انا بقالى اكتر من شهرين شهرين محتارة

[emantawfik]

انا نقلت لمدينة الشروق وشغلى فى مدينة نصر ومحتاجة عربية تستحمل المشوار ده كل يوم ومحتارة ما بين لادا 2111 ودايو لانوس او هيونداى فيرنا
بالنسبة للادا خايفة من انها تقيلة فى سواقتها والانوس والفيرنا خايفة انها متستحملش المشوار ياريت حد ينصحنى مع العلم ان دى اول عربية هسوقها

[Xpert]

لو عليا ... انصح بالدايو او الفيرنا .. اللادا عاوزه عضلات بالنسبه للدريكسيون .... :d:d:d

[fahd_628]

رأى فيرنا 1600 مش 1500

[mahamedaraby]

هيونداى فيرنا
انسب اختيار

اللادا مش عمليه اوى هى مش زى القديمه او مش بقوه القديمه لكن بالنسبه لتمنها فهى صافقه ناجحه جدا

لكن فى حالتك دى انسب اختيار هى هيونداى فيرنا

[osama_alam]

مشكلة الرينج ده من السعر ان مفيش عربية فيه جذابة اوي وتخليك تشتريها !!!

راي اشتري مستعمل دايو لانوس موديلات فوق 2002 اتعلمي عليها وقدي مشواريك وسنة ولا اتنين وغيري بفئة اعلي

[أبو عبدالله]

لانوس اختيار جيد لتوافر قطع غياره ورخصها مقارنة بالفيرنا

[aif]

بلاش لادا
الرجالة بتتعب من سواقتها .... انت بقي ح تعملي ايه ؟؟
وبعدين الطريق بتاعك دة طريق طوالي وما اعتقدش انه ح يمكون مرهق للعربية ... يعني مش محتاج عربية حمالة أسية زي ما انتي فاكرة
هو عاوز عربية سليمة عشان تكون اعطالها قليلة وما تسببلكيش عطلة علي الطريق
لو تقدري تجيبي عربية زيرو ومش لازم تكون كبيرة ... يكون احسن

[Karim_Monir]

اللادا توكيل سيء جدا
وانت بتروحي كل يوم مشوار طويل ومانتيش حمل العربية تعطل منك على الطريق خاصة لو شتاء والجو ضلمة بدري
وطريق مصر اسماعيلية رخم ومليان نقل واتوبيسات وانتي عايزة عربية راسية وثابتة وقطع غيار متوفرة بسهولة
الافضل لانوس عشان الثبات بتاعها افضل من الفيرنا وقطع غيار متوفرة اكتر
والاختيار التاني الفيرنا
والادا بلاش منها

[emantawfik]

شكرا ليكو خالص ياجماعه على اهتمامكم بالرد عليه لانى فعلا كنت اتخنقت من الموضوع ده وان شاء الله هشوف عربية لانوس

[kimo-nubira]

شكرا ليكو خالص ياجماعه على اهتمامكم بالرد عليه لانى فعلا كنت اتخنقت من الموضوع ده وان شاء الله هشوف عربية لانوس

اختيار موفق ان شاء الله انا لسه جايب لانوس لاخويا من كام شهر كده والحمدلله ماشتكاش من اي حاجه فيها

واهم حاجه انك تبعدي عن غبور اليومين دول ............. ومبرووووك مقدما ...............

[peranha]

بصي الشيفورليه افيو احسن من لانوس والفيرنا وثمنها في حدود 70000 وهي حمالة اسيه . الأفضل لك انك تشتري الاول عربيه مستعمله تتعلمي بيها واللادا عربيه حمالة اسيه واعطالها قليله جدا والمستعمل منها رخيص وبعد ما تتودكي في السواقه تشتري الافيو . انا كان عندي لادا والحقيقه مسببتش ليه اي مشاكل ولما غيرت بعربيه حديثه التكنولوجيا الجديده قرفتني وكلفتني ومفضيه جيبي علي طول .

[islamnabil]

طب ايه رأيك في حاجة ياباني احلى من اللانوس بكتير
سوزوكي بالينو من 98 الى 2000
و بنفس سعر اللانوس لكن مستوى تاني خالص
ياباني بقى :p

[ashour]

لو تسمحيلى هخرج برا الاختيارات اللى محطوطا لان بنت خالى كانت من قريب فى نفس المشكله لما نقلوا أكتوبر
بس المهم استقرت على البيجو 405
عشان بتستحمل و قطع غيارها مناسبه و الميكانيكا يتاعيتها معروفه لاى مكانيكى و كمان شكلها مش بطال.

[Karim_Monir]

طالما فكرتي في الياباني
هاتلفي تلفي وتروحي للانسر كريستالة 98 او 99 او 2000
عربية تحفة
ثبات جري قطع غيار نعومة اعادة بيع كل حاجة من الاخر وتكييف جبار
سوزوكي مش هاتعرفي تبيعها بسهولة وكمان قطع غيارها غالية وقليلة

[LUX]

اللي عاوز اقوله ان الللادا ال2111 باور ستيرنج يا جماعة مش دركسيون عادي
.زيها زي ال2110 وإنجيكشن كمان!!:)
ثانيا .انا في رأي ان العربية مش وحشة خالص وثابتة و راكزة علي الارض حتي علي السرعات العالية
. و بتسحب حلو كمان!!!

و تصدقوا بايه؟
ناعمة علي الارض؟!!! .طبعا مش مصدقين..بس هي فعلا كويسة.

ده بس كان للإيضاح.;)


اما بالنسة للرد فانا رأيي تجيبي حاجة مستعملة إستعممال نضيف اوي في الاول ..ولما تبقي كويسة في السواقة هاتي عربية جديدة لان حرام تتعلمي علي واحدة زيرو.:)
____