صوت طقه فى دواسة الدبرياج

[tifa55555]

السلام عليكم
فى صوت طقه لما اشيل رجلى من على دواسة الدبرياج ومش عارف ايه السبب وصاحب ذلك عضه خفيفه فى الغيار الاول،يا ريت لو حد عنده تفسير يدلنى ،احسن الميكانيكى بتاعى كل ما اروح اعمل عنده حاجه الاقى عنده زحمة و اكتر من عربيه مستنيه
وجزاكم الله خيرا

[a7madramadan]

جايز تكون الدواسة محتاجة يتعملها ريجلاش والله أعلم .... هيظبط السلك بتاعها و احتمال يلاقي في الميكانيكيات بتاعتها حاجة غلط و بسيطة ان شاء الله

الإحتمال البعيد انه ممكن يكون للأسف عندك مشكلة فالجير بوكس اسطوانة او ديسك الميكانيكي لما هيبص هيعرف ان شاء الله

[hugan]

ممكن تكون صلايب الكردان
او المشرشر مبوش

[tifa55555]

جزاكم الله خيرا جميعا

[midomizo]

ممكن تكون المشكلة من بلية الدبرياج
لازم ميكانيكى يشوفها
وخليك مع ميكانيكى فى يوم فاضى عشان احتمال يرفع المحرك عشان لو هيغير طقم الدبرياج

[ahmedenen]

ممطن يكون دى مشكله فى كرسى النص او الفلانشه فى ععمود الكردان

[Khaled_Nowaihy]

فى ال 128 الطقطقة دى صوت شعرة من سلك الدبرياج بتتقطع لما تدوس على الدبرياج ...
هل دبرياج اللادا سلك زى ال 128 ؟

[tifa55555]

الحمد لله الطقه راحت لوحدها و رحت بيها برده للميكانيكى وقاللى مالها ما العربيه سليمه ما فيهاش حاجه
طبعا الحمد لله على كل شىء بس حاجه تحير لانها ممكن ترجع تانى زى ما راحت

[tifa55555]

ممكن تكون حاجه كانت معلقه فى ماستر الدبرياج التحتانى وراحت لوحدها ممكن تكون شوائب والله اعلم

[a7madramadan]

لو لا قدر الله الصوت رجع روح بسرعة لميكانيكي علشان تعرف المشكلة بالظبط .....

و ان شاء الله ما يكونش في حاجة و بالتوفيق ان شاء الله

[Ahmed_BYD_F0]

الحمد لله الطقه راحت لوحدها و رحت بيها برده للميكانيكى وقاللى مالها ما العربيه سليمه ما فيهاش حاجه
طبعا الحمد لله على كل شىء بس حاجه تحير لانها ممكن ترجع تانى زى ما راحت

بسم الله الرحمن الرحيم
اخى العزيز الف مبروووووووووووووك ان الطقة راحت
ولكن حاول المرة الجاية تتفق معاه تجبله العربية امتى بالظبط مدام هو الميكانيكى بتاعك وواثق فيه
انا شخصيا بعمل كده مع الميكانيكى بتاعى اللى واثق فيه ودايما الاقى عنده زحمة وهو اللى بيديلى الميعاد وبكده ميقدرش يقولى حاجة
وعليكم السلام ورحمة الله وبركاته

[tifa55555]

بسم الله الرحمن الرحيم
اخى العزيز الف مبروووووووووووووك ان الطقة راحت
ولكن حاول المرة الجاية تتفق معاه تجبله العربية امتى بالظبط مدام هو الميكانيكى بتاعك وواثق فيه
انا شخصيا بعمل كده مع الميكانيكى بتاعى اللى واثق فيه ودايما الاقى عنده زحمة وهو اللى بيديلى الميعاد وبكده ميقدرش يقولى حاجة
وعليكم السلام ورحمة الله وبركاته

جزاك الله خيرا على النصيحه

[keko]

بص لزيادة التاكيد جرب امشى واتغاشم فى النقلات يعنى متظبطش رجلك قوى على الدبرياج لو سمعت رنة او خبطة يبقى الصوت من الكردان سواء صليبة او متلوتة او مشرشرة لو سمعت الدبة العادية المكتومة بتاعت لما تسيب دبرياج غلط يبقى تمام

[tifa55555]

بص لزيادة التاكيد جرب امشى واتغاشم فى النقلات يعنى متظبطش رجلك قوى على الدبرياج لو سمعت رنة او خبطة يبقى الصوت من الكردان سواء صليبة او متلوتة او مشرشرة لو سمعت الدبة العادية المكتومة بتاعت لما تسيب دبرياج غلط يبقى تمام

عملت كده وبسمع صوت خبطه مكتومه

[keko]

عملت كده وبسمع صوت خبطه مكتومه

طالما الصوت مكتوم مش بيرن وواطى يتلاحظ بالعافية يبقى ان شاء الله تمام
انا ضفت حضرتك فى الاصدقاء ارجو القبول انا كمان من اسكندرية واى استفسار بخصوص اللادا او اماكن الشراء عينيا ليك