لادا جديدة وبسعر بسيط ودفع خلفى أهم شئ

[capo_em]

الإخوة الكرام رواد المنتدى الممتاز ، بعد التحية
أنا كان معايا فيات 128 شوفت منها الويل علمتنى الأدب المهم أنا الحمد لله بعتها والله يبارك لصاحبها ، أنا قررت أدور على عربية كرونة أو دفع خلفى ،جه فى بالى اللادا أنا عاوز عربية جديدة لادا تكون كويسة ياريت الإخوة يحاولوا يقولولى موديلات اللادا بشتى أنواعها عشان أعرف أقرر
أهم حاجة يكون سعرها مناسب لإمكانياتها وكنت عاوز أعرف معلومات عن العائلية منها وكمان السيدان العادية وكمان النيفا ومن الآخر اللى عارف حاجة يقول .
جزاكم الله خيرا

[keko]

اولا بلاش النيفا
موديلات اللادا عندك ال 1200 ودى اللى شكلها من قدام بفانوسين مدورين كبار وال 1500 دى اللى ب اربع فوانيس مدورين صغيرين وال 2105 دى اللى بفانوسين مربعين والشبكة سوداء وال 2107 دى اللى بفانوسين مربعين والشبكة نيكل وبارزة على الكبوت

اسعار اللادا من 8000 لحد 30000 حسب الموديل والمواتير فيه 1200 و 1300 و 1500 و 1600 سى سى وال 1700 يركب كمان
وطالما انت طالع من 128 للادا اعرف الاتى كل عيوب ال 128 مش موجودة فى اللادا يعنى الصاج متين والدفع خلفى ومشاكلها اقل والعفشة قوية وبرضه كل ميزات ال 128 مش موجودة فى اللادا يعنى الدركسيون ناشف وصوت الموتور عالى والتسارع مش زى ال 128

[mrastra]

اعطالها اقل واقوى من الـ 128 وحاجاتها بنفس سعر ال28 صالونها اوسع حبتين
الـ 128 مش عربية بجد مع لادا ولو جبت حاجة 1600 سي سي هاتكيفك اوى وهاتحس بالقوة
اتزان لادا افضل بكثير جدا من 28
نيجى للعيوب
الشكل الصندوقى اللى ممكن ما يكنش محبوب ليك
تقل الدركسيون بس لة حل
صوت الماتور العالى ومالوش حل

[engaass]

عن تجربة ال لادا اللى حالتها كويسة احسن بكتييييييييييير من 128 خصوصا فى موضوع الشد

[capo_em]

جزاكم الله خيرا جميعا
بالنسبة لشكلها فهو مقبول خاصة إن العربية قوية وممتازة والدركسيون ناشف فعلا وده عيب لكن العفشة ممتازة مقارنة بالفيات طبعا كعربية اللادا أكيد أفضل بكتييييييييير أنا نازل السوق وأشوف يوم الجمعة دعواتكم وهقولكم بعد ما أجى إن شاء الله

[mrastra]

النهردة الاحد يعنى الجمعة عدت اية طمنا عليك عملت اية