غسلت الموتور وعينك ماتشوف الا النور

[tifa55555]

السلام عليكم
انا غسلت الموتور وبعدين العربيه اتبرجلت خالص
اولا العربيه تفضل دايره ومش عايزة تبطل حتى بعد اما اشيل المفتاح منها خالص
واضطر اديها غيار وانتر رجلى من الدبرياج علشان تبطل
المهم فضلت يومين على الحال ده وبعدين ربنا كرمها
المشكله الاكبر فى ثانيا
ثانيا لما ابطل العربيه الاقى لمبة الزيت والدينامو تنور لوحدها بعد حوالى ساعه او اكتر من تبطيل العربيه (حاجه غريبه)
واخر مرة ركنت العربيع 3 ايام وطبعا اللمبتين دول نورو لوحدهم وانا مش حاسس لحد ما البطاريه بقت صفر وكأنى شايل البطاريه خالص
واضطريت اغير ماء البطاريه واشحنها على جهاز كده عند بتاع البيطاريات علشان اعرف ادور العربيه
المهم مش عايز اطول عليكم انا رحت بيها لكهربائى محترم بس اللمبتين ما ردوش ابدا ينورا ادامه وكأنها سليمه
وهو قالى لازم اشوفهم منورين علشان اعرف العطل فين ،والمشكله انهم نوروا لما روحت من عنده
المهم لما كلمته تانى قالى شكلها كده علبة الفيوزات فيها مايه
والمفروض انك تحط العربيه فى الشمس علشان العلبه تنشف (بقى ده كلام يا جدعان)
وكل يوم باليل افصل البطاريه علشان اللمبتين ما ينوروش باليل والبطاريه تشيع
ارجو المساعده وابداء الاراء يا خبراء اللادا

[AMOOOOOOOOOOR]

روح لواحد كهربائي بيفهم كويس واعتقد ان علبة الفيوزات عايزة تتنضف كويس وكمان شوف السيلكونات بتاعة الدينمو ولازم تشيك على كل كهربة العربية بالمرة لان اي غلط ممكن يكلفك كتير .. ربنا يوفقك ويسترها معانا ومعاك

[hugan]

سيب العربيه في الشمس لحد ماتتحمص وتنشف
اكيد اللي بيغسل ما غطاش الاسبراتير بكيس بلاستيك
والمياه وصلت لعلبه الفيوزات

[elmkaneeki]

علبه الفيوزات ملمسه شيل فيشه فيشه و اديها هوا الفيش دول ركبين من تحت علبه الفيوزات لو متظبتتش غير الكتاوت التانى من بره الى فى علبه الفيوزات خلى بالك الأبلتين ممكن يكون لدع

[mohamed2002]

حطها في الشمس وحبذا لو تسيب الكابوت مفتوح

[mesaharaty]

فعلا موضوع الشمس ده بينفع بالذات لو حاجة فيها بوردات أو فيوزات


ربنا معاك

[tifa55555]

جزاكم الله خيرا
انا فعلا حطيتها فى الشمس وبقت كويسه والحمد لله

[hugan]

جزاكم الله خيرا
انا فعلا حطيتها فى الشمس وبقت كويسه والحمد لله

تمام الحمد لله

[t_moosh]

بالنسبة للادا
انا والدى عندة لادة وهو خبير جدا
وكان دايما يقولى اوعى تغسل اللادا فى البنزينة او تغسل الموتور
ودة للاسباب اللى انت بتشتكى منها وفية كمان الاسوا
ان المية بتنزل على البلية بتاعت الدينامو وبتصدى وتبوظ
نصيحة اوعى تغسل اللادا فى البنزينة الا من الخارج فقط
ويفضل غسلها بدون مسدس المية لانة بيسيب بلاوى بعد غسيلة وبارومة
واللة الموفق

[SAMER_ENGINES]

أنا معايا لادا و بطلت أغسل الموتور فى البنزينة نهائياً بسبب برجلة العربية بعد الغسيل بشكل ملحوظ بس انا كنت فاكرها مشكلة فردية عندى..
بس الموضوع عندك أنت زاد أوى بس الحمد لله انها بقت كويسة.
ملحوظة هامة:
بمناسبة الغسيل اوعى حد يغسل رادياتير اللادا فى البنزينة على الجهاز بتاع غسيل الرادياتير أبداً لأنى عملت الموضوع ده مرتين او تلاتة و كل مرة العربية تتبهدل و تتبرجل برضه.

[a7madramadan]

نصيحة واحد عملها ..... هات heat gun و شيل الفيوزات و هوي عليهم بيه وعلى العلبه هتنشف خــالص ان شاء الله .. عموما دا بافتراض ان المشكلة ان في مية في الفيوزات والله أعلم ....

[ahmedaglan]

كلام مظبوط يارجالة وانا ياما شفت بس الحمد الله محدش بيتعلم ببلاش
وربنا يسترها معانا جميعا

[tifa55555]

شكرا يا رجاله

[محمد حسين]

نفس الكلام ده حصل معايا من اربع أو خمس سنين لما غسلت الموتور بميه في البنزينه كنت لما آجي ابطل العربيه أحس انها مش عاوزه تبطل وكانها بتشاور عقلها تفضل دايره ولا تبطل ولما كنت امشي بيها كانت علي السرعات 80 90 تنتش لغاية ما الموبينه راحت شهيدة الموضوع ده فغيرتها وغيرت الابلتين والكوندنسر والفيوزات والكتاوت وكله بقا تمام ... وحرمت اغسلها في البنزينه اصلا من بعد الفيلم ده لان 10 جنيه غسيل ممكن تكلفك 100 جنيه تصليح