الارجح ايه

[abokoko]

العربيه النهارده مش مظبطة
1-- العادى انها بتدور مع تانى تكة مارش وسنة تحميل بنزين
الصبحية عاكستنى جامد على بال ما دارت وكانت كانها شرقت علشان كده كنت بدور من غير ما المس البنزين وبعد محاولات كتير دارت وباقى اليوم كملت ولا حاجة و كانت عملت حاجه زى كده من كام يوم لكن بدرجة اقل
فهل ده ممكن يكون عيب ابلاتين ولا ايه ؟
2-- العربيه بتنتش على التانى لما اهدى واجى اطلع وهى بقالها فترة مظبوطة لكن ده اللى حاصل النهارده
3-- العربية بتسحب اقل من الاول وعلشان اجيب سرعه بانزل بدواسة البنزين للرضية
وبرضه مش زى الاول وكانها متكتفه فى السرعه

طقم الكهرباء عامل من 8- الى -- 10 الاف كيلو بالتقريب
بس لم اغير الابلاتين معهاهم فقط غيرت الكوندنسر والبوجيهات
وفلتر البنزين متغير قريب

؟؟

[SAMEH_FOUAD]

كدة انت عايز طقم سيرفيس كامل وياريت تنظف البيجات بتاعة الكربراتير او تغيرهم احسن وخصوصا بيج السلانسية

[abokoko]

كدة انت عايز طقم سيرفيس كامل وياريت تنظف البيجات بتاعة الكربراتير او تغيرهم احسن وخصوصا بيج السلانسية

حضرتك تقصد \بوجيهات\كوندنسر\ابلاتين
وحاجة تانية تانيه

[SAMEH_FOUAD]

تمام كدة بالظبط طقم السيرفيس بيتقال على ( بوجيهات + ابلاتين + كوندينسر ) ونصيحة طالما غيرت ابلاتين يبقى لازم تغير الكوندينسر

[abokoko]

الحمد لله غيرت بلاتين وكوندنسر فقط والعربيه اتظبطتت

بس كانت حكاية
اتصلت بالميكانيكى اللى بتعامل معاه - زميل فى العمل وله ورشة خاصة به - وقال انه هيروح الورشة بعد الظهر
وقلت اعمل فيه ميكانيكى لانى شفتهم بغيروا اكتر من مرة
وعليه
فكيت الاسبرتير وفكيت الكوندنسر والبلاتين
وجيت اركبهم - لقيت لما بلف العمود البلاتين ش بيتحرك
وجه واحد سوق معرفه وادانى الدرس الاول -- البلاتين تركيبه مش مجرد تربيط مسامير --
لازم اظبط الشاكوش المقابل للبلاتين لانه زى المستطيل نحايه مع الف بتبقي بارزه ودى نظبطها مع البلاتين قبل الربط علشان البلاتين يفتح ويقفل
وبعدين لانه مرتبط باتوبيس الموظفين سابنى ومشي
وجه واحد صاحبي فى العمل ميكانيكى -- لقينى واقف --ربنا يجازيه خير--
--الدرس التانى -- لما افك الاسبراتير وقبل ما ارفع الجزأ المتحرك لازم اعرف اتجاهه علشان التقسيمه
-- الدرس الثالث -- لما اربط البلاتين لازم الاسلاك متلمسش جسم الاسبراتير-
-- الدرس الرابع -- البلاتين الانجليزى احسن من الايطالى لانه اعرض من الامام

مش فاكر الباقى
المهم العربيه اشتغلت وصوتها احسن من الاول
بس انا احرجت ان اعطى او حتى اعزم على زميلى الميكانيكى باى فلوس
لانى لقينى فى ورطة والامر كانه جدعنه ومش شغل
صح ولا غلط

[SAMER_ENGINES]

نفس العيوب دى عندى بعد ما لخبطت فى البنزين زى ما قلت فى موضوعى بس ما عدا العيب التالت اللى هو السحب الحمد لله بتسحب بس السحب فيه مشكلة عندك لانى طقم الكهرباء عندك كان تعبان.
بس فعلا مضايقانى اوى حكاية التانى لما اهدى و اجى اطلع تروح نتشة كدة و عديت على الميكانيكى مفتحش الكبوت لأنه كان مشغول و أنا كمان كنت مستعجل فقالى من صوتها كدة ده باب الكربراتير معلق و عايزة سنة ظبط كهرباء و النهاردة هعمل ميكانيكى بعد ما أرجع من الشغل و اشوف ايه اخبار باب الكربراتير بس مش هعك كتير و الحمد لله انى موضوعك عدى على خير فى موضوع الكهرباء و الاسبراتير و نصيحة متأخذنيش فى الكلمة و طبعاً كلنا بنتعلم لو مش عارف فى الاسبراتير بالذات متجيش نحيته أنا الحمد لله ممكن اعمل حاجات كتير فى العربية و اعك فيهم براحتى ما عدا حاجتين مش باجى ناحيتهم (فك الكربراتير من اساسه) و ده لا يمكن اعمله لانى انا شخصيا بحس انه معقد جداً (النهاردة انشاء الله بس حفك العمة و اشوف ابواب الكربراتير و بس).
و الحاجة التانية الاسبراتير لأنى ظبطه مقرف و لو اللى بيعمله مش فاهم فيه كويس حيبرجل العربية كلها.
و انشاء الله بسيطة.

لو بتسأل على موضوع الميكانيكى على اساس انه زميل فى الشغل فده طبعاً بيكون حسب العلاقة لو كانت قوية خلاص اما لو كانت العلاقة عمل و لو كنت حضرتك أعلى منه أو بترأسه يبقى يفضل أنك تعزم عليه بفلوس و عادة الناس بترفض.

و هل النتشة بتاعة التانى دى راحت مع ضبط الكهرباء؟
و لو لا قدر الله لسه موجودة و هتروح للميكانيكى شوف حيقولك ايه على النتشة دى و ياريت تقولى ايه اللى طلع عندك.

[abokoko]

من 28/10الى اليوم 19/11 تغيرت وتبدلت الاعراض او بمعنى اصح زادت وقلت
عموما انا لسه راجع من عند الميكانيكى اللى حكيت عليه - كنت رحت له كام مره الورشه بس كان فى اجازه
النهارده لقيته
وكان فى نيتى ازود الفرامل د الاساس عندى
وقلت له نغير الزيت فركب العربيه - وكان التالى -

لقلش - زود رباط - فرامل اليد ( لارتباطها بالفرامل الخلفيه عن طريق تفتح الطبله للخارج )
وفعلا زادت قوه الفرامل
غير البوجيهات ngk واحد شعله بدل اللى راكب كان 3 شعله وقال ال3 شعله مناسب للانجكشن اكتر
ساب التنتيشه واتكلم عن ال نفضه - االى فى بدايه الحركة على الاول
وقال ده بدايه ضعف فى الاسطوانه والدليل وجود اثر تسريب زيت على الموتور من تحت
وقال نبقي نفكهم ونكشف عليهم ولو محتاجين نغيرهم ( اسطوانه وديسك )
وسالته ممكن استنى شهرين تلاته قال ممكن