ساعدوني يا اهل الخبره لو سمحتوا بخصوص لادا سماره

[mody4990]

شباب الموضوع باختصار شديد انا عندي لادا سماره موديل 1989 جايبينها زيرو من الخارج وبصراحه من كتر ما العربيه غاليه علينا مش قادر افرط فيها علشان كده أنا محتاج أعمل الاتي بس محتاج مساعده :

أنا محتاج أعلي البيرفورمانس بتاع المحرك لزوم الجري وكده فسألت واحد روسي في منتدى روسي قالي انك ممكن تصقطلها محرك جولف لحد 1800 سي سي هوه عامل تعديل على عربيته ومركبلها ماكينة بي ام دابليو وده اقل حاجه في روسيا علشان كده عايز اعرف هل فعلا ممكن يتم الموضوع ده في مصر ؟؟؟؟؟؟؟؟؟؟؟
عايز اخلي عربيتي بمحرك جبار وفي نفس الوقت مبهدلش العربيه هتسالوني ليه بعمل كده هقولكوا علشان العربيه دي فيها ثبات في السرعات العاليه غير عادي ماشاء الله
انا جبت بيها 170 كيلو وكنت ممكن اجيب تاني بس خفت على المحرك

أرجوكم ساعدوني

[mohamed2002]

صعب انك تسقط فيها ماتور غير الادا لكن في ظل الوضع الحالي معظم الملفات اللي في المرور اتحرقت في الثورة فدلوقت متاح انك ممكن تعمل ما تريد وربنا معاك

[i_Am_Legend]

شباب الموضوع باختصار شديد انا عندي لادا سماره موديل 1989 جايبينها زيرو من الخارج وبصراحه من كتر ما العربيه غاليه علينا مش قادر افرط فيها علشان كده أنا محتاج أعمل الاتي بس محتاج مساعده :

أنا محتاج أعلي البيرفورمانس بتاع المحرك لزوم الجري وكده فسألت واحد روسي في منتدى روسي قالي انك ممكن تصقطلها محرك جولف لحد 1800 سي سي هوه عامل تعديل على عربيته ومركبلها ماكينة بي ام دابليو وده اقل حاجه في روسيا علشان كده عايز اعرف هل فعلا ممكن يتم الموضوع ده في مصر ؟؟؟؟؟؟؟؟؟؟؟
عايز اخلي عربيتي بمحرك جبار وفي نفس الوقت مبهدلش العربيه هتسالوني ليه بعمل كده هقولكوا علشان العربيه دي فيها ثبات في السرعات العاليه غير عادي ماشاء الله
انا جبت بيها 170 كيلو وكنت ممكن اجيب تاني بس خفت على المحرك

أرجوكم ساعدوني

باشا....انا لسة مشتري سمارا....وفعلا عربية جمييييييييلة جدا...وياريت تقولي مين احسن ميكانيكي بيفهملها...عشان لو احتجت اعمل حاجة فيها....

[mody4990]

انا بصينها بايدي مفيش حد مد ايده على العربيه غير السمكري وبتاع الدوكو بس من ساعة ما جات زيرو من 1989 لو جيبت الكاتلوج بتاعها من على النت هتلاقي مشروح فيها كل حاجه وطريقة صيانتها عربيه سهله جدا وبسيطه جدا ولو حطتلها زيت ريسورس كل سنه مره هتلاقي العربيه اسد لو اهتميت بالعربيه دي صح ميكانيكيا هتلاقيها بمستوى الجولف بالظبط علشان هيا اصلا اتحاد بين شركه لادا وبورش ومجموعة فولكس فاجن
وشكرا

[i_Am_Legend]

انا بصينها بايدي مفيش حد مد ايده على العربيه غير السمكري وبتاع الدوكو بس من ساعة ما جات زيرو من 1989 لو جيبت الكاتلوج بتاعها من على النت هتلاقي مشروح فيها كل حاجه وطريقة صيانتها عربيه سهله جدا وبسيطه جدا ولو حطتلها زيت ريسورس كل سنه مره هتلاقي العربيه اسد لو اهتميت بالعربيه دي صح ميكانيكيا هتلاقيها بمستوى الجولف بالظبط علشان هيا اصلا اتحاد بين شركه لادا وبورش ومجموعة فولكس فاجن
وشكرا

هي فعلا سهلة جدااا....واللي يقول عليها قطع غيارها غالية...يبقي مش بيفهم...وخليه يركب 128 احسن....العربية دي رجالة عبارة عن جولف 2 بجد...واقوي كمان !! في الصاج والارتفاع.......انا جربت الجولف وتعتبر نفس الاداء....بس انا محتاج اعرف اسعار قطع غيارها...ومين ميكانيكي بيفهم في الادا في شبرا...واعرف عيوبها....وياتري سلك الدبرياج فيها بيتقطع فجاءة زى ال128 كدة!!

[a7madramadan]

لو ركبت موتور من شركة غير شركة عربيتك مش هتترخص يا أفندم .... قدامك مواتير لادا بس لحد 1700 cc وسمعت كلام عن ان ممكن نركبوا مواتير فيات و بالتبعية مواتير الفا روميو لان أصل اللادا فيات ..... محتاج تتأكد من المرور قبل ما تغير الموتور بس المتاح أكيد ليك هو مواتير لادا لحد 1700 بتاع النيفا وحجمه نفس حجم الــي في 2105-2107 وبنفس القواعد تقريبا بتاعة الموتور ...... اسأل برضه تاني وشوف الي يناسبك :)

[nouh444]

انت جبت بيها 170 كيلو عايز ايه تانى من العربيه غير السرعه المحترمه والاداء الجيد بلى انت بتفكر فيه ده اكيد انت عايز تطير خلى العربيه زي ما هى وربنا يكفيك شر السرعه

[i_Am_Legend]

مين يارجالة بيبيع قطع غيار اللادا سمارا ..استيرااااااااااااااد....علشان انا ناوي ارجع العربية فابرييييييييكة.....لانها بجد

تستاهل....واي قطعة غيار هاشتريها استيراد....مش هاشتري جديد علشان الحاجات المضروبة....وبفكر اجيبلها تابلوة استيراد...