لورا الكرسي الخلفي و مش عارف متوسط التكلفة كام الصراحة ومش متأكد 100% من النتيجة الفعلية للعزل

2--هتركب طبعا ضروري عازل حراري للزجاج بتاع العربية كلها في كذا موضوع فالمنتدى هنا عن ماركة كويسة اسمها 3m و v-kool تقريبا .. لو ناوي و مش لاقي الموضوع قولي وهأدورلك عليه بس هوه مش قدامي حاليا ... بس اعمل حسابك ان العازل ده بيكلف حوالي 2000-3000 جنيه لوحده والأسعار مبنية على نوع العازل لإن لكل ماركة بتقدم كذا إختيار للعازل... بس ممتاز في العزل للزجاج ومجرب من أعضاء كتير هنا و مشهور جدا جدا في دول الخليج ... و فالسعودية انا كنت باشوفه بنفسي كتيير هناك .... الي يشتري عربية جديدة لازم يروح يركبلها عازل شفاف :)

3--فالآخر طبعا تركب التكييف و تخلي الي يركبهولك يحطلك عازل حراري على كل فتحات دخول الهواء للمقصورة الداخلية علشان ما تسخنش مع سخونة العربية...

الموضوع بإختصار هتدفع كتيييير قوي قوي وكمان النتيجة مش مضمونة 100% ... لإن العربية مش جاهزة للتكييف و مش معزولة حراريا كويس ... أقل تقدير

انت جبت الخلاصة كدة

[macgiver30]

شكرا لسعادتك يا استاذ دييزل
انا لسة كنت بفكر اجيب لادا حديث 2006-2006 ولا فليشيا أو لانسر 92
بس طالما موضوع ان تكييف اللادا هيصرف معايا فحدود 6000 جنيه أنا اولى بيهم بقى
يبقى كده اجيب حاجة من دول ويكون تكيفها نص نص والدنيا مش هتقف ومش هصرفلى 6000 جنيه وربنا يسهل

[a7madramadan]

الشكر لله ....

بس تاخد فالإعتبار الصرف الدوري بتاع كل عربية ... يعني أعتقد قطع غيار السكودا والميتسوبيشي طبيعي هتكون أغلى كتير عن اللادا ... و اللادا جايز لو حضرتك ساكن في منطقة كلها مطبات و مدقات هتستحمل شوية زيادة عنهم .... و الله الموفق و ان شاء الله تجيب العربية الي تريحك ان شاء الله :) ولو في أي استفسارات أخرى احنا فالخدمة :)

[smsm061274]

25 متجيبش لادا 2005 ابدا
واوعى تجيبها مصرى ابدا