قررت اقاطع التوكيل ـ اللي عايز ثواب عظيم يقول نعمل إيه

[SemSem_eg]

بسم الله الرحمن الرحيم

أنا بفضل الله جبت اللادا 2107 من سنتين تقريبا وهي أول عربية ليا وجبتها زيرو عشان معرفش حاجة خالص
طبعا كأي حد ميعرفش حاجة كنت بروح التوكيل في موعد الصيانة بالظبط وبعمل الصيانة عادي وبدفع عادي
من يومين روحت اعمل صيانة الـ 20 ألف ، وبصراحة لقيت الدنيا هناك غليت وكان مطلوب أدفع 460 جنيه
طبعا أخدت بعضي ومشيت وقررت اني مروحش المكان ده تاني واعمل كل حاجة برة

بس برضو انا معرفش حاجة

لو حد عايز يخدم اخوانه بجد يقول لنا بالظبط إيه اللي بيتعمل في الصيانة الدورية

يعني مثلا

صيانة الـ 1000 كيلو : تغيير زيت موتور ـ تغيير زيت فتيس وكورونا ـ تغيير فلتر زيت ...
صيانة الـ 5 آلاف كيلو : تغيير زيت موتور ـ تغيير .....


متتخيلوش كام واحد ممكن يستفيد من موضوع زي ده ومتتخيلوش كمية الثواب اللي هياخدها صاحب الموضوع ده

أتمنى ألاقي الموضوع ده قريب

ولكم كل الشكر والتحية

[keko]

هوا انا معلافش بالظبط بيعملوا ايه فى التوكيل لكن فيه فحص وصيانة دورية ممكن تعملها انت عادى جدا
الموتور :
تغيير زيت الموتور وكل مرتين تغير فلتر الزيت 50-100 ج
تغيير البوجيهات والابلاتين والكوندينسر وفلتر البنزين وفلتر الهواء مرة كل 6 شهور او سنة حسب استخدامك 60ج
كل 4 او 5 غيارات زيت موتور تغير زيت كرونة وفتيس و علبة دركسيون 50ج
كل ما تحس ان الموتور مش مظبوط تروح لبتاع كاربراتير يظبط الهواء والكهرباء والبنزين 20ج

العفشة : تروح لبتاع ظبط الزوايا يظبط الزوايا و يكشف على العفشة كويس ولو فيها اى حاجة بيخليك تعملها عند العفشجى الاول 20ج + مصاريف العفشة

وعموما اللادا يفضل تغير طقم البيضات بتاعت المقصات وطقم الجلب مرة كل سنة على الاكثر حتى لو سليمة 200 + المصنعية
الكهرباء :
كل شهر او اثنين تروح لبتاع البطاريات يكشف على الشحن وعلى مياه البطارية 5ج

الصاج :
لازم تركب 4 كارتيرات بلاستيك حوالين الكاوتش و 4 دلايات علشان تحافظ على الصاج من البارومة وتغسل العربية كل مدة والحوض يتغسل بجاز من جوه وممكن تدلعها وكل مده تدى البوية وش شمع ولمعة

الكاوتش : كل اسبوع تعدى على بتاع الكاوتش يظبط ضغط الكاوتش على 28-31 حسب تفضيلك 1ج

الرادتير : كل 6 شهور لسنة تروح تنضف الرادتير وتعمل دورة مياه

المواضيع مش مكلفة قوى لو اتعملت بصورة منظمة

[mrastra]

يا اخى انا تحت امرك
اى حاجة فى العربية اسال وبامر الله نجيبك على سؤالك
اى ملحوظة غريبة ضعها هنا وهتلاقى اجابات كثيرة
الصيانات الدورية بفضل الله الاخ keko قالها بالتفصيل
المهم عاوز احسسك اننا كلنا معاك
والتوكيل خلاص بقى سيبك منة

[midonbtc]

هوا انا معلافش بالظبط بيعملوا ايه فى التوكيل لكن فيه فحص وصيانة دورية ممكن تعملها انت عادى جدا
الموتور :
تغيير زيت الموتور وكل مرتين تغير فلتر الزيت 50-100 ج
تغيير البوجيهات والابلاتين والكوندينسر وفلتر البنزين وفلتر الهواء مرة كل 6 شهور او سنة حسب استخدامك 60ج
كل 4 او 5 غيارات زيت موتور تغير زيت كرونة وفتيس و علبة دركسيون 50ج
كل ما تحس ان الموتور مش مظبوط تروح لبتاع كاربراتير يظبط الهواء والكهرباء والبنزين 20ج

العفشة : تروح لبتاع ظبط الزوايا يظبط الزوايا و يكشف على العفشة كويس ولو فيها اى حاجة بيخليك تعملها عند العفشجى الاول 20ج + مصاريف العفشة

وعموما اللادا يفضل تغير طقم البيضات بتاعت المقصات وطقم الجلب مرة كل سنة على الاكثر حتى لو سليمة 200 + المصنعية
الكهرباء :
كل شهر او اثنين تروح لبتاع البطاريات يكشف على الشحن وعلى مياه البطارية 5ج

الصاج :
لازم تركب 4 كارتيرات بلاستيك حوالين الكاوتش و 4 دلايات علشان تحافظ على الصاج من البارومة وتغسل العربية كل مدة والحوض يتغسل بجاز من جوه وممكن تدلعها وكل مده تدى البوية وش شمع ولمعة

الكاوتش : كل اسبوع تعدى على بتاع الكاوتش يظبط ضغط الكاوتش على 28-31 حسب تفضيلك 1ج

الرادتير : كل 6 شهور لسنة تروح تنضف الرادتير وتعمل دورة مياه

المواضيع مش مكلفة قوى لو اتعملت بصورة منظمة

كلام جميل ..كلام معقول ..مقدرش اقول حاجه عنه
بس السؤال(قد يبدو بسيط ) اغير زيت كرونه ...وفتيس ..وعلبه الدركسيون ...فين فين
وشكرااااااااااااااااااااااااااااااا

[mrastra]

دول بقو اكتر من العريبات نفسها
كل منطقة دلوقتى بقى فيها مية واحد بتاع غيار زيت
والواحد هتلاقى عندة زيت موتور وفتيس وعلبة دركسيون

[bassem.naguib]

تغير الزيوت عند أي حد بتاع الزيوت أو في محطة البنزين .

ليا تعليق واحد فقط لا غير (مش دفاعاً عن التوكيل) .. بس أسعار الصيانات في أي توكيل بتختلف (سواء بالارتفاع أو الانخفاض) على حسب ما يتم في الصيانة من تغيير لبعض قطع الغيار أو خلافه .. وهناك ما يسمى في أي توكيل بالصيانات الدورية الكبرى اللي بيتم تغيير قطع غيار فيها كتير .. وعلى ما أتوقع أنها زي صيانة الـ 20 ألف اللي حضرتك عملتها وحتتكرر معاك نفس التكلفة في صيانة الـ 40 والـ 60 وهكذا .

[mohamed2002]

حضرتك اتصل بالتوكيل وقولهم تكلفة الصيانة كام وبنودها اية؟ ونفذ الكلام دة مع ميكانيكي برة

[keko]

كلام جميل ..كلام معقول ..مقدرش اقول حاجه عنه
بس السؤال(قد يبدو بسيط ) اغير زيت كرونه ...وفتيس ..وعلبه الدركسيون ...فين فين
وشكرااااااااااااااااااااااااااااااا

اياااااااااااك تغير زيت عند واحد بتاع زيوت علشان فيه زيوت مضروبة كتير والغلطة بجون تغير زيت فى البنزينة والحل الافضل تشترى الزيت من البنزينة وتخلى الميكانيكى بتاعك يغيرهولك لان ساعات فيه ناس فى البنزينة بتكون مش فاهمة قوى او يكسل يغير زيت فتيس

حضرتك اتصل بالتوكيل وقولهم تكلفة الصيانة كام وبنودها اية؟ ونفذ الكلام دة مع ميكانيكي برة

الراجل الطيب ده جاب من الاخر