شراء لادا مستعملة

[MGB]

السلام عليكم
انا جديد تماما فى موضوع السيارات و معلوماتى عنها قراءة من المنتدى فقط:
فكان عندى سؤال بسيط بالنسبة للادا الروسى (لانى ناوى اشترى واحدة مستعملة ان شاء الله)
فى واحد معرفتنا قالى فى لادا روسى 2009 كويسة و لونها فضى , و لسة حشوفها بعد يومين ان شاء الله , فكان سؤالى هل فى لون فضى فى اللادا الروسى , معظم الالوان اللى شفتها يا ابيض يا نبيتى , فانا خايف تكون مرشوشة او حاجة
ثانيا لو حد عنده نصيحة اما افحص العربية , بمعلومات مبسطة كده يبقى تمام , لان كل خبرتى فى السواقة 4 مرات على تاكسى و فى الميكنايكا معلوماتى عنها زى معلوماتى عن اللغة الصينى بالزبط
و الف شكر مقدما

[a7madramadan]

مافيش لادا 2009 روسي فضي .... 2009 روسي بتكون بيضاء و زيتي غامق و نبيتي غامق و ازرق غامق جدا مش عارف اوصف درجة اللون بالظبط ... و كلها ألوان عادية مش ميتاليك ..... العربية المعروضه عليك والله أعلم تقفيل مصري .... هتلاقي الإكصدام الروسي بلاستيك اسود و فيه شريط كروم في حين المصري بيكون ألومنيوم وفيه شريط كاوتش فالمنتصف .... المصري كراسيها الأمامية متدورة يعني من منطقة الرأس بتكون على شكل نصف دائرة في حين الروسي بتكون مستطيلة ... المصري بتيجي بكاسيت راديو والسماعات الخلفية محطوطة في بوكسات سوداء... الروسي هتلاقيه يا إما مافيهاش كاسيت خالص يا اما متركبلها كاسيت من السوق أيا كانت ماركته نظيف او رخيص ... الروسي بتنزل انجيكشن فقط .. المصري بتنزل كاربيراتير فقط ... اسأل فيها ميكانيكي خليه ياخدله بصه عالسريع عالعربية هيقولك كاربيراتير ولا اينجيكشن .... ربنا يوفقك في شراء العربية الي تريحك ...

[a7madramadan]

بالنسبة لفحص العربية ... شغل العربية بص على عداد الــ rpm لازم يكون 7600-8000 لفة ... و مايكونش بيتهز .... العربية تكون ثابته تماما ... الموتور يكون دورته ثابته مافيش رجرجات مفاجئة تدوس على البنزين العربية ما تتهزش جامد و الصوت مايكونش فيه خرفشات حديدية او بالعربي كده أصوات مرعبة من الموتور ....

و تشوف بعينيك العربية في كل الأماكن الي متدارية الى حد ما مايكونش فيها اي آثار للصدأ أبدا ... و يـــــــــاريت يكون معاك سمكري محترم يقولك لو العربية سبق وعملت حادثة ولا لأ .... و حبذا لو معاك ميكانيكي يديلك رأي محايد في حالة العربية ...

ربنا يوفقك ان شاء الله

[engaass]

مفيس لادا روسى فضى

[mirra]

الالوان الميتاليك بما فيها الفضى نزلت فقط فى موديلات 2011 و قبل ذلك كانت الالوان عادة فقط.

[a7madramadan]

إلى الأخ العزيز mirra مافيش 2011 ولا 2012 حتى ألوان ميتاليك روسي .... الي انته شايفها دي مصري سيبك من الإكصدام .. انا متأكد من كلامي انا كنت باحسب كده زيك واكتشفت ان المصري حطولها نفس اكصدام الروسي . بس كاربيراتير و في اوبشن انهم يركبولك انجيكشن فالتوكيل .. و طبعا بكاسيت و سماعات خلفية و الكراسي الأمامية متدورة مش مستطيلة من فوق ... و ذراع تحريك ظهر الكرسي فالمصري على شمال الكرسي للسائق ... اما فالروسي تحت رجليك الاثنين المزلاج للكرسي و تحريك الظهر ...

[mirra]

إلى الأخ العزيز mirra مافيش 2011 ولا 2012 حتى ألوان ميتاليك روسي .... الي انته شايفها دي مصري سيبك من الإكصدام .. انا متأكد من كلامي انا كنت باحسب كده زيك واكتشفت ان المصري حطولها نفس اكصدام الروسي . بس كاربيراتير و في اوبشن انهم يركبولك انجيكشن فالتوكيل .. و طبعا بكاسيت و سماعات خلفية و الكراسي الأمامية متدورة مش مستطيلة من فوق ... و ذراع تحريك ظهر الكرسي فالمصري على شمال الكرسي للسائق ... اما فالروسي تحت رجليك الاثنين المزلاج للكرسي و تحريك الظهر ...

باشا... واللة العظيم الادا روسى 2011 كلها الوان ميتاليك وطبعا قصة المصرى اللى نازلة باكصدام روسى انا واخد بالى منها بس طبعا مش دة اللى انا اقصدة.انا عايز اقول ان الادا 2107 روسى انجكشن نزل منها الوان ميتاليك كتير عندنا فى طنطا و اتفرجت عليها بنفسى.

[MGB]

الف شكر يا عالردود ده , احسن ناس و الله
بالنسبة للاستاذ TheDiesel

" العربية المعروضه عليك والله أعلم تقفيل مصري"
انا لسه حشوفها بكرة ان شاء الله و اللى شايفهالى سواق صديق و بيقولى انها انجكشن , فهل ممكن تكون روسى انجكشن كموتور تقفيل مصرى و لا كله حته واحدة مصرى و لا روسى او ممكن يكون صاجبها راششها لعيب او حادثة
و بالنسبة لعداد الار بى ام , ده بيبقى فين و منين و ازاى , انا فاكر ان فى عداد عالشمال اعتقد ده الاربى ام (فى التاكسى اللى اتعلمت عليه) و كان تدريجه 10 20 30 مش بالالفات زى حضرتك مابتقول
معلش هى طبعا اكيد اسئلة بسيطة بس انت عارف المبتدئين
و الف شكر ليكم يا جماعة مرة تانية

[mrastra]

فعلا هو دة عداد ار بى ام اللى تدريجة 10 20 30 والقراءة اللى هانرمزلها بالرمز x تضرب فى 10 يعنى لو القراءة 2 يبقى عدد لفات الموتور فى الوقت دة 200×10=2000 لفة/دقيقة

[MGB]

الف شكر يا استاذ mrastra عالتوضيح , و منكم نستفيد
سؤال بقى , انا لسة شايف عربية لادا 2107 مصرى مو 2009 , هى حالتها كويسة مش راشة جوة و لا برة فى بس خدش فى البوية من عند جنب من الاجناب , و بطاريتها متغيرة , بدون باور و لا سنترلوك
الصراحة المنتدى هنا عقدنى من المصرى , انا شفتها فقط لاخد خبرة بس لما عرفت انها مصرى من الاول قلت فى لا
بس للمعرفة هو صاحبها كان طالب فيها 36000 و قالى ساعة لو فى نصيب حنتفاهم اكثر و واحد من اصدقائى قاللى بما انى لسة جديد فى السواقة فالمصرى كويسة , لان الروسى الكونتاكت بتاعها حساس و ممكن مش عارف يبوظ كارتة الكهربا و حاجات خزعبلية كده مش فاهمها
ف السؤال بقى
1-هل سعرها مناسب و لا غالى
2-هل كلام صحبى عن موضوع الروسى و المصرى و المستجدين فى السواقة ده حقيقى و لا فتى

3-انا من اسكندرية , و سمعت ان فى بنزينات بتاخد العربيى عشان ترفعها و تكشف عليها و تديك ريبورت بكفاءة الموتور و كده , هل ده صحيح , و هل تعرفوا بنزينات فى اسكندرية بنعمل كده , و يا حبذا لو قرب منطقة ميامى و سيدى بشر تبقى عظمة
معلش ياجماعة اسئلة كتير بس الواحد مبتدىء و خايف لا يتخدع و لاحاجة
و الف شكر مرة تانية

[a7madramadan]

mirra انا النهاردة الصبح كنت في التوكيل الأمل على الصحراوي اسكندرية ... قالولي الألوان الروسي نزلت باتش ميتاليك في 2011 و السنادي نزلوا 2 باتش ميتاليك بس مش عارف باتش الاستيراد كام عربية تحديدا .بس يظهر ان الموضوع نادر قوي قوي .... و أنا الي غلطان طبعا :) ويجوز تلاقوا من 2011 روسي ميتاليك :D
أستاذ MGB
بالنسبة للسعر .. فاسألوا أهل الذكر ان كنتم لا تعلمون :D ما اقدرش أفيدك الصراحة

وبالنسبة للبطارية فعمرها الطبيعي بين السنة و السنتين فمن 2009 طبيعي يكون غير بطارية أنا عربيتي من 2009 و طبعا غيرت بطارية بعد سنه و شهرين بالتمام ...

اما بقى كونتاكت و حساس عشان روسي فدة كلام فاضي و افتكاسات والله أعلم

وبالنسبة للبنزينة إستنى برضه الناس الي عارفة أماكن بنزينات لإن انا تعاملاتي فالبنزينة لا تتعدى تفويل بنزين و غسيل ...

عموما في نصيحة خفيفة كده لما تشغل العربية تفتح كونتاكت هتلاقي في صوت شيء كهربائي مش متأكد من اسمه اشتغل 7-8 ثواني و بيوقف بعده ابدأ شغل الموتور .... دي الطريقة السليمة ... بس ما تحطش المفتاح وتدور المارش علطول ده بيبقى غلط وده الي بيبوظ الكهرباء فالعربية .. دي نصيحة من التوكيل من اول ما استلمت العربية ..

أتمنى أكون أفدتك و تقبل تحياتي :)

[IbrahimMostafa]

الف شكر يا استاذ mrastra عالتوضيح , و منكم نستفيد :b4_388:
سؤال بقى , انا لسة شايف عربية لادا 2107 مصرى مو 2009 , هى حالتها كويسة مش راشة جوة و لا برة فى بس خدش فى البوية من عند جنب من الاجناب , و بطاريتها متغيرة , بدون باور و لا سنترلوك
الصراحة المنتدى هنا عقدنى من المصرى , انا شفتها فقط لاخد خبرة بس لما عرفت انها مصرى من الاول قلت فى لا
بس للمعرفة هو صاحبها كان طالب فيها 36000 و قالى ساعة لو فى نصيب حنتفاهم اكثر و واحد من اصدقائى قاللى بما انى لسة جديد فى السواقة فالمصرى كويسة , لان الروسى الكونتاكت بتاعها حساس و ممكن مش عارف يبوظ كارتة الكهربا و حاجات خزعبلية كده مش فاهمها :copy of majd(4):
ف السؤال بقى
1-هل سعرها مناسب و لا غالى
2-هل كلام صحبى عن موضوع الروسى و المصرى و المستجدين فى السواقة ده حقيقى و لا فتى

3-انا من اسكندرية , و سمعت ان فى بنزينات بتاخد العربيى عشان ترفعها و تكشف عليها و تديك ريبورت بكفاءة الموتور و كده , هل ده صحيح , و هل تعرفوا بنزينات فى اسكندرية بنعمل كده , و يا حبذا لو قرب منطقة ميامى و سيدى بشر تبقى عظمة
معلش ياجماعة اسئلة كتير بس الواحد مبتدىء و خايف لا يتخدع و لاحاجة
و الف شكر مرة تانية

انا مش هقدر افيدك في اسئلتك ....بس كان عندي ملحوظة
الباور بيفرق جدا في اللادا ...الباور اللي بييجي مع العربية كويس اللي حد كبير و هيريحك جدا ...معايا لادا و الحمد لله بسوقها علطول بأيد واحدة.. حتي في الركن............مش مهم المكيف بس اياك تفرط في الباور

[MGB]

TheDiesel@
-اه هو كلامك هو اللى صحيح فى موضوع الكونتكات , هو زميلى قاللى اللى حضرتك بتقولة التكة و تستنى و كده قاللى ان ده فى الروسى لازم انما المصرى دور و توكل على الله و الله اعلم حسب كلامه
@IbrahimMostafa
-هو انا حسيت فعلا بالتقل و هى واقفة , كانت عايزة ايدين و رجلين عشان الفها
و الف شكر مرة تانية عالردود
و حسال سؤال عارف انه اتهرى مية مرة قبل كده , بس يمكن المرة نطلع من الخبرا معلومات جديدة
كل الناس تقول الروسى احسن من المصرى بمراحل الاسباب اللى لاقيتها
-صاج الروسى قوى بتاع بلده انما المصرى خامات محلية و بيسترخصوا فيها و الله اعلم
-السبب التانى و اللى هو عام شوية و مش فاهمه لانى ماكانش عندى عربية قبل كده , اللى هو "تقفيلها احسن بمراحل" - ممكن حد يقوللى بس بالتفصيل معناها ايه , هل ده فرق ماتور و لا شاسية بس , هل ده فرق دهان و لامثلا نظام تعليق العربية و لا تقفيل الصاج مع بعضه
اصل ماوجدته حاليا فى فرق المستعمل مصرى عن روسى - من الاعلانات - لو الحالة متقاربة الفرق من 2000-5000 جنيه , و اللى عنده لادا مصرى مابيكتبش في الاعلان انها مصرى - كانها حاجة حرام - ياريت الناس اللى عندهم لادا مصرى مايزعلوش بس ده اللى لقيته فى السوق
فكنت عايز اعرف من حضراتكم ايه الفروق بينهم بالضبط اللى بتاثر على اداء العربية مش الالوان و كده , و هل ده بتناسب مع فرق السعر فى الجديد و المستعمل , لانى مش عايز اوفر و اصرف اللى وفرته فلوس و حرقة دم
و ياريت لو حد يعرف طريقة الواحد بيها يجيب عربية مستعملة كويسة (غير المعارف و الاعلانات) امون شاكر جدا و اسف عالاطالة
و الف شكر مرة رابعة

[a7madramadan]

الإختلاف مش فالصاج أبدا .. الاختلاف في التقفيل ... المصري بتبقى متقفلة حلواني :d و فيها حاجات خفيفة مختلفة عندك مثلا الدريكسيون مختلف .. نفس الشكل من بعيد بس لما تشوف الاثنين هتعرف الفرق .. الكراسي الأمامية في الجديد مختلفة ... الاكصدامات مختلفة بس ده لحد 2010..

التقفيل بيفرق كتير قوي قوي قوي ..... العماله المصرية في التقفيل مش شغالة بضمير قوي و الشركة بتسترخص في المواد المستخدمة ... و بتظهر العيوب احيانا اول ماتطلع من التوكيل ... أوكرة تتخلع ... خطأ في الدهان ... حاجات كتير مش متربطة صح ... و العوازل مش كلها متركب ... عوازل الكابوت مش موجودة .. تبطين الصاج طبقة خفيفة قوي ... تبطين الصالون من مواد تعبانة مقارنة بالروسي الي أساسا مش حاجة عظيمة يعني ...

و في فروق تانية بس مش على بالي .....

[MGB]

الف شكر يا استاذ TheDiesel مظبطنى اجابات فورية و الله :)
كل ده و فى حاجات مش على بالك , امال لو فاكر كله كنت حتقول ايه
و الف شكر مرة تانية