إعـــــــلان

**midonbtc** · 13-06-2011, 11:14 PM

ياعم اكوكو دانت اللى مطلعها فى دماغى واقنعتنى انى اشيل ترموستات الكوع جاى دلوقتى تقولى عايز ترجعه تانى ...انت هتلغبطنا معاك ليه

**abokoko** · 13-06-2011, 11:29 PM

المشاركة الأصلية كتبت بواسطة midonbtc مشاهدة المشاركة

ياعم اكوكو دانت اللى مطلعها فى دماغى واقنعتنى انى اشيل ترموستات الكوع جاى دلوقتى تقولى عايز ترجعه تانى ...انت هتلغبطنا معاك ليه

-------
فعلا وبدون حلفان
انا مستريح جدا لالغاء ترموستات الكوع وعندى لما الحرارة بتبقي فى نص الاخضر بعتبر العربية سخنه جدا جدا وغالبا الحرارة عندى على بداية الاخضر
الحمد لله رب العالمين

المشكلة واللى خلتنى انا على ترجيع ترموستات الكوع
هى
اللخبطة والتنتيشة اللى غلبت معاها على السلانسيه وفى بداية حركة العربية -- على الغيار الثانى --
وعلشان كده انا بفكر فى كل الاحتمالات

**mrastra** · 14-06-2011, 10:21 AM

اعتقد ان ترموستات الكوعة ملهاش علاقة بالتنتيشة خلى تفكيرك يروح لحاجة تانى

**Esam Mosaad** · 14-06-2011, 11:55 AM

ثرموساتات الكوعه لو مش مهم يبقى مكنش ليه لزمه فى العربيه
هتسمع ناس تقولك ده عشان الدول الاوربيه الى فيها ثلج
بيسرع من عمليه التسخين وده لزمتوا

بس مش كدا وبس

لو فكرت انك تجرى فى طريق مفتوح هتلاقى مؤشر الحراره بينزل
وده لان دوره التبريد شغاله على طول مفيش ثرموستات بيقفل ويفتح
مع الحرق والسخونه انت بدخل الماتور ميه بارده وده غلط

يعنى انت بتحرق على الماتور وهوا بارد

**midonbtc** · 14-06-2011, 07:41 PM

انا تعبت ياجدعان ...نفتح الشباك ولا نقفله
الكلام النهائى انا عربيتى بتسخن اشيل ترموستات الكوع ولا لأأه

**abokoko** · 14-06-2011, 08:48 PM

المشاركة الأصلية كتبت بواسطة midonbtc مشاهدة المشاركة

انا تعبت ياجدعان ...نفتح الشباك ولا نقفله
الكلام النهائى انا عربيتى بتسخن اشيل ترموستات الكوع ولا لأأه

----------------

هههههههههههه سؤال صعب
تستريح من الحرارة ولا تخاف على الموتور

**abokoko** · 14-06-2011, 08:51 PM

رغم الردود السابقة
ولا واحد حكى عن تجربة تغيير ترمستات الكوع
اما ان الجميع مش بيبوظ عندهم ترموستات الكوع
اما ان الجميع بيبوظ ومش بيغيروه
؟؟

**mahgoup** · 14-06-2011, 11:33 PM

السلام عليكم/ انا شايل ترموستات الكوع بقالى سنه ومركب كمان مروحه على الماتور والحمد لله ما فيش اى شكوى منها بالعكس ما بقتش اشيل هم الحراره خالص

**SYD** · 16-06-2011, 06:58 PM

ياجماعة احنا بنتكلم عن الحرارة وكأن العربية اشتكتلك
العربية اللادا ومعظم العربيات مصممة علي حرارة تشغيل 89 وهتلاقي ثرموستات الردياتير الفبريكة 89
بالنسبة لثرموستات الكوع فهو في غاية الأهمية لأنه بيحافظ علي درجة حرارة الموتور عند درجة تشغيله المصمم ليها وفعلا لو اتشال هتلاقي العربية مع السرعات والطرق المفتوحة درجة حرارتها نزلت كتير لدرجة انك لو وقفت هتلاقي الموتور بيرعش من البرودة
ولو شيلته بردو هتفضل تشتكي من الحرارة العالية في الاشارات
الحل انك تغير ثرموستات الردياتير بواحد اقل 67 - 81
ودة هيحل جزء من المشكلة بتاعتك
الحل التاني تغير الردياتير بواحد اكبر شوية (3 ماسورة) الميه هتبقي اكتر وبالتالي هتاخد وقت اطول علي ماتسخن وفي نفس الوقت هتاخد وقت اطول علي ماتبرد
الحل الثالث تركب مفتاح للمروحة تشغلها من جوة وياريت لو مفتاح بلمبة مبين عشان تعرف ان المروحة اشتغلت لو اشتغلت من الثرموستات
الحل الرابع استخدم مية خضرا تركيز 50%

انا شخصيا غيرت الكوعة تماما بواحدة من غير ثرموستات بتاعة 124 وندمت علي الاصلية
حاول تدور علي كوعة ولو استيراد وتركبها لأن بجد مهم جدا الحفاظ علي درجة حرارة الموتور

والله المستعان
،
،

**abokoko** · 22-06-2011, 07:42 PM

بكرر
ولا واحد معاه لادا غير ترموستات الكوع ؟؟
عايزين حد ينقل لنا تجربة تغيير ترموستات الكوع
ويقول لنا الاسعار او الانواع

**midonbtc** · 23-06-2011, 01:20 PM

شيلوا ترموستات كوعكوا وريحوا بالكو

**mrastra** · 23-06-2011, 02:36 PM

عندى شايلها ومركب مروحة تستمد حركتها من الموتور او الكرنك
عند زميلى شايلها ومركب مروحة كهرباء بثرموستات 60-82
عندى الحرارة بتوصل اول الاخضر فقط سوا فى اشارات او مشوار سفر
عند زميلى درجة الحرارة من اول الاخضر الى نهاية الاخضر فقط وصوت الموتور اهدى من عندى

Comment

Comment

إعـــــــلان

.

ترموستات الكوع

ترموستات الكوع

Comment

Comment

Comment

Comment

Comment

Comment

Comment

Comment

Comment

Comment

Comment

Comment