شاكك فى قواعد الموتور

[abokoko]

العربيه على فى الطلعه على الاول الفتيس بيترج __ بيتهز شمال ويمين جامد --
وفى المطبات بتبقي فى تنتيشه
بس السحب عادى حتى لو محمل العربيه بالعائله
عملت الاختبار انى اديها غيار واحول اهز العربيه - بنفسي - بس ما عرفتش حاجه

الحاجه التانيه
الدبرياش لازم ادوس على الاخر علشان اريح الغيار
كل شهرين تلاته اروح ارفعه سنه لفوق

ممكن تكون قواعد ولا دى بدايه مشاكل فى الاسطوانه الديسك؟؟



............................*
يرجي كتابه الموضوع في القسم المختص

مشرف 14 ب

[ahmed_h_g]

طقم الدبرياج عايز يتغير

[Ashraf_Ashraf]

كل اللى بتقوله معناه ان قاعده الفتيس عاوزه تتغير

[abokoko]

للاسف مش قواعد
ولكن اسطوانه وديسك
الميكانيكى قال لى - النفضه - سببها وجود زيت على الاسطوانه وده بدايه ضعف فى الاسطوانه او الديسك
وقال لما نفك وننزل الموتور هيبان ونغير اللى عايز يتغير
وسالته قال سعرهم هيكون فى حدود 300 جنيه
وقلت ممكن ااجل شهرين تلاته - قال ممكن

السؤال
ااجل شويه - ولا الامر مهم واغيرهم بسرعه
؟؟

كمان ايه الانواع والاسعار

[Ashraf_Ashraf]

يبقى انت وصفك للمشكله مش صح بقى لان الهزه بتاعت الاسطوانه هتبقى فى العربيه كلها مش بس الفتيس
عموما ربنا يعينك وتقدر تقعد شويه وتستحمل الرجه لغايه ماتعملها مافيش مشاكل

[abokoko]

يبقى انت وصفك للمشكله مش صح بقى لان الهزه بتاعت الاسطوانه هتبقى فى العربيه كلها مش بس الفتيس
عموما ربنا يعينك وتقدر تقعد شويه وتستحمل الرجه لغايه ماتعملها مافيش مشاكل

ممكن يكون وصفى غلط
كمثال انا قلت عليها هزه او رجه والميكانيكى قال لى دى نفضه
وهى غالبا مش مسمعه فى العربيه فقط فى الفتيس
الا فى حالات بسيطه لو رجلى بدات ترفع اسرع من على الدبرياش
فى الحاله دى بيكون زى دربكه اسفل العربيه
والميكانيكى فى البدايه افتكر الدبكة دى من الكردان -- كرسي النص او الصلايب-