مشكله غريبه

[tifa55555]

السلام عليكم
وكل عام وانتم بخير
العربيه بترمى يمين وانا ماشى مع العلم بان
1 الكاوتش جديد
2 تم ظبط الزوايا عند اكتر من واحد ممن يشهد لهم بالكفاءه
3العفشه متربطه وتم الكشف عليها اكثر من مرة وكله تمام
والغريب جدا فى الموضوع ان الرمى ده بيكون فى البدايه وبيروح بعد ما امشى شويه ربع ساعه مثلا
والغريب اكتر ان الرمى ده بيكون شديد اوى فى السرعه البطيئه وبيقل لما ازود السرعه
افيدونى يا خبراء
وجزاكم الله خيرا

[faresbelagwad]

الاخ المحترم
لو حضرتك متأكد من ضبط الزوايا , يبقى المشكلة في العفشة , و مش معنى ان حضرتك مربط يبقى كل حاجة تمام التربيط ده بيكون دوري علشان الشوارع اللى بنمشي فيها و لان طبيعة تلك العربية كده يعنى لازم تربط و الا تحس ان العربية مفكوكة من بعض بس حضرتك لازم تروح لعفشجى كويس و يفك عفشة العربية من ادام كلها و يكشف على كل البيضات و المقصات و بعد ما يلاقى المشكلة ممكن تكون بيضة او اكتر بيظة او حته تلاقى محتاج كاوتشة عايزة تتغير و ان شاء الله تكون المشكلة بسيطة يغسل لك كل العفشة غسلة محترمة و بعدين حضرتك تبقى تظبط الزوايا عند بنزينة محترمة يفضل ان يكون فيها الجهاز الجديد اللى من غير حبل او سلك و بعد الزوايا حضرتك تربط عفشة عند العفشجى و انصح حضرتك انك تعمل العفشة عند و احد حداد عفشة محترم مش الميكانيكي علشان اللادا كل الناس بيشتغلوا فيها زي ما حضرتك عارف
اتمنى ان اكون قد افدت

[tifa55555]

استاذى الفاضل
انا كشفت على العفشه وبعدين ربطها وكانت عند عفشجى بتعامل معاه من زمان واستاذ صراحه
وبعدين ظبط زوايا اول مرة يدوى وتانى مرة كمبيوتر بالجهاز الجديد وكان دورى العاشر فى البنزينه وعند واحد استاذ برضو
ما هو اللى محيرنى انى عملت كل حاجه عند احسن ناس ومافيش فايده
ربنا يحلها من عنده

[a7madramadan]

يجوز على فكرة يكون ظبط الزوايا ماكانش مظبوط ....

ويجوز يكون العفشجي مش فاهم و في مشكلة فالعفشة

وفي احتمال صغير كده اتأكد ان الكاوتش الأربع فرد مترصصين مظبوط بس دي مش مؤثرة قد كده دي بتهزللك العربية وانت مسرع ....

المشكلة والله أعلم محصورة بين العفشة و الزوايا ... و أعتقد بداية حل المشكلة بتكون عند ميكانيكي العفشة المحترم حاول تروح لميكانيكي عفشه ثاني ويكون شغله محترم و الله المستعان

[tifa55555]

الف شكر يا اخوانى

[ahmed_gamal777]

ممكن تكون الفرامل فى الدشمة اليمن مغلقة على الطمبور اكثر من الشمال دى عن مشكلة قبلتنى من هذا القبيل

[a7madramadan]

يجوز كلام الأستاذ احمد جمال بس ده هتلاقي عربيتك بتصفر تصفير الفرامل في اول السرعة البطيئة و أعتقد العيب ده المفروض يبان بسهولة للعفشجي ... بس انا باميل لموضوع العفشة و الزوايا و ربنا يحللك مشكلتك فالعربية و مش هتخسر حاجة لو روحت لميكانيكي ثاني تخليه يكشفلك على العفشة و تقوله يبص على كل حاجة فيها كويس و اوصفله المشكلة كويس و ان شاء الله خير

[tifa55555]

ممكن تكون الفرامل فى الدشمة اليمن مغلقة على الطمبور اكثر من الشمال دى عن مشكلة قبلتنى من هذا القبيل

الله يفتح عليك برااااااافو
فعلا طلع هو ده السبب والحمد لله تمت على خير وبارك الله فيكم جميعا

[tifa55555]

يجوز كلام الأستاذ احمد جمال بس ده هتلاقي عربيتك بتصفر تصفير الفرامل في اول السرعة البطيئة و أعتقد العيب ده المفروض يبان بسهولة للعفشجي ... بس انا باميل لموضوع العفشة و الزوايا و ربنا يحللك مشكلتك فالعربية و مش هتخسر حاجة لو روحت لميكانيكي ثاني تخليه يكشفلك على العفشة و تقوله يبص على كل حاجة فيها كويس و اوصفله المشكلة كويس و ان شاء الله خير

فعلا المشكله طلعت فى الفرامل يمين بس ما كانش فيه اى تصفير انا اكتشفت كده لما كنت ماشى فى شارع طالع وبعدين العربيه اللى قدامى وقفت فوقفت واما حبيت اطلع لقيت عربيتى واقفه فى مكانها وما فيش اى ترييحه لورا لحد ما سيبت رجلى من الفرامل خالص وبرضه العربيه ماسكه نفسها
والف شكر على اراء حضرتك وحسن تعاونك

[ahmed_gamal777]

فعلا المشكله طلعت فى الفرامل يمين بس ما كانش فيه اى تصفير انا اكتشفت كده لما كنت ماشى فى شارع طالع وبعدين العربيه اللى قدامى وقفت فوقفت واما حبيت اطلع لقيت عربيتى واقفه فى مكانها وما فيش اى ترييحه لورا لحد ما سيبت رجلى من الفرامل خالص وبرضه العربيه ماسكه نفسها
والف شكر على اراء حضرتك وحسن تعاونك

اى خدمة يا برنس العيب دا بقى لففنى حوالين شعر راسى ودفعنى حوالى 500جنية
هات بقى 250جندى
هههههههههههههههه
الحمد لله ان ربنا وفقك فى مشكلتك

[tifa55555]

اى خدمة يا برنس العيب دا بقى لففنى حوالين شعر راسى ودفعنى حوالى 500جنية
هات بقى 250جندى
هههههههههههههههه
الحمد لله ان ربنا وفقك فى مشكلتك

انا روحت لميكانيكى شاطر بس مشكلته انه فاكر نفسه نوكيل
قاللى لازم نشتغل صح
هات طنابير جديده وتيل جديد علشان كله يبقى تمام
وغيرتهم والله وظبط الكلام والحمد لله كله تمام دلوقتى