عايز أشتري كوريك لسارتي لادا 2107

[makkawy]

إشتريت سيارة لادا 2107 مستعملة بحالة جيدة جداً وعايز أشتري لها كوريك الكل نصحني بكوريك التمساح وقالولي اللون الأزرق أفضل من الأحمر في الجودة كل ده كويس بس أشتري واحد طن ولا إثنين طن؟
وجزاكم الله خيراً

[ahmdmagdy]

مبروك علي العربيه و ربنا يكفيك شرها بس ممكن اعرف تفاصيل الشراء موديل كام و حالتها ايه و جبتها بكام

[makkawy]

أخي الكريم العربية موديل 1990 روسي بس حالتها ممتازة كل من عاينها كان متخيل أنها 2000 وما فوق وإشتريتها بـ 23500 جنية وجميع عدداتها شغالة والتابلوة ممتاز والفرش رائع والسيارة كانت إستخدام شخصي من صاحبها مباشرة وفيها سنتر بس الرموت ضائع ومش عارف هل ممكن شراء رموت لها ( شاكر لك أهتمامك)

[a7madramadan]

انا جيبت طن ... و غيرت بيه مرة واحدة بس الكوريك ممتاز مش متعب و شايل العربية تمام ... وانا باشتري كان قدامي طن و طنين البائع قالي ممكن أستنفع واقولك خد الــ 2 طن . بس هاغشك ... اللادا يشيلها الطن مرتاح قوي ..... هات الطن و ان شاء الله ما تحتاجه خالص :)

[ahmdmagdy]

ممكن اعرف الكوريك اشتريته بكام

[SAMER_ENGINES]

اللى عندى طن تقريباً و مش وحش كنت جايبه بس من فترة طويلة بحوالى 75 جنيه تقريباً بس أعتقد دلوقتى بـ 80 - 90 جنيه بس اهم شئ تتأكد أنى الكوريك عالى لأنى اللادا عربية عالية فأنا حالياً بواجه مشكلة أنى لما بجى أغير الكاوتش بخلع العجلة اللى نايمة بسهولة لأنها فاضية لكن لما باجى اركب الاستبن ببقى محتاج احط حاجة ترفع اكتر لأنى العجلة مليانة و أضطريت أشيل قطعة خشب معايا فى العربية عشان أحطها بين الكوريك و العربية لما أجى أرفع.

[makkawy]

شاكر لك جداً علي أن أفدتني بخصوص شراء كوريك واحد طن أنا أشتريتة بس مش من 80- 90 جنية أنا أشتريتة بـ 110 جنيه
بس عايز اعرف ريموت السنتر ضاع هل من الممكن عمل بديل له أم لازم تغيير الماكينة بالكامل

[mohamed2002]

انا عن نفسي بحب الكوريك اللي بيركب ورا الاستبن مش بياخد مساحة

[a7madramadan]

انا كنت جيبته بــ 75 من شهر 1 / 2010 و على فكرة الكوريك الأصلي بيبقى شغال مش وحش بيشيل العربية عادي بس مشكلته انه متعب شوية في اللف .....

[a7madramadan]

انا عندي سنتر و وحدة رفع زجاج كهرباء و وحدة سنتر لفتح الشنطه و انذار سيمفوني ...

الريموت بتاع العربية لقيته اتخربش خالص روحت لتوكيل سيمفوني (كلاريون سموحة) لقيت سعر الريموت 60 جنيه و الانذار اساسا معاه ريموتين و ثمنه 95 جنيه فكبرت دماغي و شغلت الريموت الثاني ولو اتبهدل قوي قوي يعني هاجيب انذار جديد وخلاص عشان سعر الريموت مبالغ فيه قوي