سوال عن اللادا و انواع المواتير بها ؟

[H.ibrahim]

السلام عليكم ورحمة الله وبركاته
1- احب اسال عن اللادا 2105 موديل 94 و 95 هل الموتور 1200 cc او1500 cc او 1300 cc ؟ وايهم افضل ؟
2- هل الموتور 1200 cc يستحمل وزن العربية وثقلها و لا خفيف عليها ؟
3- هل يوجد فعلا لادا خليجى موديل 94 او 95 ؟ وهل هى افضل ؟
4-هل قطع الغيار بالنسبة 2105 هى نفسها قطع غيار 2107 التى مازلت تنتج حتى الان ؟
5- هل يوجد فرق بين الفتيس 4 غيار والفتيس 5 غيارو ايهما افضل للادا ؟
6- كم السعر الفعلى للسيارة اللادا 2105 موديل 94 او 95 ؟ دون ظلم للبائع او لنفسى ):boxing_smiley:
اعتذر عن كمية الاسئلة و لكننى اتحر الدقة للشراء هذه الايام والاخذ بالاسباب ( الواحد مش بيلقى الفلوس علشان يرميها فى الزمن ده ) جرررررررررررررررررر

[Xpert]

فيها 1300 و 1500 و 1600 .. و هايستحمل و الموتور حته حديده ... عيبه انه بياكل شدادات كاتينه في الكاتينه الحديد ..
الفرق بين ال 2105 و ال 2107 علي حد علمي التابلوه و الكبوت و الشبكه ... غير كده لاء ... و ياريت لو حد يأكد....

[magdi mina]

لادا 1200 المروحة مع الموتور مباشرة .. بواسطة عمود .. لكن 1500 المروحة على ترموستات .. يعنى لا تعمل الا اذا ارتفعت حرارة المحرك .. وغير متصلة مباشرة بالمحرك ..

[H.ibrahim]

اشكر الاعضاء الذين قاموا بالرد - وفى انتظر باقى الاخوة الافاضل عشاق اللادا للرد على و تاكيد المعلومات السابقة .

[H.ibrahim]

ايه الاخبار ياجدعان هى اللادا انقرضت ولا ايه ؟ - ولا لايوجد عشاق لهذه العربية ؟ - او جايز الاسئلة صعبة شوية !!!!!!:confused4:

[mohamed2002]

1- الماتور بتاعهم1200ccوالخليجي 1500cc
2-يستحمل يا باشاا وكمان استهلاكه ممتاز
3-في منهم خليجي
4-نفس قطع الغيار
5-اكيد ال 5 غيار افضل لكن الادا 2105 موديل التسعينات كله 5غيار
6-بص السعر لو العربية حالتها ممتازة وفابريكة دواخل ومفهاش اي شغل بيوصل ل 29000 ودة لو نضيفة جدا غير كدة متوسط السعر من 26 الي 27 لو حالة جيدة

[modux]

بص يا اكسبورت

احنا عندنا لادا 2105 موديل 94
1200 سي سي جايبناه كسر زيرو من 10 سنين

الموتور عمل 200000 كيلو و لسه بيقفل العداد 160 كيلو بثبات ملحوظ نظرا لوزنها التقيييييل جدا

ال2107 اللي بيسمهوا الخليجي ( في منها فعلا خليجي ) موتورها 1500 و الشبكة و التابلوه مختلف و عدادها اخره 180 بس مش جربتها قبل كده

[H.ibrahim]

اشكر كل اخوانى الذين قاموا بالرد على الموضوع و الحمد لله ربنا وفقنى فعلا واشتريت لادا 2105 موديل 1994 موتور 1200 سى سى و ربنا يبارك للجميع .:arghh::embarrassed2:

[dental__h]

الف مبرووووووووووك

[elshreef_hemo]

الف مبروك عليك وربنا يباركلك فيها ويكفيك شرها
بس انا عايز اعرف منك هل المتور ال 1200 بيخلى العربية تقيلة والا ملوش دعوة بالسحب والجرى وكمان ايه اقصى سرعة للعربية ؟؟؟

[H.ibrahim]

elshreef_hemo

الف مبروك عليك وربنا يباركلك فيها ويكفيك شرها
بس انا عايز اعرف منك هل المتور ال 1200 بيخلى العربية تقيلة والا ملوش دعوة بالسحب والجرى وكمان ايه اقصى سرعة للعربية ؟؟؟

الله يبارك فيك و جزاك الله خيرا .
بالنسبة للمتورعندى فى العربية هو خفيف شوية و الميكانيكى قال لى كمان السنة الجاية نعمل طقم شنبر و بالرغم من اللى انا قولته ده العربية جبت بيها 120و 130 ومعى 3 افرادو كان سفرية طويلة يعنى مش كم كيلو و السلام و ده ياكد كلام جميع اخواتنا بالمنتدى و اللى بناء على كلامهم اختارت ان اشترى العربية طبقا لاحتياجاتى اليومية و ظروفى المالية:smile::smile: - ونصيحة العربية فعلا موفرة فى البنزين جامد خاصة فى حدود سرعة من 90-100 كم و ده عن تجربة , بس اهم حاجة حالة العربية عند الشراء .
وان تحت امرك فى اى خدمة او معلومة تحب تعرفها .
والسلام عليكم و رحمة الله وبركاته

[elshreef_hemo]

انا كدة اتطمنت شوية اصلى كنت خايف من المتور ال 1200 سى سى ده على اساس انه اقل موتور فى الادا مع العلم انها عربية تقيلة بس اكيد المتور ده قوته زى قوة ال 1500 فى الشكل القديم . انا دلوقتى بدور على عربية لادا 2105 ادعولى ربنا يكرمنى بعربية كويسة