مؤشر البطاريه

[midonbtc]

افيدونى بالله عليكم لان عندى مشكله مجننانى...مبدئيا انا عربيتى 2107 موديل 2008 عامله 30 الف كيلو اول ما بشغل العربيه وامشى بيها كدا حوالى ربع ساعه بتبقى زى الفل ومفيش اى مشاكل لكن بعد تقريبا الربع ساعه بلاقى العربيه تبدأ تبرجل لحد ما تكاد تكون هتطفى (والار بى ام بينزل على زيرو ) انا اعتقدت فى الاول انها مشكله كهرباء وجبت اسبراتير الكترونى وظبط الكربراتير ومفيش فايده المهم لاحظت ملاحظه من يومين انا ف اول ماشغل العربيه مؤشر البطاريه بيبقى على اول الاخضر ( بعيد عن الابيض ) لكن لما بمشى مده (حوالى ربع ساعه ) بلاقى مؤشر البطاريه فى النص (تقريبا على اول الابيض ) وعند النقطه دى تحديدا العربيه بتبرجل وتكاد تكون هتبطل لولا انى بلحقها...المهم انا قلت الدينامو يمكن يكون فيه مشكله قست شحن الدينامو لاقيته تقريبا 13 وداخل على 13 ونص ...عندى كمان لاحظت انى لما بدوس بنزين مؤشر البطارييه مش بيتحرك ( ناس قالولى المفروض لما تزود بنزين يتحرك لناحيه الامان )( مش عارف كل العربيات المفروض المؤشر يتحرك فيها ولا انا عندى مشكله فى عربيتى )ارجوكم افيدونى لانى هتجنن

[midonbtc]

ايه ياجماعه هوه الموضوع صعب اوى كدا

[a7madramadan]

انا هأقولك على مشكلة مشهورة ...... انت لو عربيتك بتعمل كده وانت مشغل التكييف فأنا مش هاقدر افيدك

أما لو بتعمل كده بدونه ... والله أعلم الموضوع متعلق بالدينامو لإن العربية من بعد ما بتشتغل بتعتمد على الدينامو للكهراء ...

أنا الصراحة مش عارف اييه رقم 13 ده ويدل على ايه تحديدا و الرقم السليم كام ...... بس أعتقد محتاج تقيسه عن حد مختص و اتأكد انه بيقيسه والبطارية مفصولة والله الموفق

[midonbtc]

انا كنت متاكد انك انت اللى هترد عليا يا ديزل ...لانك ما شاء الله عليك مبتبخلش علىنا باى معلومه تعرفها ....مليون شكر ليك

[mrastra]

السلام عليكم
شحن الدينامو فى جميع ظروف التشغيل وعلى اى ار بى ام يجب ان يكون حولين الـ 14 فولت
يعنى حضرتك الشحن بتاعك مظبوط جدا
لكن انا شاكك فى كتاوت الدينامو لانك بتقول بعد فترة بيلخبط العربية ومش بيتحول الى الامان لو هو كتاوت داخلى ( وانا متاكد من دة ) حاول تركب كتاوت خارجى بـ 18 جنية للتجربة مش اكتر وشوف الدنيا هاتعمل اية

[bassoma]

باذن الله المشكلة فى كتاوت الدينامو لان كده الكهرباء بتخش عالية على البطارية وبتشحن بسرعة لازم تظبط الكتاوت وباذن الله الموضوع سهل (((( لازم تحل الموضوع بسرعه ))))

[a7madramadan]

كلام الأستاذ mrastra منطقي جدا جدا و حاول تشوف الموضوع ده و يــارب تطلع مجرد كتاوت بس لإن تغييرها بسيط جدا ان شاء الله

[midonbtc]

المشكله عندى ان الكتاوت داخلى لانى مغير الدينامو ومركب دينامو 90 امبير ....طيب لو اضطريت اغير الدينامو بواحد تانى 90 امبير برضوا ...دينامو اى نوع عربيه ويكون 90 امبير برضوا اللى يركب على الادا

[wolf2]

يا سيدى ما تغيرش الدينامو ولا حاجه ده لو المشكله فى الكتاوت فعلا - بص اى كهربائى كويس يقدر يلغى الكتاوت الداخلى بتاعك و يحوله خارجى و ده حصل معايا شخصيا .

[SYD]

السلام عليكم
شحن الدينامو فى جميع ظروف التشغيل وعلى اى ار بى ام يجب ان يكون حولين الـ 14 فولت
يعنى حضرتك الشحن بتاعك مظبوط جدا
لكن انا شاكك فى كتاوت الدينامو لانك بتقول بعد فترة بيلخبط العربية ومش بيتحول الى الامان لو هو كتاوت داخلى ( وانا متاكد من دة ) حاول تركب كتاوت خارجى بـ 18 جنية للتجربة مش اكتر وشوف الدنيا هاتعمل اية

1111111+

المشكله عندى ان الكتاوت داخلى لانى مغير الدينامو ومركب دينامو 90 امبير ....طيب لو اضطريت اغير الدينامو بواحد تانى 90 امبير برضوا ...دينامو اى نوع عربيه ويكون 90 امبير برضوا اللى يركب على الادا

90 امبير كتيررررررررر اوي علي لادا
ال70 هيغرقها
دة المرسيدس يا راجل علي 70

يا سيدى ما تغيرش الدينامو ولا حاجه ده لو المشكله فى الكتاوت فعلا - بص اى كهربائى كويس يقدر يلغى الكتاوت الداخلى بتاعك و يحوله خارجى و ده حصل معايا شخصيا .

هات كتاوت خارجي وانشاء الله المشكلة هتتحل

والله المستعان
،
،

[midonbtc]

ياجماعه انا شاكر جدا لاهتمامكم ...بس فى سؤال واحد بس محدش جاوب عليه ...هل المفروض لما بزود بنزين مؤشر البطاريه بيتحرك ( بيزيد ناحيه اليمين يعنى ولا المفروض انه ميتحركش ارجوكم حد يجاوبنى )

[ahmed_gamal777]

السلام عليكم اخى الفاضل
بالنسبة لسواك عن الموشر بيجى ناحية اليمين فعلا عند تزويد البنزين
معايا لادا تاكس 2107موديل 2010وطلعت تيت امى
لو لاحظت موشر الدينمو فى ابيض يعنى الشاحنة حوالى 12.4واخضر من 12.4 الى 14 فولت وبعد كدة الموشر فى شرطة صغيرة قسماة وبعد كتر احمر واى احمر فى العدادت يعنى خطر
طيب ممكن يكون السير مرخى او الدينمو عشان مش بتعها بكون شحن مختلف
انا كنت حاطط دينمو بيجو 406 وكان برضة بيعمل مشكلة وهى انة فى الاول لازم يجمع يعنى اطلع بالعربية شوية وبعد كدة الشحن يظبط
طيب ممكن تبص على البطارية ممكن ايضا يكون فيها مشكلة
عشان انا قولت للك العربية طلعت تيت امى مع الموديل الرائع

ولكن اكن كل الاحترام لاخو الافاضل واختلف معهما فى موضوع الدينمو
انت بتقول انك بعد شوية من مشيك بيحصل المشكلة ممكن تكون كربرتير فى بك مسدود


الدينمو عند شحن 13.5 كويس جدا
طيب المشكلة دى مع تشغيل اضاءة وكهربة العربية والا اية
ممكن تبص تانى على الكربيرتير ومشكلة الادا فى ظبطها عن طريق كهربتها وكربرتيرها

وارجو المتابعة وبالتوفيق ان شاء الله

[SAMER_ENGINES]

ياجماعه انا شاكر جدا لاهتمامكم ...بس فى سؤال واحد بس محدش جاوب عليه ...هل المفروض لما بزود بنزين مؤشر البطاريه بيتحرك ( بيزيد ناحيه اليمين يعنى ولا المفروض انه ميتحركش ارجوكم حد يجاوبنى )

ايوة المفروض طبعا انه يتحرك شوية ناحية اليمين..
بمعنى انه:

* لو متحركش خالص يبقى الدينامو مش بيشحن البطارية.
* لو اتحرك و وصل لاخر العداد او قبل الاخر بحاجات بسيطة يعنى عند الاحمر يبقى فى مشكلة فى الكتاوت.

يعنى لازم المؤشر يتحرك شوية ناحية اليمين دليل على انى البطارية بتشحن الشحنة الطبيعبة المعتدلة بتاعتها و بإختصار تحرك المؤشر الشوية دول بيقول انى الكتاوت بتشتغل لانى المؤشر مش بيوصل للآخر و بيقول انى الدينامو بيشحن لانى المؤشر مش ثابت مع تزويد البنزين بل بيتحرك لليمين.

[midonbtc]

انا كارثتى بقى الاساسيه ان المحرك مش بيتحرك خالص

[zicooo2008]

السلام عليكم جميع الاعضاء و كل عام و انتم بخير بمناسبة الشهر الكريم بارك لنا جميعا فى رمضان و جعلنا من عتقائه من النار
اخى العزيز يمكن انا مرات بمعظم المشاكل الا سيتك اشرت ليها و هذا يعتبر ناتج خبرة شخصية :
1- اختيار الصنيعى المناسب من حيث الكهربائى او الميكانيكى و انا بعد لف طويل و جدت ورشة الحاج امام و هو معروم و عنوانه بعد بنزينة الغاز طريق عبود و انت داخل على السواح الميزة انه كان مدير الصيانة فى توكيل لاداز
2- الكشف على المروحة
3- الثرمستات بتاعت المروحة
4-عمل مفتاح داخلى للمروحة من خلال الكهربائى و ده مهم جدا بلاخص فى الحر
5- النظر على مستوى مياه الردياتير و هل الردياتير بيخور
6- طرمبة المياه