شحن زائد للدينامو

[darkmask]

بأختصار شديد
البطارية بتفور وبشم ريحة مية النار وأنا سايق
غيرت كتاوت الدينامو الداخلى لأن ما فيش عندى خارجى جبته أصلى 80 جنيه أو أكتر
والمشكلة لازالت قائمة ومية البطارية بتبوظ نتيجة الفوران
أعمل أيه عشان أحافظ على البطارية والعربية ؟
ناس قالولى غيره تانى يمكن الأول بايظ
وناس قالولى ممكن الدينامو يكون فى حاجة بايظة
واللى أنا متأكد منه أن الدينامو شحنه مظبوط لأنى قيسته عند أكتر من كهربائى لكن بيشحن بيشحن بيشحن والمفروض يفصل عند تمام الشحن
لكن ده مش بيحصل فبيدى شحنة زيادة للبطارية فا تفور
أيه العمل؟

[mrastra]

اخى الكريم
مفروض ان الدينامو يخرج 14 فولت فى كل مستويات سرعة المحرك يعنى على السلانسية بيدى 14 فولت على 3000 ار بى ام بيدى 14 فولت دى نقطة رقم واحد
تانى حاجة الكتاوت الداخلى بيعمل حاجة واحد بيقوم بدور البوابة بيقارن بين جهد البطارية وجهد الدينامو لو قل جهد البطارية عن جهد الدينامو بيدخل كهرباء على البطارية لو الاتنين متساويين بيقفل الدينامو عن البطارية ولو البطارية اقل بيسمح بمرور الجهد الى البطارية ودى هى شغلة الكتاوت
المشكلة اللى عندك حاجة من اتنين
اما ان الكتاوت الجديد تالف
او ان حامض البطارية عالى .... من المفروض انها تكون مية 30 وعشان نعالج الموضوع دة بنغسل البطارية بكربوناتة وبعدين مية حلوة ( حنفية ) وبعدين نحط المية بتعتها ونشوف
ربنا يوفقك

[darkmask]

ميرسى لردك
أنا غيرت الميه بالفعل
لكن نفس الكلام
يبقى مش ناقص غير الكتاوت
أغيره تانى وأمرى الى الله
تنصحنى بنوع معين؟

[a7madramadan]

روح لكهربائي محترم يقيسلك شحن الدينمو لو مش مظبوط هيفضل يبوظلك البطاريات حتى لو جيبت بطارية زيرو .. مش متأكد ان كان الدينامو بيتصلح بس لو ما اتصلحش او ما امكنش تصليحه فضروري تغيره و أكيد بعدها تكشف عالبطارية يجوز تكون باظت بسبب الشحن الزائد و يمكن تحتاج تغيرها و الله الموفق

[Ahmed_Ramadan]

أهم حاجة يكون كهربائى بيفهم
العيب المتوقع على حد علمى بعد تغير كتاوت الدينامو و وجود نفس العيب ( الموبينه بداخل الدينامو لا تعمل بكفاءه و تعطى قراءات مختلفه بكل مره ) عن تجربة بعد تغير الكتاوت 3 مرات لا الصنايعى بيقول كل مره الكتاوت بايظه

[mrastra]

اخى الكريم الكتاوت المحترم المانى باكتر من 80 جنية
لو انا مكانك هانزل عزبة شلبى اجيب دينامو كتاوت داخلى بـ 150 جنية 60 امبير وعلى التجربة

[darkmask]

متشكر جدا لردودكم
الدينامو الجديد سعره كام
وأجيب الروسى ولا أجيب ايه

[mrastra]

جديد هتلاقية غالى اوى ....معرفش تمنة بصراحة ومعرفش حد اشتراة جديد كل اللى ماشي الاستيراد

[darkmask]

شكرا لأهتمامكم
أنا فعلا زهقت
أمبارح روحت لأتنين كهربائية
ودوخت عندهم وفى الأخر قالوا أن كل الكتاوت الموجود فى السوق كله بايظ ويستحسن أجيب دينامو أستعمال
وحجرب أعمل كده أنى لقيت مية البطارية بقت حامية

[ahmedalramy]

يا باشا فيه مؤشر فى التابلوه المفروض انه بيدى الكهربا اللى خارجه من الدينامو واللى المفروض يكون فى المساحه الخضرا
انا المؤشر وصل للاخر مرتين و غيرت الكتاوت
و تانى مره الكهربائى قالى غير الدينامو فقلتله غير الكتاوت المره دى ولو باط هغيير الدينمو و هو شغال و كان كتاوت صينى ب 45 جنيه لانى مالقتش غيره
وانا البطاريه عندى جافه فبكتشف زيادة شحن الدينامو من المؤشر ده
و يا ريت لو حد عنده كلام تانى يفيدنا

[darkmask]

يا باشا فيه مؤشر فى التابلوه المفروض انه بيدى الكهربا اللى خارجه من الدينامو واللى المفروض يكون فى المساحه الخضرا
انا المؤشر وصل للاخر مرتين و غيرت الكتاوت
و تانى مره الكهربائى قالى غير الدينامو فقلتله غير الكتاوت المره دى ولو باط هغيير الدينمو و هو شغال و كان كتاوت صينى ب 45 جنيه لانى مالقتش غيره
وانا البطاريه عندى جافه فبكتشف زيادة شحن الدينامو من المؤشر ده
و يا ريت لو حد عنده كلام تانى يفيدنا

يا كبير أنا مشكلتى مش أنه بيعدى 14 فولت
أنا عندى المؤشر ما بيعديش المساحة الخضراء خالص
لكن بيشحن البطارية لحد ما تتملى شحن
ويكمل ما يفصلش
فبالتالى الميه بتفور من زيادة الجهد عليها

[mrastra]

طمنى عليك
ولسة بكرر دينامو استيراد افضل لحل بالنسبة لحضرتك
وعلى التجربة

[darkmask]

طمنى عليك
ولسة بكرر دينامو استيراد افضل لحل بالنسبة لحضرتك
وعلى التجربة

طيب تنصحنى بأنه نوع
وسعره فى حدود كام
أنا من اسكندرية

[mrastra]

هات بتاع لادا 60 امبير او بتاع الشاهين بيركب بدون تعديلات
لكن طالما انت فى اسكندرية يبقى اكيد بتاع لادا موجود عندك اكتر

[darkmask]

هات بتاع لادا 60 امبير او بتاع الشاهين بيركب بدون تعديلات
لكن طالما انت فى اسكندرية يبقى اكيد بتاع لادا موجود عندك اكتر

السعر كام يا باشا
وعلى فكرة بتاع الشاهين ما يركبش عندى الا بتعديل
وباع الشاهين كتاوت خارجى
أنا كتاوت داخلى