الاكصدامات شكلها مش حلو

[alaa_21eg]

السلام عليكم

هذه أول مشاركة لى ، أتمنى أن أكون عضوا فعالا فى هذا المنتدى الموسوعة .

معايا لادا 2105 من 3 سنين ومحتاج أظبط شوية حاجات كده

الاكصدامات شكلها بقى قديم ومصدى وبصراحة مش عاوز أصرف كتير وأجيب اكصدامات جديدة

يا ترى ايه الحل المناسب ؟

هل الاكصدامات ممكن تترش عند البوهيجى لون أسود ؟ وشكلها هايبقى حلو بعد الرش ولا لأ ؟

شكرا

[ahsara]

لو هيا إكصادمات المونيوم ممكن تنيكلها هترجع تلمع تانى

[mohamed2002]

هية ال 2105 مش بتنزل غير باكصدام المونيوم

[فتح الباب]

لو لم يكون بها تعرجات اذ تنكل وتبقى افضل غير ذلك تتغير

[alaa_21eg]

شكرا لتعاونكم

بالنسبة للاكصدامات هى سليمة ولا يوجد بها أى تعرجات و مصنوعة من الألومنيوم ، إذن فلنقم بتنكيلها !!

بس منين وبكام

أروح لسمكرى ولا بوهيجى ولا النيكل ده بيتشرى من عند بتوع الاكسسوارات ؟؟؟؟؟؟؟

آسف هاتعبكم معايا

[ahsara]

فى ناس مخصوصه يالتنكيل مش البوهيجى . انا مش عارف انت ساكن فين علشان اقولك لو انت من سكان القاهره قولى و اوصفلك واحد فى أحمد سعيد بالعباسيه و ممكن أروح معاك لو تحب

[mohamed2002]

اعتقد ان الالمونيوم لا تنكل

[alaa_21eg]

للأسف انا من الاسكندرية

ثانيا الاكصدامات عبارة عن جزء بلاستك و جزء معدن أعتقد أنه ألومنيوم
فهل تكيلها ممكن فى هذه الحالة ؟

[hko]

شد عليها جلد اسود هتبقي حلوة

[a7madramadan]

أنصحك تنظهم مش أكتر ... يعني صنرة خشن ووراها صنفرة ناعمة و وراها صنفرة بميه ناعمة خالص هترجع فابريكة بشرط ماتكونش متخدشة خدوش عميقة قوي .... و ما اعرفش ايه الحل في الكاوتش الإسود الي فيها اذا كان فيه شيء يعيبه و الله الموفق

[gameeelkamal]

اخى العزيز جرب سلك المونيوم ومسحوق غسيل معى المياه هوا هيتعبك شويه بس هيلمعه زى الجداد ومش هيخربشهم انا جربت الموضوع ده فعربيتى بس مكنش فى صدأ

[MEKAWY2000]

السلام عليكم

هذه أول مشاركة لى ، أتمنى أن أكون عضوا فعالا فى هذا المنتدى الموسوعة .

معايا لادا 2105 من 3 سنين ومحتاج أظبط شوية حاجات كده

الاكصدامات شكلها بقى قديم ومصدى وبصراحة مش عاوز أصرف كتير وأجيب اكصدامات جديدة

يا ترى ايه الحل المناسب ؟

هل الاكصدامات ممكن تترش عند البوهيجى لون أسود ؟ وشكلها هايبقى حلو بعد الرش ولا لأ ؟

شكرا

سعر الكصدام بيساوى سعر التنكيل مش فرقه كتير وفى استيراد وحالته كويسه وشكله جيد

[ahmed_gamal777]

شد عليها جلد اسود هتبقي حلوة

راى 10/10 انا معجنتها ورشيتها ابيض كالادا الجديد بيبقى على الاكصدام لزق ابيض
ولكن بعد فترة قشر
وجربت الاستيكر الاسود (كاربون ) وكان 10/10
بس سعر المتر مش هيزيد عن 35 جنية عشان محدش يشتغلك
وممكن تعملها بنفسك
وربنا يوفقك

[hamid20]

عندى 2107 بس للاسف راكب عليها اكصدامات 2105
وعايز اعمل نيكل عليهم يا ترى تكلفتهم هتكون كام ؟؟