دور جدعه اخوكم هيتجنن

[re3ooo]

وربنا مفاهم حاجه

[a7madramadan]

ببساطة موضوع السخونة ان الروسي أكتر من المصري مش واقعي و مش حقيقي ..... بس السخونة العامة للادا حاجة معروفة و بيتم التعامل معاها بالتأكد من نظافة دائرة الرادياتير و تكون ميته مية زرقاء و كمان التأكد ان المروحة مافيهاش مشاكل و ماتعليش على الــ rpm بزيادة قوي يعني بتحرق عالفاضي فالموتور بيسخن بدون داعي .... معظم السخونية الي بتحصل بتحصل بسبب تعامل خاطئ العربية ....

[re3ooo]

على كده بقا المتسوبيشي الي عندنا غول على الرغم منها 1300 سي سي سيبك الياباني ياباني برضو
بس واضح ان مفيش قدامي برضو غير الادا زيرو برضو

[SS]

بس واضح ان مفيش قدامي برضو غير الادا زيرو برضو

انت ناوى تدفع كم مقدم و كم قسط ؟

[a7madramadan]

وللتوضيح يعني ..... العربية تسافر بيها من اسكندرية للقاهرة و تلف بيها فالقاهرة و ترجع والمؤشر بتاع الحرارة فالنص عادي خــــــــالص علشان ما تفهمش غلط ..... بس لو عربيتك مش مظبوطة مثلا رادياتير مش مظبوط بأي شكل او مروحة فيها عيب او بتحرق بنزين بزيادة قوي العربية طبيعي هتسخن منك لإنها مش معموله لطريقة انك تعاملها كعربية رياضيه لإنها هتسخن ... ما تقلقش من العربية يعني و ماتكبرش موضوع السخونية ده خــــالص ولو ناوي هات روسي 2107 و ان شاء الله هتريحك خــالص

[ahmedaglan]

ياباشا هما كلمتين ابرك من عشرة انا العربية معايا بقلها 5 سنين والحمد الله كل الي يخطر علي بالك ف اللادا حصل معايا
وخد بالك ان جو مصر مبقاش زى الاول وهى عربية شتوى جدا وتستمتع بيها وتبقي هايص لكن الصيف مش عايز اقولك انك هتكرة اليوم الي جبتها في
ووالله انا مش بقولك كدا علشان اكرهك فيها بس هى دى الحقيقة
واذا كنت عايز حاجة قسط وكويسة وتريحك هات سابيا برايد عربية ماشاء الله عليها جميلة وهى عربية اعتمادية وسعرها 51000 وفيها كماليات حلوة زى التكيف ودة اهم حاجة وتكيفها تلاجة وفيها زجاج كهرباء وكاسيت وانا عن نفسي وجديا فكرت ابيع الادا واجبها وهى مع واحد صحبي ومبسوط وهايص بيها
انا قولت الي عندي
وربنا يوفقق للاختيار السليم
وانا تحت امرك في اي استفسار

[mrastra]

السلام عليكم
انا اما قلتلك هات الروسي وبلاش المصرى كنت اقصد جودة التقفيل مش اكتر
لان المصرى تقفيلة مش اد كدة يعنى الببان تلاقى فروقتها واسعة والفرش والكلام دة مش زى الروسي طبعا
انما السخونية الروسي زى المصرى بالظبط لانة نفس الموتور ونفس دورة التبريد
القصة كلها فى ترموستات حرارة اول ما تستلم العربية بتلغية لان الترموستات دة بيقفل دورة التبريد ما بتروحش للردياتير .....انما لو شلناة كل الامور هاتتظبط وما فيش اى سخونية من اى نوع
يا اخى اقسملك بالله كل الناس بتشتكى من سخونة الموتور وانا بعانى من برودة الموتور لانة مش بيسخن لدرجة التشغيل المثالية
الاخوة اللى اقترحو انواع عربيات تانية فهى فعلا لا غبار عليها عربيات كويسة لكن ما يميز اللادا هى رخص ثمنها
رخص ثمن قطع الغيار
اى ميكانيكى بيشتغل فيها
توافر قطع الغيار بطريقة بشعة سوا جديد او استيرا
مثال بس مش للحصر الموتور + الفتيس تمنة 2000 جنية يعنى ارخص من الخلاط
ربنا يكرمك ويصلح حالك