ظبط الموتور

[shasha850]

السلام عليكم معايا لادا 2107 موديل 2004 عني نقدر نقول ماشاء الله فابريكه الماتور ماشاء الله متعملش في حاجه والعربيه كان استهلاكها بسيط مع المالك الاول يعني معملتش 50الف كيلو وهي روسي مكيفه المشكله بقي لما اشغل التكيف بعد فتره معي اي تهديه الاقي العربيه بطلت ولو كنت بجري علي طلريق وقابلني مطب وهديت الاقيها برده بطلت رغم انها في السلانسيه غالبا بتبقي مظبوطه غالبا لكن مره الاقيها تعلي ومره الاقيها توطي واجي ابطل العربيه الاقي في باك فايير مش عارف ايه شغل الجنان ده المهم رحت للميكانيكي بتاعي كذه مره وهو راجل صنايعي وعنده ضمير عملت سرفيس كامل وجبت سبراي بتاع تنظيف الكربراتير الامريكاني ورشه في الكربراتير والعربيه اتظبطت وبقيت فله يومين ورجعتت للعوج تاني رحت للميكانيكي تاني ظبط الاسبراتير ومشيت حلو يومين ونفس الحكايه لدرجه اني بقيت امشي وانا شادد الشفاط عشان اريح دماغي وبعدين انا حاسس ان الميكانيكي شايف ان مفيش عندي مشكله وديه حاجه عاديه انتوا ايه رايكم وكنت عايز اسال لو المشكله من الاسبراتير ايه رايكو في حوار الاسبراتير الالكتروني وايه بيجي معاه ويتكلف كام وينفع ولا لأ واسف علي الاطاله

[shasha850]

[mhmdalsaadany]

يا فندم كلنا بنعاني من نفس مشكلة حضرتك وانا طلبت مساعده اكتر من مره عن اي ميكانيكي شاطر مفيش حد رد عليه خالص تقريبا محدش بيفهم في اللادا ومفيش ميكانيكي بيعرف يظبطها هههههههههههههههههه
لدرجه اني بفكر جديا اروح اسكندريه اقضي يوم واشوف ميكانيكي هناك واريح دماغي لحسن انا عربيتي 2011 وعندي نفس المشاكل دي ويا اما تظبط على حساب الاستهلاك والسحب ويا امل تسحب وتبقى طياره وتبطل كل شويه انا غلبت وعلى فكره انا عندي اسبراتير الكتروني واول حاجه عملها التوكيل عمل كوبري عليه اول ما قلتلهم انها بتبطل تخيل يعني من الاخر ملوش لازمه مصاريف على الفاضي

[SYD]

ياباشا
الأصول ان العربية لما بتشغل التكييف الموتور بيعلي سنة
يعني بمعني
لو الموتور علي السلانسية بدون تكييف علي 8 rpm يبقي لما تشغل التكيف هيبقي علي 10 rpm
ولو حضرتك بتحب المشي بالراحة وظابط علي 4 او 5 rpm يبقي لما تشغل التكييف يكون علي 6 او 7 rpm

في حاجة كدة بتركب بتخلي الموتور يعلي مع التكييف ويوطي لما تطفيه
حضرتك ممكن تسأل عليها وتركبها

كمان ان العربية تطفي وهي بتهدي دة وساخة في التانك والكربراتير
حضرتك ممكن تركب فلتر اضافي بعد الفلتر الي راكب (هيقلل السحب شوية)

غير الفلتر البنزين بأنتظام وليكن كل شهر
واعمله بنفسك مش لازم ميكانيكي
فك مسمار الأفيز وركب الفلتر وخلي بالك من السهم يكون في اتجاه طرمبة البنزين يعني السهم باصص لقدام اتجاهه من التانك ومتجه الي الطرمبة

بعد تنظيف الكربراتير يجب تغير طقم الكهرباء (بوجيهات وابلاتين وكندنسر)

يجب ظبط الكربراتير عند واحد متخصص وينظف البكاات وياريت تغيرها لو لزم الأمر

يجب بعد كل 5000 كم او شهرين تغيير فلتر البنزين
وقبل لما تغيره حاول تخلي البنزين يخلص علي الأخر لحد لما اللمبة تنور بأنتظام (مش تنور وتطفي) وفول وارجع فضيه تاني علي الأخر وبعد كدة غير الفلتر
الحركة دي بتسحب كل الوساخة بتاعة التانك وتوديها علي الفلتر وبعد كدة حضرتك بترمي الفلتر بوساخته

جرب كل دوول وانشاء الله العربية تظبط معاك

والله المستعان
،
،

[mhmdalsaadany]

وطيب لما تكون العربيه عامله 2000 كم وزيرو 2011 موديل السنه ومن اول يوم وبتعمل نفس الحركه دي دا يكون عيب ايه يا ترى

[shasha850]

يا فندم كلنا بنعاني من نفس مشكلة حضرتك وانا طلبت مساعده اكتر من مره عن اي ميكانيكي شاطر مفيش حد رد عليه خالص تقريبا محدش بيفهم في اللادا ومفيش ميكانيكي بيعرف يظبطها هههههههههههههههههه
لدرجه اني بفكر جديا اروح اسكندريه اقضي يوم واشوف ميكانيكي هناك واريح دماغي لحسن انا عربيتي 2011 وعندي نفس المشاكل دي ويا اما تظبط على حساب الاستهلاك والسحب ويا امل تسحب وتبقى طياره وتبطل كل شويه انا غلبت وعلى فكره انا عندي اسبراتير الكتروني واول حاجه عملها التوكيل عمل كوبري عليه اول ما قلتلهم انها بتبطل تخيل يعني من الاخر ملوش لازمه مصاريف على الفاضي

كان الله في العون طيب والحل ايه

[shasha850]

ياباشا
الأصول ان العربية لما بتشغل التكييف الموتور بيعلي سنة
يعني بمعني
لو الموتور علي السلانسية بدون تكييف علي 8 rpm يبقي لما تشغل التكيف هيبقي علي 10 rpm
ولو حضرتك بتحب المشي بالراحة وظابط علي 4 او 5 rpm يبقي لما تشغل التكييف يكون علي 6 او 7 rpm

في حاجة كدة بتركب بتخلي الموتور يعلي مع التكييف ويوطي لما تطفيه
حضرتك ممكن تسأل عليها وتركبها

كمان ان العربية تطفي وهي بتهدي دة وساخة في التانك والكربراتير
حضرتك ممكن تركب فلتر اضافي بعد الفلتر الي راكب (هيقلل السحب شوية)

غير الفلتر البنزين بأنتظام وليكن كل شهر
واعمله بنفسك مش لازم ميكانيكي
فك مسمار الأفيز وركب الفلتر وخلي بالك من السهم يكون في اتجاه طرمبة البنزين يعني السهم باصص لقدام اتجاهه من التانك ومتجه الي الطرمبة

بعد تنظيف الكربراتير يجب تغير طقم الكهرباء (بوجيهات وابلاتين وكندنسر)

يجب ظبط الكربراتير عند واحد متخصص وينظف البكاات وياريت تغيرها لو لزم الأمر

يجب بعد كل 5000 كم او شهرين تغيير فلتر البنزين
وقبل لما تغيره حاول تخلي البنزين يخلص علي الأخر لحد لما اللمبة تنور بأنتظام (مش تنور وتطفي) وفول وارجع فضيه تاني علي الأخر وبعد كدة غير الفلتر
الحركة دي بتسحب كل الوساخة بتاعة التانك وتوديها علي الفلتر وبعد كدة حضرتك بترمي الفلتر بوساخته

جرب كل دوول وان شاء الله العربية تظبط معاك

والله المستعان
،
،

شكرا يافندم علي المعلومات طيب لوغيرت بنزين 90 بدل من 80 ممكن المشاكل دي تتحل خاصه ان استهلاكي ومشاوري قليله يعني مش تفرق معايا ماديا لان الاستهلاك قليل

[mhmdalsaadany]

والله العظيم يا فندم انا بحط 92 من اول يوم جبت العربيه ومفيش فايده

[mirra]

يا شباب عرفونا مشكلة التكييف دى فى الادا المصرى الكربراتير ولا الروسى الانجكشن عشان لو هى فى المصرى فقط يبقى دا عيب صناعة جديد ينضم لقائمة عيوب التصنيع الموجودة فى التقفيل المصرى الجميييييبل.

[mhmdalsaadany]

على فكره يا شباب انا الموضوع دا عندي من غير تكيف دا الطبيعي بتاع العربيه الجميله دي

[shasha850]

ياعني مفيش فايده يارجاله

[SYD]

شكرا يافندم علي المعلومات طيب لوغيرت بنزين 90 بدل من 80 ممكن المشاكل دي تتحل خاصه ان استهلاكي ومشاوري قليله يعني مش تفرق معايا ماديا لان الاستهلاك قليل

مفيش منه فايدة
حضرتك لحد 2011 العربية بتنزل بموتور تصميم سنة 76
هو كل الفرق انك هتريح دماغك من زحمة وأزمة البنزين ال80
لكن فعليا مفيش فرق

والله المستعان
،
،