محتاج المساعده ضروري من رجاله اللادا انا محتاس جدا......

[mhmdalsaadany]

انا الكرسي بتاع السواق خلاص جبلي غضروف لاني انا طويل والكرسي مش بيرجع لورا كتير وانا بشوف من الحته الخضرا الفيميه اللي في اول البربريز الامامي من فوق وبالليل لازم اوطي وانا سايق عشان اعرف اشوف ورحت لحمت خوص حديد في المجرى عشان ترجع لورا زياده وبرضه مفيش فايده ومن كتر ترجيعي للكرسي البكره اللى في الجنب الترس بتاعها فوت عشان الكراسي الجديده ليها بكره ويد من جنب الكرسي زي اللانوس كدا فطبعا دلوقتي انا معنديش ضهر وساند الكرسي بخشبه انا نفسي اغير الكرسي كله واريح دماغي فممكن نصيحه لو حبيت اغير الكرسي اجيب ايه ويكون مريح وواطي عشان اقعد براحتي وهل ينفع يركب بالمجرى بتاعته ولا هيركب بنفس المجرى وتكون نفس المشكله
معلش للاطاله بس ياريت النصيحه وشكرا

[a7madramadan]

بالنسبة لخيارات حضرتك الكراسي الرياضية بتبقى واطية خالص حاول تشوف سباركو او ريكارو أو omp وشوف الشكل الي يعجبك ويكون على زوقك لان الحاجات دي بتبقى واطية بطبعها وبتثبتك في الكرسي بزيادة والحقيقة دي الخطوة الجاية بالنسبالي هاغير الكراسي بكراسي رياضية أصلية بس لسه بادور على حاجة شكلها مناسب ومازلت محتار الى حد ما

بس قطعا الحاجات دي كلها بتبقى أوطى بكتير عن الكراسي الأصلية بتاعة العربية ومش بالضرورة أطرى منها بس بتمسكك فالكرسي بزيادة وبتخلي ظهرك مستقيم عليها اتمنى اكون افدتك والله الموفق

[mhmdalsaadany]

ربنا يبارك في حضرتك انا بس بسأل الكراسي الرياضيه دي ضهرها ثابت ولا متحرك وبتيجي بمجرى جديده ولا نفس المجرى القديمه ومعلش ممكن اعرف رنج السعر ولو عندك حد مضمون انا ممكن اسافر لحضرتك واجيبهم وشكرا

[a7madramadan]

الظاهر حضرتك من القاهرة في عندكم واحد اسمه Go Car بتاع كماليات أصلية محترم قوي وعنده كراسي أصلي وبالنسبة للمجرى وتحريك الكرسي كلهم بيعتمدوا على نوع الكرسي الي هتجيبه وغالبا بييجي مع المجرى بتاعه على حد علمي انا كمان 3-4 شهور هانزل اجيبلي كراسي جديدة لعربيتي للتغيير فأنا ماماعيش رينج الأسعار تحديدا بس انا فاكر الأسعار من 1200-1500 وطاااااالع

[mhmdalsaadany]

ربنا يبارك في حضرتك يا فندم والف شكر انا برضه ممكن اول السنه الجديده ان شاء الله اغير الكراسي لو ربنا وفقي لحاجه حلوه هقول لحضرتك عالطول ان شاء الله

[a7madramadan]

العفو حضرتك احنا كلنا اخوة هنا فالمنتدى واتمنى لما تشتري الكراسي تعمل بيها تقرير صغير كده عن مدى الراحة و الشكل والعملية عشان تعم الفايدة وانا شخصيا زيك بادور كده بس مش في حاجة ماسة او مستعجل شوية زي حضرتك وكمان الموضوع مكلف حبتين فمأجله شوية :d بالتوفيق ان شاء الله