مشكلة في مكنة لادا 2107 ضروري يا خبراء

[motorokr]

يا مهندسين انا معايا لادا 2107 هي الماكينة خفيفة شوية يعني بتاكل نص كيلو زيت كل اسبوع ..مع العلم اني بستعملها طول الاسبوع بمعدل 10 ساعات يوميا .. المشكلة ان خرطوم الفايظ بيجيب دخنة كتيرة اوي من ادام مع العلم الشكمان ما بيطلعش دخان كتير .. بالعكس الشكمان بيطلع دخنة بسيطة تكاد لا ترى .. أعمل ايه يا جماعة؟


انا شايف عربيات كتير ماكينتها اخف من عندي و الفايظ عندهم مش بيجيب بلاوي زيي

واحد قالي المشكلة في الزيت .. ولو ده صح ايه احسن نوع زيت للماكنة عندي؟

شل أم الاماراتي أم التعاون الاخضر؟

[lada2010]

عليك وعلى التعاون الازرق تمام او زيت كالتكس دا معمول للماكينات الخفبفة او فى مصر للبترول زيت سايب الكيلو 7 ج تقريبا هاتوا من اى محطة مصر للبترول او وفر فلوسك وخات موتور استيراد فى حدود 1500 ج وريح نفسك

[abokoko]

الموتور الاستيراد بيكون كام سي سي
وهل بيجي ال 1500 سي سي الانجكشن

وسعره كام بالفتيس 5 غيار ومن الفتيس

[a7madramadan]

في مواتير 1200-1500-1600-1700 انجكشن و كاربيراتير و الفتيس 4 غيار للقديم و أعتقد كل الــ 1600/1700 بييجي 5 غيار بس

و ممكن أساسا تشتري لنفسك فتيس 5 غيار لو حابب يعني و الموتور معاه فتيس 4 غيار .. بس تغير معاه الكورونه لكورونة بتاعة لادا 5 غيار عشان ما تعملش مشاكل ....

[abokoko]

حضرتك انا بسأل عن الاسعار فى كل الاحوال
سعر 1500 وسعر ال 1600 وسعر ال 5 غيار وسعر الموتور الكربراتير وسعر الموتور الانجكشن
طبعا متوسط الاسعار

[a7madramadan]

انا عارف بالظبط ايه الموجود بس الأسعار ناسيها الحقيقة لان آخر مرة كنت باشوف الموضوع ده لواحد معرفة كان من سنة ...وماكنتش معاه في يوم شراء الموتور فمش متأكد خلص على كام ... بس اول ما هاشوفه هأسألهولك بس هوه مش موجود دائما فالاسكندرية باشوفه صدف وانشاء الله هأرد عليك فالأسعار ان شوفته قريب دا لو مافيش حد من الإخوة تكرم و قاللك متوسط الأسعار بالظبط كام والله الموفق

[abokoko]

شكرا لذوقك

[mrastra]

والله انا كلى حيرة وانا برد على حضرتك لان فعلا الموضوع يحير
هل تشترى موتور استيراد ولا تصلح موتورك لان لى تجربة فاشلة مع موتور لادا استيراد وكان معايا ميكانيكى ممتاز وحالة المكنة وهى على الارض زى الفل وجبتها بالفتيس 4 غيار بـ 2000 جنية لان سعر الفتيس الـ 5 غيار لوحدة بـ 1200 جنية ...المهم ركبت المكنة وبعد 4 ايام فقط الموتور نفخ وكان الاتفاق وانا بشترى انة لو نفخ يساهم معايا بـ 130 جنية انما لو رزع الموتور يرجعلة المهم فكيت الموتور وعملت طقم شنبر و4 شمايز
فدلوقتى هل تجيب موتور استيراد ولا تصلح بتاعك تلك هى القضية
وعلى فكرة اللى حصل معايا دة حصل مع ناس كتير جدا اشترو موتور استيراد لادا انما مواتير الاستيراد اليابانى بتكون زى الفل لية معرفش