اسكتره لللادا

[devil_55055]

السلام عليكم كان معاية لادا 2105 83 جابت لابوية الغدروف كان الدبرياج بدوس علية بايدى ورجلى عشان ينزل و الطارة عليزة رمبو عشان يحركهه المهم بعنا العربية وجبنا 2107 2006 جديدة هى العربية الحمدلله كويسة وخفيفة بس المشكلة و انا واقف لما باجى الف بيبقى تقيل

سمعت انو ينفع اركب اسكترة بتاعت البيجو ويبقى الدريكسيون خفيف ارجو الافادة و لو كويسة مين الى ممكن يعملى الحوار دة و يتكلف كام تقريبا
اسف على الاطالة

[mrastra]

بؤلك اية
ما تلعبش فى دماغى
انا بقالى شهر مش عارفاخد قرار
هل اجيب علبة دركسيون خمسة بلية واركبها مكان اللى عندى ولا اغير العربية بسكاترا 131 فى واحد فى طنطا بيعملها بـ 1000 جنية وسالت ناس عملوها عندو واكدو ان العربية بقت احسن فى حركة الدركسيون وعلى الطوالى مش بتعوم ولا بتاكل كاوتش
بس ازاى يا اخى الكريم موديل 2006 والدركسيون تقيل هى مش نازلة خمسة بلية ولا اية؟ ولو فعلا العلبة خمسة بلية ما تجرب الاول وتركب مناول على بلى وشوف النتيجة
وحياة ربنا التفكير هايموتنى ومش عارف اخد قرار هل اجيب علبة خمسة بلية ولا اعمل تعديل سكاترا
ربنا يلهمنى الصواب ان شاء الله