هل ممكن فصل باور ال لادا 2107

[ahmed_gamal777]

السادة الافضل اعضاء المنتدى الكرام

ارجوا من سيادتكم المساعدة فى طريقة تسمح بفصل باور

الدريكسيون عند تعدى

السرعة 100كم /الساعة مثل باور السيارات اليابانى

(لانسر بومة مثالا الباور بيبتدى يقفل من 80 الى 120 قفل تام والعربية ثبت اكثر)

يعنى الباور فى الادا حاجة جميلة ولكن فى خوف يتملك سائقها

فى حالة تعدى السرعة 120كم متر(على فكرة انا مش بتاع

جرى ولكن لم تهب .... زيط يا برنس انجوى)

ارجوا للافادة فى دائرة نقاش ..... وشكرا لكل من ساهم فى

ارتقاء القسم والمنتدى

[zago]

للأسف ...
انسى

[tameraast]

باور البومه هوا هوا فى كل السرعات مفيش حاجه بتحصله

[a7madramadan]

للأسف مالهوش علاج الموضوع ده وما انصحش اي حد يجيب لادا باور وتم نقاش الموضوع ده مرارا وتكرارا فالمنتدى هنا :)

[ahmed_gamal777]

اولا شكرا خاص لكل الاعضاء اللى قاموا بالرد ونردهلكم فى الافراح
اما عن سوال الباور اللى محيرنى فل الحل اللى ممكن يكون نافع عن تجربة بمحض الصدفة
ان فى علبة الباورمسمار عادة علية صمولة 17 عن طريقة يمكن التحكم فى مدى بوش الباور
بمعنى تانى مع عدة تجارب واكرار بمحض الصدفة بعد معناة قرابة 1.5سنة ممكن تتقل الباور سنتين تلاتة وتقدر تتحكم فى السيارة على السرعات حتى 150كم فى الساعة والنقاش مفتوح

[a7madramadan]

العربية عندي منغير باور و باتشيك عليها بشكل دوري و محافظ عليها جدا الحمد لله ميكانيكيا والعربية عندي بتفقد ثباتها بعد الــ 140 فأساسا الكلام عن ثبات على 150 كم/س مش عملي

ثانيا انا مش واخد بالي الصامولة دي ايه بالظبط بس عاوز أقولك ان الفصل ده عبارة عن فصل موتور الباور الكهرباء و فصل المساعدة الهيدروليكية عن تحريك الدريكسيون دا كمان فالعربيات الجديدة بيحصل تضييق لحركة الدريكسيون بزيادة بحيث توفر الثبات و بيتفك جزئيا مع استخدام القوة في تحريك الدريكسيون :) الموضوع أكبر من الصامولة دي والله أعلم انا مش خبير فالموضوع بتاع الصامولة دي بس باقولك أفكاري :)

[ahmed_gamal777]

العربية عندي منغير باور و باتشيك عليها بشكل دوري و محافظ عليها جدا الحمد لله ميكانيكيا والعربية عندي بتفقد ثباتها بعد الــ 140 فأساسا الكلام عن ثبات على 150 كم/س مش عملي

ثانيا انا مش واخد بالي الصامولة دي ايه بالظبط بس عاوز أقولك ان الفصل ده عبارة عن فصل موتور الباور الكهرباء و فصل المساعدة الهيدروليكية عن تحريك الدريكسيون دا كمان فالعربيات الجديدة بيحصل تضييق لحركة الدريكسيون بزيادة بحيث توفر الثبات و بيتفك جزئيا مع استخدام القوة في تحريك الدريكسيون :) الموضوع أكبر من الصامولة دي والله أعلم انا مش خبير فالموضوع بتاع الصامولة دي بس باقولك أفكاري :)

اولا شكرا خاص لرد الجميل فى حلقة النقاش
بالنسبة ل الباور فى الادا بيكون طرمبة مش كهرباء يعنى طرمبة يعتمد عملها على سير وطرمبة من كمبرسور التكيف من سير وطنبورالمروحة هكذا
بالنسبة لموضوع الثبات فالسيارة الادا من زمان مشهور انها جريا ولكن تجميعها بطى
يعنى بعد تشيك اب على السيارة وضبط زوايا وترصيص ممكن تجيب ال 150ك/س من غير مشاكل
وعن تجربة فى سيارة واحد زميلى عادة (2105 موديل 1995)
ولكن فى الادا الباور بيخليها خفيفة جدا يعنى حذر جدا فى حالة النقل من حارة الى حارة على السرعات فوق 100
بالنسبة ل الصامولة مفيش غيرها موجود فى علبة الباور الخاص بالادا الى مربوطة فى الجنب الشمال ب 3 مسامير 17 فى جسم السيارة (الشاسية ) من تحت وهى عبارة عن صامولة داخلها مسمار عاد يعنى صامولة شكلها غريب (مش صامولة والسلام)
وطريقة ضبطها بتحتاج لف وربط (لف الصامولة والربط على المسمار بمفك عادة)
وعن طريقها ممكن تتقيل الباور او خفة (لان ذللك المسمار بيتحكم فى انابيب زيت الباور )


اما فى السيارات الباور الكهربة مش طرمبة تقل الباور مرتبط بالسرعة وليس تحريك الدريكسون
والله اعلم
ودائرة النقاش مفتوحة لكل الاعضاء