مشكله جامدة جدا جدا جدا فى اللادا

[maged_g]

انا اول مره اشارك فى المنتدى
وعندى مشكله فى فى الفرامل وهى ان العجله الشمال بتصرخ مع الفرامل
والدركسيون يتحرك بالسيارة الى اليمين ( بترمى يمين)
وباستشارة العديد من الميكانيكيه غيرت الاتى بقطع جديده

2طمبوره امامى
2 خرطوم فرامل
ماستر فرامل عمومى
جلد ماستر امامى
طقم جلب
طقم تيل
كاوتش ميزان
بجانب ضبط الزوايا عند اكثر من واحد
.................................................. ....................والعيب زى ماهو
ارجوا ارشادى الى العيب
وارشادى الى ميكانيكى وعفشجى كويس علما باننى من سكان العباسيه

[waelfarid]

اشهر حاجة في اللادا هي الحدفة مع الفرامل شمال وانت علشان تسيطر عليها بتمسك الدريكسيون وتحاول تردها يمين والسبب في ده ان قوة الفرملة مش متساوية بين العجلتين الاماميتين شمال تمسك ويمين لا
ممكن يكون حاصل عندك العكس او خانك الوصف
ليه
why?
ماسورة زيت الباكم اللي رايحة للعجلة قدام يمين مسدودة او واخدة هوا محتاجة كشف من حد بيفهم متخصص فرامل
الميكانيكي يعرف يعملها بس يفضل متخصص فرامل
وممكن الزملاء اللي يعرف حد قريب منك يدلوك ولا تتهاون في ان الفرامل تكون مضبوطة وبالتوفيق ان شاء الله
دي الحالة اللي صادفتني شخصيا في اكتر من عربية لادا وغير لادا

[faresbelagwad]

السلام عليكم جميعا
كان عند نفس المشكلة تقريبا , صرير مرعب و حدف ناحية الشمال عند الضغط على الفرامل باي طريقة او عند الملفات و حليت هذه المشكلة كالتالي
كشف شامل على العفشة
تغيير 2 فردة كاوتش امامي حيث ان الحدفة كانت بتاكل في العجل و انا سبت المشكلة دى مده كافية علشان العجل يبوظ
تظبيط زوايا غند واحد محترم
و الحمد لله المشكلة اتحلت
ارجو ان اكون افدت و لو بالقليل

[a7madramadan]

عفشجي محترم يعمللك كشف شامل وتقوله على الي بيحصللك... وظبط زوايا عند واحد محترم طبعا و هتتحل المشكلة باين من بيانات حضرتك انك من القاهرة اسأل الإخوة فالقاهرة عن الناس المحترمة و هم هيدللوك ان شاء الله