حد من الاخوة الكرام عمل تعديل فى عفشة لادا؟

[mrastra]

السلام عليكم ورحمة الله
قرات كتير عن تعديل عفشة لادا وتركيب بدلا من علبة الدركسيون سكاترا 131 وناس بتشكر وناس بتنقض
وكمان فى ناس بتغير كل اجزاء العفشة وتستبدل بـ 131
كنت عاوز اعرف حد جرب التعديل دة بنفسة ولا لا؟

[a7madramadan]

لو على السماع .. انا سمعت كتيييير تركيب عفشة ياباني . وحاجات من نص نقل دبابة .. و أحيانا مجرد يايات بس أو مساعدين بس من ماركات مشهورة .... بس الصراحة أنا مش قدام عيني حاجة وما سبق ليا التغيير في عربيتي لسه وما اعتقدش اني عندي جرائة اني أغير فيها الصراحة علشان لسة جديدة :)

بس بالنسبة للدريكسيون في حل ممتاز معروف بإسم النص باور .. هوه علبة دريكسيون برومان بلي من لادا من بداية موديلات 2008 وممكن 2007 ..... العلبة دي بتخلي الدريكسيون أخف بمراحل حتى من علبى الـــ131 والإسكاترا... أنصحك بشدة تغير للادا النص باور الأصل والله الموفق

[SAMER_ENGINES]

تعديل لا بس انا مغير العفشة كلها المانى بس بتاعة العربية يعنى حاجة اللادا بس المانى ما عدا المساعدين الخلفية جبتهم روسى و جبت علايتين مرسيدس بس عشان العربية واطية من ورا لكن بسمع كتير عن ناس بتعدل و مثلا تحط مساعدين بتوع عربية تانية و ده بيخلى العربية عالية من ورا وواطية من قدام بشكل ملحوظ و طبعا غير انى شكلها بيكون سئ جدا بتكون عرضة للانقلاب فى الملفات مع السرعة خليك افضل فى الحاجة بتاعة العربية و لو حبيت تخف الدركسيون برضه هات حاجة اللادا زى ما ديزل قالك لسبب بسيط و هو انى اللى عمل العربية ادرى بيها منى و منك.

[mrastra]

تعديل لا بس انا مغير العفشة كلها المانى بس بتاعة العربية يعنى حاجة اللادا بس المانى ما عدا المساعدين الخلفية جبتهم روسى و جبت علايتين مرسيدس بس عشان العربية واطية من ورا لكن بسمع كتير عن ناس بتعدل و مثلا تحط مساعدين بتوع عربية تانية و ده بيخلى العربية عالية من ورا وواطية من قدام بشكل ملحوظ و طبعا غير انى شكلها بيكون سئ جدا بتكون عرضة للانقلاب فى الملفات مع السرعة خليك افضل فى الحاجة بتاعة العربية و لو حبيت تخف الدركسيون برضه هات حاجة اللادا زى ما ديزل قالك لسبب بسيط و هو انى اللى عمل العربية ادرى بيها منى و منك.

تسلم على النصيحة الغالية بس اية المشكلة ........اية اللى هايحصل يعنى لو لقيت الدنيا خربت خالص هارجع كل حاجة لمكانها
انا بطبيعتى مغامر طالما الشىء مدروس وطالما فى حد عمل تعديل قبل كدة
فى منتدى تانى اخ كريم عمل التعديل دة فى طنطا فى عربيتين واحدة منهم بقلها خمس سنين والددنيا كويسة جدا معاة وزى الفل وانا اتصلت بية تليفونيا والراجل طمنى جدا ......واتصلت بالراجل اللى بيعدل وقالى انة عاملها فى عربيات كتير جدا على سنين طويلة وما حدش اشتكى وكان كلامة واضح جدا معايا انى ما ادفعش ولا جنية الا اما نطلع على الطريق السريع واعدى الـ 120 كم ونشوف النتيجة ولو حصل والعربية اكلت كاوتش هارجع الحاجة زى ما كانت تانى

[SAMER_ENGINES]

ااه ده كدة موضوع تانى خلاص جرب و شوف النتيجة و قولنا و يمكن نعمل زيك.