اروح لمهندس الرش الاول ولا السمكرى الاول

[bassoma]

الاصوب اية فى رايكم؟؟
لانى مش عايز اروح للسمكرى الاول واثناء عملية الرش يقلى روح للسمكرى تانى وطبعا كل شوية فلوس فلوس فلوس هههههههههههه وعايز اعرف البوية الالمانى اسمها ايه وانواعها واسعارها ؟؟
معلش اصلى اول مره اقوم بعملية السمكرة والرش ويا ريت اللى عنده نصيحة لاخوكم يقولها
وجزاكم الله خيرا

[a7madramadan]

انت تسأل عن سمكري محترم جدا و بعد ما تخلص سمكرة تطلع على البوهيجي عادي و مش متأكد من اسم البوية الألماني دي ... استنى رأي خبراء البوية ... وحاول تحط الموضوع ده في قسم الورشة قسم الجسم الخارجي جسم السيارة داخليا وخارجيا - نايل موتورز - NileMotors.net و انشاء الله يفيدوك أحسن مني

[bassoma]

اشكرك على الرد والاهتمام

[a7madramadan]

العفو يا أفندم انت تأمر :)

[ahmed_gamal777]

يستحسن ذى ما الاخ الكريم قال
سمكرى يخلص السمكرة (انا روحت لواحد فى المنصورة عشان شطرين جدا بدون تسخين او تغير او قطع اللة يبركلة)
وبعد كدة ادهن يا برنس اى بوية تعجبك (المانى امركوى وافتكر ان دى لادا وممكن لاقدر اللة تتخربش تانى بعد يومين فعشان متزعلش على شوية البوية اوى )
المهم والاهم والاكثر اهمية الفنش الفنش الفنش
ودى يخص البوهيجى اكثر من اى حد(ممكن تدخلة عربية بعيد عنكك مقلبوة وبالمعجون والفنش ترجع عروسة عن تجربة )
والاحسن يكون السمكرى والبوهيجى جنب بعض عشان البوهيجى يستلم من السمكرى احسن (بص يا بية السمكرى بوظ سوكة العربية اشتغل انا ازاى بقى .... دى سمكرى حمار)
ما انت فاهم كل الصناعية بيشكر جدا فى بعض
عشان كدة خليهم يستلموا من بعض

[A.Saad]

السمكرى لو عاد شغله او صلحه
يبقى من حسابه

ما تروحش لسمكرى وبوهيجى اصحاب الا لو عندهم امانة
غلطة السمكرة البوهيجى
يكشفها او يدريها بمعجون زيادة
اتفق مع البوهيجى على البوية كماركة
ولو تقدر تجيبها لوحدها كويس

[engaass]

بلاش تتعامل مع سمكرى وبوهيجى يعرفوا بعض لان البوهيجى فى الحالة دى بيدارى على عيوب السمكرى بزيادة المعجون ودة بيتسبب ان البوية بتطقطق بعد فترة

[a7madramadan]

كلام الأستاذ engaass سليم

و مع كل الإخوة الي قالوا تروح لاثنين كويسين مايعرفوش بعض أو اثنين مشهود ليهم بالأمانه وحسن الصنعة عارفين بعض .. والله الموفق

وفي حاجة كمان الموضوع ده من اكتوبر ماتقوليش لسه ما ظبطتهاش :D احنا داخلين على ديسمبر بكرة

[bassoma]

والله لسه ما عملتها ... مش عارف فى اية كل ما عايز اروح تحصلى ظروف واصرف الفلوس كلها وسبحان الله كلها فعلا ....

[a7madramadan]

لعله خير ان شاء الله ...... وبإذن الله تخلص منها قريب :)