لادا 2012 مصرى هستلم ايه معاها ؟؟؟؟

[totaman]

السلام عليكم ازيكم يا شباب

ان شاء الله ناوى احجز لادا 2012 مصرى وده اللى فى حدود امكانياتى

انا سالت عليها فى المصرية فرع جرين بلازا وقالو انها ب 45 الف

اللى عايز اعرفه لو تكرمتو

* هستلم ايه مع العربية ؟؟
* رايكو اختار لون ايه ؟؟
* وفى حاجة لاحظتها وانا بتفرج عليها ان فى نص التابلوه عند هوايات التكيف مفيش الدراعات اللى بتروح يمين وشمال هحاول اشوف صورة توضح كلامى اكترللى مش فاهمنى
اتمنى تردوا عليه ؟؟؟

[totaman]

المكان اللى داخل الدايرة الحمراء الدراعات دى مش موجودة

[ahsara]

مبرووك على العربيه و ربنا يكفيك شرها و يباركلك فيها

العربيه معهاش غير الكوريك و مفتاح العجل فقطو طبعا نسختين مفتاح للباب و الكونتاكت

بالنسبه لسؤالك على أذرع التكييف . انتى لو شريها مكيفه بيبقى مفهاش ذراع .
واى استفسار تانى انا تحت امرك

[totaman]

مبرووك على العربيه و ربنا يكفيك شرها و يباركلك فيها

العربيه معهاش غير الكوريك و مفتاح العجل فقطو طبعا نسختين مفتاح للباب و الكونتاكت

بالنسبه لسؤالك على أذرع التكييف . انتى لو شريها مكيفه بيبقى مفهاش ذراع .
واى استفسار تانى انا تحت امرك

الف شكر ياباشا وشكر لدعوتك
وياريت اعرف رايك فى اللون
وانا فضلت انها تكون مصرى علشان المصرى كربراتير وابعد عن الانجكشن
وان شاء الله هبقى متابع معاكو انا عضو قديم اصلا بس كنت فى شيفروليه

[SHNORY]

مصمم علي اللادا زيرو ؟؟؟
ولا فيه امكانيه اننا نقنعك انك تجيبها استعمال
اصل اللادا هي العربيه الوحيده اللي سواء جايبها من التوكيل او شاريها من واحد
اللي بتوديها برضه تصلح وتغير فيها حاجات

[totaman]

مصمم علي اللادا زيرو ؟؟؟
ولا فيه امكانيه اننا نقنعك انك تجيبها استعمال
اصل اللادا هي العربيه الوحيده اللي سواء جايبها من التوكيل او شاريها من واحد
اللي بتوديها برضه تصلح وتغير فيها حاجات

شنورى باشا بنفسه بيرد فى موضوعى

والله انا اخدت القرار ده بعد ما قرفت من الاستعمال كله

+ ان اللى معاه عربية وبيبيعها دلوقتى بتبقى عزيزة عليه وماسك فى سعر خيالى

وتيجى تقوله على سعرها فى السوق يتصدم

فانا قولت اريح نفسى واهو سعر الجديد مفيهوش كلام

وشكرا لاهتمامك يا باشا

[ahmdmagdy]

مبروك مقدما و انا رأي انك لو جبت اللون الفضي او الفيراني او النبيتي الميتاليك هتبقي شكلها حلو

[totaman]

مبروك مقدما و انا رأي انك لو جبت اللون الفضي او الفيراني او النبيتي الميتاليك هتبقي شكلها حلو

الله يبارك فيك يا احمد وانا فعلا شوفت ال 3 الوان معروضين قدامى ههههههههه

بس الحيرة الاكتر بين الفضى والنبيتى شكلهم وهم بصراحة

معلش فى سؤال وانا بتفرج لاحظت انها من غير طاسات هل هيسلمونى طاسات ولا هى بتتباع كدة ؟؟؟

[abokoko]

الف مبروك مقدما
العربيه خشنه فى السواقه مقارنه باى عربيه اخرى
لكنها ايضا اقتصادية ومناسبه - لشحص موظف فقط مثلى -

لو فى امكانيه تجيب الروسي هيكون احسن
النصح بذلك للاتى

http://www.nilemotors.net/Nile/254396-2107.html

كمان انا ركبت مره مع واحد جايبها روسي حاستها افضل فى العزل

[totaman]

الف مبروك مقدما
العربيه خشنه فى السواقه مقارنه باى عربيه اخرى
لكنها ايضا اقتصادية ومناسبه - لشحص موظف فقط مثلى -

لو فى امكانيه تجيب الروسي هيكون احسن
النصح بذلك للاتى

http://www.nilemotors.net/nile/254396-2107.html

كمان انا ركبت مره مع واحد جايبها روسي حاستها افضل فى العزل

للاسف اقصى امكانياتى لادا مصرى ب 45 الف
واكيد طبعا العزل مش هيبقى قد كدة على قد فلوسها بقى
هى الفكرة انها تكون زيرو بدل الاستعمال وقرفه

[totaman]

معلش يا شباب انا اول مرة استلم عربية كاش

ممكن اعرف ايه الاوراق والاجراءات هتم ازاى