التشحيم الدورى

[ahmedalramy]

يا جماعه انا معايا 2105 94 شريها بقالى سنه ممكن حد يقلى ايه اللى بيحتاج تشحيم دورى
مع العلم انى لسه كنت عند العفشجى وقالى البيض تمام و حتى مش محتاج تشحيم

[a7madramadan]

اعتقد التشحيمات الدورية هي تزويد فلفلينا لكل من الجيربوكس و الكورونا .. و تشحيم البيضات ده على حد علمي

[mrastra]

كمان البيض لازم يتشحم
متلوتة الفتيس فيها مشحمة برضة لازم تتشحم
صلايب الكردان فيهم مشحمة لازم يتشحمو
كرسي النص لازم يتشحم
وبعدين عفشجى اية اللى قالك ان عربية بقلها سنة مش عاوزة تتشحم
اللادا عشان تحافظ على عفشتها لازم تغسلها بالجاز وتشحمها كل 3 شهور على الاكثر

[ahmedalramy]

مشكووووووووور

[hook1st]

انا هاقول رأيي المتواضع وسط كل الأراء الخبرة:
1- حضرتك كل ما تروح تغيير زيت خلي الراجل يبص علي زيت الفتيس والكورونة
2- البيض بتعاع العفشة ليه عمر أفتراضي يقعد فترة وبعد كدا بيتغيير هما عدلوه علشان ما يفروطش زي القديم وفكرة تركيب مشاحم دي هاتلم تراب وهاتخلي الجلد اللي في العفشة يتبهدل بسرعة
3- حضرتك كمان لازم تكون زي الترمومتر يعني اول ما تحس انه أداء العربية متغيير تكشف عليها حتي لو مش وقت الصيانة الدورية .
انا سألت ناس كتير راكبة اللادا موضوع البيض دا خلال استعمالهم اكتر من 15 سنة غيروه حوالي مرتين وفي ناس 3
كلهم اجمعوا علي انه الاستمعال الكويس وانه ايدك تكون في العربية علي طول هاتخليها تعيشش كتيير ومن غير مشاكل

[masrawy1441]

السلام عليكم

بالنسبه لكلام الزملاء كلام مظبوط 100% لازم فعلا العربية تتغسل كل فتره ويتحط عليها من تحت زيت او جاز علشان تحس انها انعم شويه

بالنسبه للمشاحم فى ا للادا انا عندى بيض المانى مفيش فيه مشاحم
ولكن المشاحم موجوده فى الكورونا والفتيش