ريجاتا ولا لادا ؟؟؟؟

[tifa55555]

السلام عليكم
والله واحد صاحبى عايز يشترى عربيه لاتزيد عن 20000
وسألنى يجيب لادا ولا ريجاتا لانه لاتنين معروضين امامه
هو عايزها عربيه قويه وتستحمل اسرته وتكون قطع غيارها متوفرة ورخيصه
انا قولته ظروف الادا المزايا والعيوب
بس مااعرفش حاجه عن الريجاتا
ويا ريت الاخوه الافاضل يذكرولنا مزايا وعيوب الريجاتا وايهما افضل؟؟؟

[mohamed2002]

اتوقع الادا افضل

[aymansaad]

انا شايف اللادا لو موديل عالى

[firas1]

لادددددددددددددددددددددددددددددددددددددددددددددددد دا

[M.Alaa92]

معلش اختلف معاكو
تلادا تتفوق ف الموديل اه لكن الريجاتا تتفوق ف
1- شكل حديث زى العربيات الجديدة مش زى الادا
2- فى منها بتكيف
3- مريحة عن الادا بشكل فظيع
4- قطع الغيار متوفرة و رخيصة زى الادا
عيوب العربية
مش حتلاقى حالة نضيفة اوى بسهولة
و اى استفسار انا تحت امرك (انا كان معايا ريجاتا 90)

[mrastra]

[QUOTE=M.Alaa92;3873740500]
4- قطع الغيار متوفرة و رخيصة زى الادا


/QUOTE]

الكلام دة مش مظبوط

[M.Alaa92]

قطع الغيار الميكانيكية رخيصة جداااااااااااا و اعلى من 128 بقليل
ثانيا بالتجربة
وش فانوس امامى ريجاتا جبتو ب 12 ج
وش فانوس خلفى ب 14
انا معاك ان الفوانيس كاملة غالية مش رخيصة
و ياريت حضرتك توضح الفروق عشان الاعضاء تستفيد

[مواطن مصرى]

اول حاجه الريجاتا احسن بمراحل من اللادا (و دى شهاده حق مش علشان ان عندى ريجاتا) و يكفيك لو جلست فى صالون الريجاتا و شفت العدادات و الكمبيوتر و شغلت التكييف و شفت مدى سهوله القياده و قوه الموتور كسحب انت لوحدك هتقتنع من غير ما حد ما يساعدك بس خد بالك من نقطة مهمة جدا جدا جدا :

ريجاتا بعشرين الف هتكون موديل ثمانينات و حالتها 50%

لادا 2105 بالعشرين الف هتكون موديل تسعينات و حالتها 80% على الاقل

الفارق بين السيارتين لو اشتريتهم بنفس المبلغ هو 10 سنين فى الموديل و 30% على الاقل فى الحاله العامة للسيارة

الريجاتا متعبه فى قطع الغيار و التظبيط الميكانيكى و الشكلى عن اللادا و لو فتحت بقها زى ما بيقولوا مش هتخلص معاها لو انت مش فاهم كويس فى العربيات او معندكش خبره (قطع الغيار مش متوفره بنسبه كبيره زى اللادا + سعرها فى الاستيراد عالى + الصاج ضعيف نوعا ما و لو وصلته البارومه يبقى هتتعب فى علاجه + نظام الريجاتا ككهرباء و ميكانيكا محتاج صنايعى فاهم مش اى كهربائى و خلاص)

لكن لو لقيت ريجاتا كويسه بالمبلغ اللى معاك و قرصت على نفسك شويه و ظبطها ميكانيكا و كهرباء و عفشة و تكييف هتبقى احسن من اللادا الزيرو موديل 2011

اللادا متعبه فى مشكلتين اساسيتين : الدركسيون ثقيل جدا جدا عند الركن او الدوران + مشكله السخونه الازليه فى الصيف ....
مشكله السخونه يمكن التحايل عليها بأكثر من حل (كلهم موجودين فى المنتدى) اما مشكله الدركسيون فاحتمال تتعود عليه و احتمال تكره نفسك بسببه

انا قلت رأييى و كل سنه و حضراتكم طيبين

[tifa55555]

شكرا لكل من ساهم بأبداء رايه
وفى انتظار المزيد من الاراء