بنزبن 80 ولا 92 لل2107

[midonbtc]

شباب كنت عايز اعرف منكوا احط بنزين 80 ولا 92 عشان يفووق العربيه شويه ياريت كل واحد يكتب موديل السنه بتاع عربيته ويقول بيحطلها بنزين كام وشكرا

[elmkaneeki]

2007 >>>>>>>>>80

[midonbtc]

انا 2008.......................80

[ahmdmagdy]

2005 بنزين 80 طبعا

[mhmdalsaadany]

2011 مطلعه عيني وعين اللى جابوني 92 ومش لاقيلها حل من موضوع ظبط الموتور دا

[mirra]

انا معايا 2107 موديل2007 وباستخدم بنزين 92 لان السيارة روسى انجكشن وخطر جدا استخدم بنزين 80 لارتفاع نسبة الشوائب بة والمواد الصمغية التى تؤثر على كفاءة الحساسات والرشاشات وتؤدى الى زيادة الصفع اى الكركرة.

[engaass]

انا كان معايا 2105 موديل 82 وكنت بحط 92 والغريب ان لما غيرت وحطيت 80 العربية ظبت احسن من الاول

[mrastra]

انا معايا 2107 موديل2007 وباستخدم بنزين 92 لان السيارة روسى انجكشن وخطر جدا استخدم بنزين 80 لارتفاع نسبة الشوائب بة والمواد الصمغية التى تؤثر على كفاءة الحساسات والرشاشات وتؤدى الى زيادة الصفع اى الكركرة.

اعتقد ان نسب الشوائب فى الـ 80 مش اكتر من الـ 90 ولا حاجة والفكرة كلها فى معامل الاوكتان
وسيبك من الكركرة لان نفس الموتور القديم بتاع لادا كربراتير هو هو طبق الاصل الموتور الانجكشن قطر البستم وطول المشوار واحد وغرفة الحريق واحد يعنى انك تحط بنزين 80 يبقى فى صفع غير وارد لان نسبة انضغاط مواتير الكربراتير هى نسبة انضغاط المواتير الانجكشن

[shasha850]

2004 اكيد 80

[SYD]

فعلا مش بتفرق كتير ال80 عن ال92 غير بس مع طقم الكهرباء والفلتر
ولو غيرتهم وظبط الموتور والكربراتير علي 80 هتلاقي الأداء هو هو والأستهلاك هو هو بالظبط

انا كان معايا 2107 موديل 2005 وكنت بستعمل 80

والله المستعان
،
،

[elmkaneeki]

اعتقد ان نسب الشوائب فى الـ 80 مش اكتر من الـ 90 ولا حاجة والفكرة كلها فى معامل الاوكتان
وسيبك من الكركرة لان نفس الموتور القديم بتاع لادا كربراتير هو هو طبق الاصل الموتور الانجكشن قطر البستم وطول المشوار واحد وغرفة الحريق واحد يعنى انك تحط بنزين 80 يبقى فى صفع غير وارد لان نسبة انضغاط مواتير الكربراتير هى نسبة انضغاط المواتير الانجكشن

تمام كدة

[a7madramadan]

يــــاريت يـــا جماعة الي عارف المعلومة بدقة يقولها ....


حضرتك لو عربيتك كاربيراتير تقدر تحط 80 عـــادي و الــ 90 او 92 هيبقى مجرد نظافة للعربية

أما لو عربيتك إينجيكشن انت لازم تحط 90 او 92 و غير كده هتحصللك مشاكل كبيرة فالإينجيكشن و هتفضل رايح جاي على التوكيل لإنهم هم الي هيصلحو الاينجيكشن ... و الي بيستلم عربيته روسي من التوكيل بينبهوه لازم يحط بنزين 90 و ممنوع يحط فيها 80 ..

والموضوع مالهوش دعوة بالشوائب الموضوع كله في معامل الأوكتان الي بيقابل نسبة انضغاط الموتور و الإينجيكشن مظوط اليكترونيا على نسبة انضغاط الــبنزين 91 تحديدا ... فانت يا هتحط 90 يا 92 و الفرق بينهم 10 قروش فالليتر 185قرش لــ 175 قرش

كل ما فالموضوه اعرف عربيتك كاربيراتير ولا انجيكشن و اختار البنزين المناسب لعربيتك والله الموفق

[mrastra]

يــــاريت يـــا جماعة الي عارف المعلومة بدقة يقولها ....


حضرتك لو عربيتك كاربيراتير تقدر تحط 80 عـــادي و الــ 90 او 92 هيبقى مجرد نظافة للعربية

أما لو عربيتك إينجيكشن انت لازم تحط 90 او 92 و غير كده هتحصللك مشاكل كبيرة فالإينجيكشن و هتفضل رايح جاي على التوكيل لإنهم هم الي هيصلحو الاينجيكشن ... و الي بيستلم عربيته روسي من التوكيل بينبهوه لازم يحط بنزين 90 و ممنوع يحط فيها 80 ..

والموضوع مالهوش دعوة بالشوائب الموضوع كله في معامل الأوكتان الي بيقابل نسبة انضغاط الموتور و الإينجيكشن مظوط اليكترونيا على نسبة انضغاط الــبنزين 91 تحديدا ... فانت يا هتحط 90 يا 92 و الفرق بينهم 10 قروش فالليتر 185قرش لــ 175 قرش

كل ما فالموضوه اعرف عربيتك كاربيراتير ولا انجيكشن و اختار البنزين المناسب لعربيتك والله الموفق

ما هو عشان انا عارف المعلومة بدقة قلتها ما جبتش حاجة جديدة من عندى
والموضوع باختصار هو متى يحدق الصفع ( الكركرة )
الاجابة يحدث الصفع عندما يكون المحرك مصمم على نسبة انضغاط 1:12 على سبيل المثال وبنزين ذو اوكتان 90 ونستبدلة ببنزين اوكتان 80
لكن فى حالتنا وتعالى نسرد الموضوع من الاول
المحركات دى من سنة اول موديل ليها نزلت بنسة انضغاط معين وليكن 1 : 8 وطبعا سنة صنع اول موديل للمواتير دى مكنش فى بنزين 90 او 92 ودة التصميم المثالى للمحرك
تقدر تقولى اية الجديد اللى طرا على تصميم المحرك اللى بنتكلم عنة موديل 2010 مثلا سوا منظومة تغذية الوقود
كل حاجة ثابتة ( قطر البستم - طول المشوار - غرفة الحريق ) كل الحاجات دى لم يحدث عليها اى تغيير
يبقى الحاجة اللى بتسبب الصفع غير واردة فى كلمنا وهى تغيير نسبة الانضغاط
كل اللى طرا على تصميم المحرك هو نظام التغذية بالوقود استبدلو نظام الكربراتير بنظام الحقن الالكترونى
انا اعرف ناس غيرت من كربراتير الى انجكشن واعرف ناس ( سواقين تاكسى ) غيرو من حقن الى كربراتير وفى الحالتين لم يحدث اى تلفيات
القصة كلها ان اداء الانجكشن افضل
توفير نسبى فى الوقود
سلاسة التشغيل
وعلى فكرة بنزين الـ 80 غير ضار نهائى نهائى بمجموعة الحقن واللى مش مصدق يفتكر المحركات الديزل اللى بتتغذى بالحقن وما ادراك ما الديزل فية كل حاجة ممكن تتوقعها حتى المية
تقبل تحياتى

[a7madramadan]

لأ يـــا أفندم في مشكلة حضرتك ممكن انت مش واخد بالك منها :

الإينجيكشن بيتحكم بنسبة ثابتة للرشاشات من البنزين و بيقيسها مع كمية الهواء الي داخلها و قوة الضغط على دواسة البنزين ومـــافيش وسيلة لتعديل الكميات دي لتتوافق مع بنزين 80 بزيادة كمية البنزين مقابلة مع الهواء للوصول لنفس نسة الإنضغاط وده الي بيسبب تصفيق الموتور وهو عبارة عن عدم اتزان دورة حرق البنزين

أما الكاربيراتير التحكم يه بيبقى مانيوال خـــالص تتح البكات سنة صغيرة و تتعدل النسبة شوية وعلى كده برضه مع بنزين 80 مازال بيعاني من تصفيق خفيف لإن زي ما حضرتك ذكرت ان موتور الــلادا ما تمش عليه اي تعديلات نهائيا من الثمانينات .. وتم تطوير نظام حقن البنزين من الكاربيراتير الى اينجيكشن ....

الكلام ده من كبير المهندسين في مركز صيانة توكيل الإسكندرية يجوز أكون أخطأت في مصطلح وانا مش واخد بالي بس هوه ده الموضوع ببساطة و لو عند حضرتك معلومات أخرى او تصحيح لما قلت اتفضل و لك جزيل الشكر

[fineart607]

ياعم ده انا بشوف اوبتر وفيرنا ولانوس وكمان والله كروز وميجان وكرولا واسكودا كومبى وفليشيا وهوندا موديلات قديمة ب 80

حط 80 ووفر وريح دماغك بلا تفوق بلا وجع دماغ