حل لفتح شنطة اللادا

[medo_love]

السلام عليكم
يا جماعة أنا اتسرقت لحد دلوقتي مرتين و الفرق بينهم حوالي 7 شهور الشنطة تتفتح و يقفلها و انا معرفش الا لما افتح الشنطة يا جماعة لو سمحت عايز حل نهائي للموضوع ده لاني بجد زهقت و شكرا

[MOSHAKS]

ده كان زميل عنده نفس مشكلتك ونصيحة متحطش حاجة فى الشنطة مهمة ممكن تتشال

http://www.nilemotors.net/Nile/235282-a.html

[medo_love]

ده كان زميل عنده نفس مشكلتك ونصيحة متحطش حاجة فى الشنطة مهمة ممكن تتشال

http://www.nilemotors.net/Nile/235282-a.html

شكرا يا باشا على الرد بس مفيش حل للموضوع ده يعني امشي أو اسافر بالعربية بدون استبنتبقى حاجة رخمة بس أنا عايز حل

[MOSHAKS]

ركب انذار ونصيحة منى الحم من جوه الشنطة جنب الاستين حلقة كده تعرف تربط فيها جنزير واربطه فى الاستبن وريح دماغك علشان لو عدى مرحلة الانذار يتصدم ان الاستبن مربوط
ومتسبش حاجه مهمة فى العربية واعمل مفتاح كهربا خفى يفصلك الكهربا عن الموبينة علشان مدورش لحسن يطمع فى العربية المرة اللى جايه وربنا يسترها

[medo_love]

ركب انذار ونصيحة منى الحم من جوه الشنطة جنب الاستين حلقة كده تعرف تربط فيها جنزير واربطه فى الاستبن وريح دماغك علشان لو عدى مرحلة الانذار يتصدم ان الاستبن مربوط
ومتسبش حاجه مهمة فى العربية واعمل مفتاح كهربا خفى يفصلك الكهربا عن الموبينة علشان مدورش لحسن يطمع فى العربية المرة اللى جايه وربنا يسترها

شكرا على الرد
و لو حد عندوا أفكار تانية ياريت مايبخلش بيها

[ahmdmagdy]

هو في حل كان خالي عمله في عربيته االـ؟125 انه بيلغي مفتاح الشنطه خالص و يفتح الشنطه من جوه العربيه بدراع مشدود بسلك زي الكابوت

[medo_love]

هو في حل كان خالي عمله في عربيته االـ؟125 انه بيلغي مفتاح الشنطه خالص و يفتح الشنطه من جوه العربيه بدراع مشدود بسلك زي الكابوت

والحكاية دي ممكن أي سمكري يعملها و لا ايه ؟

[midonbtc]

ده كان زميل عنده نفس مشكلتك ونصيحة متحطش حاجة فى الشنطة مهمة ممكن تتشال

http://www.nilemotors.net/nile/235282-a.html

وانا عملت بنصيحتك يا باشا ومن ساعتها ريحت دماغى وماشى من غير كوريك او حتى استبن

[a7madramadan]

يا افندم انا عندي حل (بس تخريبي شوية) انا مش هاعمله و مش هانصح حد يعمله بس هوه الآتي :

انت هتركب وحدة سنتر للشنطة وتوصله على ريموت الإنذار (دي حاجة بسيطة و أوصي الجميع انهم يعملوها)

تيجي بقى للخطوة التخريبية تحط نصف المفتاح في الشنطة وتكسره ... او تبوظ الكالون عموما بس ما تبوظش آلية الفتح و القفل بتاعة وحدة السنتر ... عيش حياتك في نظريات التخريب :d

أكيد ممكن تسأل طيب ايه الضرر .... لو لا قدر الله احتاجت تفتح الشنطة تجيب منها حاجة ضرورية و البطارية ضربت مش هتعرف تفتح الشنطة ...

أنا شوفت أمثلة مأساوية للحاجة لمحتويات في الشنطة بعد حادثة سير و ماكانتش الشنطة بمفتاح و السلك الي بيفتح الشنطة اتقطع ...والشخص ده اتأخر عن طيارته و مالحقهاش موواويل ... حقيقي حاجة ربنا ما يكتبها علينا جميعا يعني ...

انا عارف ان الحل الي كاتبه منطقي جدا و عملي بس ممكن يحطك في مشكلة ما تحبش تكون فيها

[medo_love]

يا افندم انا عندي حل (بس تخريبي شوية) انا مش هاعمله و مش هانصح حد يعمله بس هوه الآتي :

انت هتركب وحدة سنتر للشنطة وتوصله على ريموت الإنذار (دي حاجة بسيطة و أوصي الجميع انهم يعملوها)

تيجي بقى للخطوة التخريبية تحط نصف المفتاح في الشنطة وتكسره ... او تبوظ الكالون عموما بس ما تبوظش آلية الفتح و القفل بتاعة وحدة السنتر ... عيش حياتك في نظريات التخريب :d

أكيد ممكن تسأل طيب ايه الضرر .... لو لا قدر الله احتاجت تفتح الشنطة تجيب منها حاجة ضرورية و البطارية ضربت مش هتعرف تفتح الشنطة ...

أنا شوفت أمثلة مأساوية للحاجة لمحتويات في الشنطة بعد حادثة سير و ماكانتش الشنطة بمفتاح و السلك الي بيفتح الشنطة اتقطع ...والشخص ده اتأخر عن طيارته و مالحقهاش موواويل ... حقيقي حاجة ربنا ما يكتبها علينا جميعا يعني ...

انا عارف ان الحل الي كاتبه منطقي جدا و عملي بس ممكن يحطك في مشكلة ما تحبش تكون فيها

شكرا على الرد بس بردوا السنتر لوحده مش حل

[a7madramadan]

ما هوه بعد الحل الي قولته لحضرتك ما اعتقدش في حلول متاحة الى حد ما على حد علمي ... عموما حاول تسأل عن كالون للشنطة يكون قوي شوية عند بتوع الاستيراد و شوف لو في حاجة قوية تركب على الشنطة ... و ربنا معاك

[medo_love]

ما هوه بعد الحل الي قولته لحضرتك ما اعتقدش في حلول متاحة الى حد ما على حد علمي ... عموما حاول تسأل عن كالون للشنطة يكون قوي شوية عند بتوع الاستيراد و شوف لو في حاجة قوية تركب على الشنطة ... و ربنا معاك

في الأول و في الاخر شكرا انك حتى قولت الحل اللي عندك

[ahmed_gamal777]

بص يا برنس
مبدئيا تعمل الشنطة كهربة ازاى
وحدة سنتر حوالى 25 ج
ويركبه بتاع ابواب ب 5 الى 10جنية
وكهربائى ب 15 جنية
و3 متر سسلك 2 ملى 6 جنية
ومفتاح سخان 7 جنية
وتبقى الشنطة بزرار كهرباء من داخل السيارة
والكلون لو عندة قديم يركب القديم مكان الجديد لانة هيلغى عمل القديم
بدل ما يشيل الفولة الى بداخل الكلون ويبوظ -استفيد انت بية احسن
ومع العلم ان اضعف حاجة فى الادا الشنطة و الابواب -سهلة اختراقها
وذللك بعد ما اتعرض للسرقة حاجات من السيارة قبل كدة
بالنسبة بالمرة لكلون الباب ممكن تجيب قبل كالون 128 تركى بحوالى 30جنية
لانة 2 سن مش 1 سن زى الادا
ولو عايز اى ايضحات انا تحت امرك
احمد جمال 01223788293

[a7madramadan]

يا افندم الموضوع مش مستاهل الشكر ربنا يكرمك و اتمنى بس اكون افدتك :)

وانا جه على بالي طريقة بس دي لو العملية مش فارقة الشكل الخارجي خالص ... ممكن تعمل الشنطة بقفل ... وهيه بالشكل ده :


انا رسمتها كروكي كده للتبسيط يعني :)

هتلحم حديدتين للقفل و تبقى تديلهم بوية بعد الصنفرة علشان شكلهم يبقى حلو و هات قفل تركي كويس وخلصنا :D الا بقى لو الحرامي قرر يكسر القفل بالحديدة بتاعته بمفصلات الشنطة :D على أساس انك مشهور بنقل صفائح ذهب فالشنطة يعني :)

هيه طريقة غلسة شوية و شكلها طبعا وحش و غير انها بتجذب الناس لسرقة الشنطة علشان عليها قفل حديد
مش قادر افكرلك في طريقة ثالثة الصراحة :D

[medo_love]

بص يا برنس
مبدئيا تعمل الشنطة كهربة ازاى
وحدة سنتر حوالى 25 ج
ويركبه بتاع ابواب ب 5 الى 10جنية
وكهربائى ب 15 جنية
و3 متر سسلك 2 ملى 6 جنية
ومفتاح سخان 7 جنية
وتبقى الشنطة بزرار كهرباء من داخل السيارة
والكلون لو عندة قديم يركب القديم مكان الجديد لانة هيلغى عمل القديم
بدل ما يشيل الفولة الى بداخل الكلون ويبوظ -استفيد انت بية احسن
ومع العلم ان اضعف حاجة فى الادا الشنطة و الابواب -سهلة اختراقها
وذللك بعد ما اتعرض للسرقة حاجات من السيارة قبل كدة
بالنسبة بالمرة لكلون الباب ممكن تجيب قبل كالون 128 تركى بحوالى 30جنية
لانة 2 سن مش 1 سن زى الادا
ولو عايز اى ايضحات انا تحت امرك
احمد جمال 01223788293

شكرا يا باشا على الرد و الاهتمام و اي حاجة اتصل بيك ان شاء الله