مشكلة مع سماره

[SHEROO]

السلام عليكم ....

أنا عضو جديد ... و أعانى من مشكلة مع الاسبراتير الالكترونى للادا السماره .... فعندما تعطل كهرباء ...أظل لف و أدور حول نفسى ... و أغير مشط الكتاوت .. و هو غالى ... و يعمل يومان و تقطع مرة أخرى .. و ليس له حل ... و قطع غيار الكهرباء لا ترجع و لاتستبدل ...
عانيت كثيرا من هذه المشكله .... وأخيرا .. نصحنى أحد الكهربائيين بأن أركب اسبراتير عادة ...
يعنى أبلاتين و كوندنسر ... و رأي أن هذا هو الحل ... و لكنى لا أجد اسبراتير عادة لها ...
فقال لى أحدهم أنى أستطيع تحويل اسبراتير الالكترونى الى عادة ... و وافقته .. و لكنه فشل فى هذا
و أنا الان أبحث عن اسبراتير عادة لها ...
فهل يمكن أن أجد ؟؟
و أين أجده ؟؟

أرجوكم أفيدونى .... و من عنده أية معلومه خصوص هذا الأمر ... لا يبخل علي بها

وفقكم الله

[ahmedsrs]

طبعا متركبش عادة الأكترونى انضف واحسن جرب جيبه استعمال بتاع نفس العربية وجربه قبل الأستلام

[hemaatea]

انا عندي السماره و احسن حل ليها انك تجيب نفس قطعه الغيار من التوكيل و تخليهم هما اللي يركبوها ده اللي انا بعمله دلوقتي و الحاجه هما اللي فاهمين فيها و هما اللي يقدروا يشوفوا عيبها و هما مسئولين عنه

[Abo Shahd]

انا حصلتتلى نفس المشكله دى والعربيه كانت بتقطع كهربه فجاءة وما ترداش تدور وغيرت كل حاجه فى طقم الكهرباء واتضح اخيرا ان المشكله كانت فى الالكترونى بتاع الاسبراتير وهو عباره عن مربع غالبا بيكون اسود او بيج فى صدر العربيه ناحيه السواق متوصل بفيشه للاسبراتير واتاكد من الفيشه كمان انها تكون سليمه وفى كمان ابلاتين داخل الاسبراتير يستحسن تغيره بالمره هو بحوالى 20 جنيه

[SHEROO]

كل كلامكم على عينى و راسى .... لكن المشكله ان المشط ده لما بيفصل بيخلينى ألف حوالين نفسى و ما اعرفش العيب منين ... و المشط ب 75 جنيه .... هى بسيطه ..لكن المشكله ان أى شرز أو خلل فى الكهربا بيقطع علطول....و أنا أعرف واحد بتاع الكترونيات بيصلحهم كمان ....
و أنا فعلا باجيبلها قطع الغيار الأصلية بتاعتها .... لكن السوق ... و ما أدراكم بقطع الغيار اللى فى السوق .... يعنى أفتكر انى غيرت ماستر الفرامل العمومى 3 مرات خلال شهر واحد ... و أخيرا لقيت واحد من رسالة قديمه عند جمال لادا فى فيصل ... و الحمد لله عايش لحد دلقتى بقاله أكتر من سنه و نص ...
على كل حال أنا لقيت واحد خراط فنان ...ظبط لى الاسبراتير اللى حولته ... و أصبحت المسائل على ما يرام ....
و بعدين أنا عندى نصيحه ... لوجه الله .... ابتعدوا عن التوكيل .... أبو قرش بيركبوا ب 10 قروش ....
و أظن الحاله الاقتصاديه للبلد الأيام دى لا تخفى على أحد ....و الواحد فى عرض الجنيه ....
و أخيرا ... أشكركم جميعا على اهتمامكم بموضوعى ... و جربوا موضوع الاسبراتير العاده ده .... حتريحوا دماغكم من جميع مشاكل الكهرباء ... و ديتها ابلاتين و كوندنسر ب 19 جنيه ... أو تة صنفره بربع جنيه ... و أى صبى ميكانيكى يركبهم ...
فى أمان الله

[ahmedshehata45]

طب عايزين نعرف ازاى حولت الاسبراتبر من الكترونى لعادة بالتفصيل عشان ده هيفيد ناس كتير وشكرررررررررررررررررررررررررررا مقدما

[yasserayad]

طب عايزين نعرف ازاى حولت الاسبراتبر من الكترونى لعادة بالتفصيل عشان ده هيفيد ناس كتير وشكرررررررررررررررررررررررررررا مقدما

+1000000000000
وريت كمان تدلنا على المكان اللى غيرته فيه
يبقى كتر خيرك

[ahmedshehata45]

عايزين نعرف ازاى حولته من الكترونى لعادة ونرجو ان يكون هناك رد عشان انا طرحت نفس السؤال من فترة ولا يوجد اى رد وشكرا مقدما