افيدونا فى البيض

[mirra]

لا مؤاخذة يا جماعة العنوان هو اللى حكم....سؤال لاهل الخبرة....انا كنت عند العفشجى بربط عفشة الراجل قالى يا بية بقولك للمرة التانية لازم تغير البيض الروسى الحديد اللى فى العربية و تركب بيض تركى حيخلى الدريكسيون ناعم جدا.....قولت لة انا معنديش مشكلة مع الدريكسيون طالما بشحم البيض و بزود زيت علبة الدريكسيون....لكن قلت لة انى باسمع صوت طقطقة فى الجنب اليمين قدام وكان الباب الامامى مش مقفول كويس قالى دة برضة من البيض.ياترى الكلام دة صح؟؟انا عندى العربية فابريكة و مغيرتش فيها حاجة و مش عايز حد يلعب فيها...قولولى رايكم اية و لكم جزيل الشكر.

[a7madramadan]

الطقطقة مع المطبات غالبا لو مافيش مشاكل أخرى فالعفشة.. تكون من البيض ولو مش مرتاح للميكانيكي ده مايضرش لو تكشف عند ميكانيكي ثاني و يقولك العربية فيها ايه و ان شاء الله خير

[mirra]

ايوة بس مقلتليش انت مركب بيض تركى ولا الروسى بتاع الفبريكة؟

[abokoko]

البيض الروسي مش وحش وخصوصا اللى جاى مع العربيه عمره بيكون طويل
ومع التشحيم هعيش ويكون مريح فى الدركسيون
ولما تكشف على البيض روح لبتاع عفشه كويس وعنده ضمير
ملحوظه :: البعض بيحكم على البيض من منطلق النوع اللى راكب كويس بالنسبه له ولا وحش
ومش بيحكم على اساس انه كويس يعنى شغال ولا بدأ يبوش ومحناج يتغير

ثانيا لو هتغير البيض
غير الاربع بيضات مع بعض ( الاتنين اللى فوق برقم واللى تحت برقم )
غير الى / مايلى امانى / بولندى /بلغارى/ كورى / روسي
ده الترتيب بالنسبه لى - والله اعلم -

البيض فى منه نوعين
نوع بيتشحم وبالتالى عمره اطول
نوع مش بيتشحم وعمره اقل
ولو حسبتها هتلاقى التكلفه الاجماليه واحده
علشان كده بفضل اللى مش بيتشحم علشان اشترى دماغى من التشحيم فى المواعيد - كل شهر او اتنين حسب الاستخدام- وكمان اللى مش بيتشحم بيكون انعم الى حد ما فى الدركسيون

[SAMER_ENGINES]

خلى بالك برضه صوت الطقة ممكن يكون من المقص او المساعد و أكشف عند حد تانى عشان تطمن لأنى البيض لو فيه حاجة ميتسكتش عليه.

[a7madramadan]

بالنسبة لعربيتي عربيتي لسه فابريكه الحمد لله ماغيرتش فيها حاجة غير فلاتر و زيوت و لمبتين و بوجيهات الحمد لله

و البيض على فكرة فكرة انه يعيش كتير او قليل مرهونة بطريقة سواقتك واعتنائك بالعربية من حيث الصيانة و التربيط الدوري و التشحيم و الله الموفق

[medo_love]

لو سمحتم حد يرد عليا لان انا عندي نفس المشكلة و روحت لواحد قالي انه شرخ و روحت لواحد تاني قالي مفيش شرخ و عايز تغير بيض مش عارف سبب الطقة دي ايه و كنت عملت عامل الموضوع ده http://www.nilemotors.net/Nile/242705-a.html على اساس ان فيه شرخ بس بعد كده روحت لاتنين قالولي مفيش شرخ و عيب بيض فياريت حد يرد عليا ؟

[abokoko]

حضرتك غير البيض ببيض روسي تمنه من 130 الى 160 حسب المكان اللى هتشترى منه وميزته انه بيتشحم
واحيانا بيركبوا له بنز تشحيم - بتشتريه من اى محل اكسسوار ومش غالى ب2 جنيه الواحد وبيكون عامل زى السكس بلف بيسمح بالتنويد بالشحم لداخل البيضه دون خروج عكسي للشحم من البيضه وبيتركب بدل المسمار اللى على البيضه وبيركبه الميكانيكى وانت بتغير البيض---
ومش هتخسر كتير بل بالعكس بتجدد عربيتك

ولو المشكله اتحلت يبقي الحمد لله -- ولو لسه يبقي تدور على الشرخ

[abokoko]

حضرتك غير البيض ببيض روسي تمنه من 130 الى 160 حسب المكان اللى هتشترى منه وميزته انه بيتشحم
واحيانا بيركبوا له بنز تشحيم - بتشتريه من اى محل اكسسوار ومش غالى ب2 جنيه الواحد وبيكون عامل زى السكس بلف بيسمح بالتنويد بالشحم لداخل البيضه دون خروج عكسي للشحم من البيضه وبيتركب بدل المسمار اللى على البيضه وبيركبه الميكانيكى وانت بتغير البيض---
ومش هتخسر كتير بل بالعكس بتجدد عربيتك

ولو المشكله اتحلت يبقي الحمد لله -- ولو لسه يبقي تدور على الشرخ

[ahmed_gamal777]

بص يا جميل
لو الطقة دى يمين مع المطبات او الفرامل فى شارع نازل
ممكن تكشف على فبرة المناول
بتكسر كتير ومسئولة عن ذللك
وسعرها 2 فيبرة 6 جنية
وتركيب بكتير 10 جنية
ولكن لو الطقة مع الدريكسيون لف يمن او شمال
يبقى بيض مقص (اللى بيقول علية بيملص زمان) وممكن تغيرة بنوع بلغارى بدون مشاحم حوالى 170جنية وانا مجربة (بعد الفبريكة والروسى والاستيرادو الصينى و التركى )
ويستحسن تغير الطقم او الاهم 2 بيضة تحت مش فوق
ولكن لو بيض المناول (ودى يعرفها اكتر العفشجى )
يا ام تغيرة بروسى جديد (بالكتير 120جنية )
او كبسة ب 20 جنية لحد ما يكون معاك فلوس
ودى عن تجربة مع لادا موديل 2010 تاكس

[abokoko]

ممكن اعرف المقصود بفبره المناول
انا عارف مكان المناول
وعارفه لانى فى ناس اتكلمت عن تغييره برولمان بلى
بس مش عارف ايه الفبره