السعر ده مناسب للعربيه دي ولا غالي

[TOKTOK5858]

السلام عليكم ورحمه الله

انا مشترك معاكم هنا في المننتدى من فتره واستفدت كتير جدا جدا من خبراتكم انا اشتريت عربيه سبعه وعشرين وبصراحه عقدتني في الفيات كله عموما علشان موضوع الجر الامامي المهم

الناس اهل الخبره اشارو عليا اني اشتري لادا تستحملني

والفلوس اللي معايا تجيب لادا قديمه فدورت وشوفت كذا عربيه لغايه لما لاقيت عربيه بسم الله ماشاء الله فابريكه بره وجوه ومن تحت ومش محتاجه مصروف نهائي لادا 1300 s

موديل 1981 بس صاحبها ماسك في 15000 ياترى السعر ده مناسب ليها ولا لا
الموتور حالته كويسه خمس فرد كاوتش جداد والاستبن منزلش على الارض حالتها حلوه هل يعتبر السعر ده كويس عليها ولا غاليه وارجو الرد سريعا

[mohamed_e36]

بالنسبه للسعر مش عارف والله بس معقول في عربيه موديل 1981 فبريكه بره وجوه

[TOKTOK5858]

العربيه مش متهانه وحتى لو مش فابريكه بره وجوه هيا حالتها كويسه وشوفتها بصراحه من تحت مفيهاش اي حاجه هل حضرتك شايف السعر كده عالي واصبر شويه ولا مناسب

[engaass]

انا بعت عربيتى 2105 موديل 1982 فابريكة دواخل فقط بس كانت مجددة من كلة وكاوتش جديد برضه ب 16000 اعتقد
السعر كويس

[engaass]

دى صور عربيتى اللى بعتها

http://www.nilemotors.net/Nile/164974-2105.html

[TOKTOK5858]

بسم الله ماشاء الله حضرتك كنت مظبط العربيه قوي

ربنا يبارك للي اخدها

حضرتك بايع السنه اللي فاتت هل ياترى الاسعار دلوقتي مختلفه عن قبل كده

وعلى فكره العربيه اللي قدامي متظبطه زي العربيه اللي حضرتك بعتها بس الفرق في الموديل

[engaass]

اعتقد مش هاتفرق كتير كان مكنتش زادت كمان
بس خلى بالك انها فابريكة بالكامل وده هيخليها ماسكة سعرها بس خلى بالك من الحاجات المستخبية زى قواعد الماتور والكردان مثلا

[abdosolomhod]

السعر كويس توكل على الله

[TOKTOK5858]

الراجل طلع عيل في كلامه ورجع في كلامه

الحمد لله ربنا مش بيجيب حاجه وحشه

لو في حد هنا في المنتدى عنده عربيه لادا بنت حلال وحنينه ياريت يقولي انا من اسكندرية

[keko]

الراجل طلع عيل في كلامه ورجع في كلامه

الحمد لله ربنا مش بيجيب حاجه وحشه

لو في حد هنا في المنتدى عنده عربيه لادا بنت حلال وحنينه ياريت يقولي انا من اسكندرية

حضرتك منين فى اسكندرية ؟

[TOKTOK5858]

حضرتك منين فى اسكندرية ؟

من العجمي ياباشا

[keko]

من العجمي ياباشا

وانا من سيدى بشر لو كدا منين ما اشوف حاجة لادا كويسة هاقولك بس انت عايز 1200 ولا 1500 ولا 2105 ولا 2107

[TOKTOK5858]

ياريت ياباشا تكون 1500

بصراحه العربيه عجباني

ولو فيه2105 مفيش مشكلة

بس اهم حاجه الحاله

[keko]

ياريت ياباشا تكون 1500

بصراحه العربيه عجباني

ولو فيه2105 مفيش مشكلة

بس اهم حاجه الحاله

بصراحة ال 1500 بعتبرها احلى موديل فى اللادا تابلوه تحفة والموتور 1500 واهدى من بتاع ال 2107 وصاجها هى وال 1200 سبب شهرة صاج اللادا اصلا
ربنا يكرم انا كدا كدا بدعبس على عربية لو شفت واحدة حلوة اقولك وخد بالك انا اللى كان بيكلمنى فى اكتر من 12 الف بسيبه وامشى (طبعا اللى كانت فابريكة دى حالة شاذة) العربية دى سعرها من 4 الاف (لو كانت تاكسى ورايحة فى 60 مصيبة ) ل 8 الاف لو حالتها متوسطة واخرها 12 لو نضيفة انا نفسى الاقى واحدة من ام 4 الاف تكون صاجها سليم جدا وكل الباقى متدمر واشدها على مزاجى بس الصاج والشاسيه اللى عمره ما يرجع لاصله

[TOKTOK5858]

بصراحة ال 1500 بعتبرها احلى موديل فى اللادا تابلوه تحفة والموتور 1500 واهدى من بتاع ال 2107 وصاجها هى وال 1200 سبب شهرة صاج اللادا اصلا
ربنا يكرم انا كدا كدا بدعبس على عربية لو شفت واحدة حلوة اقولك وخد بالك انا اللى كان بيكلمنى فى اكتر من 12 الف بسيبه وامشى (طبعا اللى كانت فابريكة دى حالة شاذة) العربية دى سعرها من 4 الاف (لو كانت تاكسى ورايحة فى 60 مصيبة ) ل 8 الاف لو حالتها متوسطة واخرها 12 لو نضيفة انا نفسى الاقى واحدة من ام 4 الاف تكون صاجها سليم جدا وكل الباقى متدمر واشدها على مزاجى بس الصاج والشاسيه اللى عمره ما يرجع لاصله

لا ياباشا شرا العبد ولا تربيته انا نفسي في واحده بنت حلال وتكون بيتي مش تاكسي ومتظبطه ومعاك لغايه الخمستاشر