باركولي يا جماعه اشتريت 2017 مو 2011

[a7madramadan]

انا مش فاهم الصراحة هم عملوا ايه ..... بس ان شاء الله الموضوع بسيط

وفي حاجة تانية العربية بعد لما تتمشى بيها فالزحمة فالهرم مثلا على حد قولك .... الآر بي إم لما بتسيبها فالمور بيوقف على 2--1 ؟؟ يعني 1000-2000 rpm ??? انت لو مشغل تكييف ما أقدرش افتي الصراحة بس إسأل الناس الي مركبين تكييف لو دي حاجة بتحصل أساسا ........ بس لو من غير التكييف يبقى في مشكله ولازم تحلها لإن العربية على المور مهما مشيت ومهما سخنت ماينفعش يقوم طالع مع نفسه على 2000 ولا حتى 1000 لإن كده كتييير وعمالة تحرق بنزين عالفاضي ..... لو في أي استفسارات تانية أنا فالخدمة

[re3ooo]

طب ياجماعه انا عاوز اشتري العربيه زيرو هل اجبها الروسي ولا المصري وواضح كده ان التكيف الي فيها فكسان خالص وكمان اكيد هيبقا البور فيها زفت وموضوع السخونيه ده كمان هيجنني تنصحوني اعمل ايه اجبها ولا اجيب 2115 ولا اعمل ايه من الناس الي مجربه

[ugnali]

2107 روسى

[midonbtc]

2107 روسى

كلام جميل كلام معقول مقدرش اقول حاجه عنه

[a7madramadan]

أستاذ re3ooo أعتقد الأفضل تشتري 2107 روسي و تكبر دماغك من الباور و التكييف ... و ظبطها بــ 1500 جنيه شوية كماليات و زوايد هتريحك عالآخر بإذن الله ....... ماتتخضش من كلمة كماليات بس هيه بينقصها كاسيت وسماعتين و شوية كاوتش زي الجرايد و العتب و كوفرات الكاوتش علشان البارومه ولو ليك مزاج اديها فرش جلد و فرش الأرضيه والشنطة حاجة زيادة يعني .... و بس :) الموضوع هيخش في 1500-2000 جنيه على حسب الخامات و الماركات للكاسيت ... بس العربية هتفوق خـــــــــــــــــــالص و ابقى اديلها وش شمع Waxing عند اي حد هتبقى راكب مرسيدس :P ههههههههههههه

انت لو هتجيبها من الاسكندرية و احتجت اي مساعدة انا فالخدمة ان شاء الله :)

[ahmedaglan]

الف مبروك يامحمد باشا وانت فاهم طبعا انا معاك في اي استفسار وانشاء الله اشوفك علي خير ف المقابلة

[abokoko]

أستاذ re3ooo أعتقد الأفضل تشتري 2107 روسي و تكبر دماغك من الباور و التكييف ... و ظبطها بــ 1500 جنيه شوية كماليات و زوايد هتريحك عالآخر بإذن الله ....... ماتتخضش من كلمة كماليات بس هيه بينقصها كاسيت وسماعتين و شوية كاوتش زي الجرايد و العتب و كوفرات الكاوتش علشان البارومه ولو ليك مزاج اديها فرش جلد و فرش الأرضيه والشنطة حاجة زيادة يعني .... و بس :) الموضوع هيخش في 1500-2000 جنيه على حسب الخامات و الماركات للكاسيت ... بس العربية هتفوق خـــــــــــــــــــالص و ابقى اديلها وش شمع waxing عند اي حد هتبقى راكب مرسيدس :p ههههههههههههه

انت لو هتجيبها من الاسكندرية و احتجت اي مساعدة انا فالخدمة ان شاء الله :)

==

ممكن اعرف سعر الكفرات الكاوتش اللى على العجل بكام
وممكن اركبهم بنفسي ولا لازم صنايعى
ممكن اعرف يعنى ايه جرايد وعتب ودول سعرهم كام

ممكن اعرف فرش الارضيه نوع كويس ( جلد ومن تحت موكيت ) يكلف كام

ممكن اعرف طاسات الشاهين لو جبتها وركبتها على اللادا -- لانها مش محتاجه خلع لو هعمل حاجه فى العجله -- سعرهم كام

شكرا

[a7madramadan]

في حاجات عارف سعرها و حاجات لأ الصراحة لإني مش باتذكر الأسعار دي خالص آخر تعامل افتكره كان من سنة و عدة شهور أول ما جيبت عربيتي :)

الطاسات بتعمل 100-150 على حسب الشكل أعتقد الشاهين 125 والله اعلم

كاوتش العجل (الكوفرات) دي بيركبهالك صنايعي كويس علشان بيخرم بشينيور و بيربط مسامير قوية شوية عن الشغل اليدوي

الجرايد : على الخط المنتصف للباب أو تحته بشوية هتلاقي زي خط غائر لتحت عرضه بوصة تقريبا 4 سم ده بيتركبله كاوتش اسمه جرايد Gide Liner بس بيتقال عليه فالسوق جرايد و ده بيحمي العربية شوية لو حد فتح الباب على عربيتك وهيه مقفوله و دي حاجة نسبية يعني .. وكمان بيدي شكل حلو للعربية بدل ما الخط سادة أعتقد معظم العربيات اللادا الي هتصادفك يوميا مركباه والسعر 20-50 على حسب النوع و الخامة وممكن تركبه بنفسك

العتب : تحت الأبواب في منطقة مكشوفة بيركب عليها كاوتش حماية عرضه 3-4 سم و مش متذكر سعره بس قريب من سعر الجرايد وده بيركبه الصنايعي علشان بيخرم مسمارين لكل جنب لتركيبه و مش عملية صعبة للدرجة

فرش الموكيب : العربية بتيجي زيرو فيها فرش موكيت إسود كويس قوي (الروسي) معظم الناس بيحافظوا عليه و بيركبوا فرش جلد ليه ... أعتقد الفرش ده بالإضافة لفرش الشنطة بيعمل حوالي 100-300 جنيه على حسب الشغل و الخامات و في حاجات أغلى من كده كمان

الأسعار دي قديمة شوية بس تديلك نظرة عامة عن متوسط السعر الي تتوقعه ان شاء الله

و الله الموفق :)

[abokoko]

شكرا يا باشا لذوقك وردك

[kashtoot]

ربنا يباركلك فيها و يكفيك شرها

[mhmdalsaadany]

ربنا يبارك في حضرتك والف شكر

[a7madramadan]

انت تأمر يــــا abokoko :)

[hoba_m]

ردياتير ناحاس 2 ماسورة وروح على حمدى لادا فى جسر السويس اول منزل كوبرى المطار وانت رايح على الكلية الحربية وجاى من السلام والف مبروك وربنا يديك خيرها ويبعدك عن شرها وشر الطريق