2107روسى موديل 2012

[mirra]

يا جماعة حد فيكو يعرف موديل 2012 من لادا 2107 روسى انجكشن حينزل امتى؟احسن واحد حبيبى لسة بايع اوبل كورسا 2004 و عايز يجيب لادا روسى بس ما لقاش عند شركة الكمونى فى طنطا غير موديل 2011.

[totaman]

انا سمعت انه مفيش 2012 هينزل اخرها 2011 فقط

انا لسة شارى فى اواخر شهر 11 لادا روسى 2011 انجكشن

[a7madramadan]

انا في شهر 12 2009 كنت باشتري زيرو واشتريت موديل 2009 و التوكيل قالي موديل السنة بينزل في آخر يناير و اول فبراير ما اعرفش نفس النظام شغال لحد السنادي ولا ايه النظام الحقيقة

[mirra]

انا اتصلت النهاردة بشركة الامل فرع القاهرة و سمعت كلام غريب........قالولى مفيش غير موديل 2011 بسعر 53000 جنية و مش عارفين اذا كانوا حينزلوا موديل 2012 و لا لا لان العربية جالها زيادة 10000 جنية من الشركة الام و دة حيخلى سعرها 63000 جنية و بالتالى مش حتنزل.رجاء لو حد عرف معلومات جديدة يقولى.

[ahmed_gamal777]

سعرها عند حمدى لادا توكيل ومعرض (جوزيف تيتو الى عند المطار ) 57000روسى ومركبين ليها باور وتكيف
بانسبة لصاحبك كان معاة كورسة ويركب لادا صعبة شوية علية دى
(واحدا ساكن فى فلة فى التجمع الخامس يسكن فى شقة فى مدينة السلام ازاى (مع احترامى الشديد لكل جرانى فى السلام )

ياما يكون عايز يركب حاجة بالسلوفانة بتعتها
يا ما يراجع نفسة شوية
عموما لو عايز يركب الادا يودع الحياة المدنية ونقولة اهلا بيك فى مدرسة الرجال صعقة هههههههههه
(من فيلم عبود على الحدود)

[a7madramadan]

أعتقد بيقولوا الكلام ده علشان يخلصوا الــ 2011 الي عندهم مش أكتر ويجوز أساسا تكون الــ 2012 نازلة كمان شهر او اتنين وتم التعاقد عليها وتكون بتتشحن بس بيقولوا كده وخلاص

وموضوع الــ 10000 ده كلام فاضي أساسا ثمنها صافي بيقل مع الزمن و سوقها متوسط برة بس جيد في مصر بالنسبة لشغل التكاسي و حبة للملاكي مش منطقي السعر يزيد بالشكل ده خصوصا ان الطلب عليها شبه ثابت لا قل ولا زاد قوي يعني ....

[MEKAWY2000]

حرام عليه

[mimim]

انا اتصلت بالمصرية جرين بلازا قالى مفيش لادا روسى 2012 بس فى مصرى ب 47500

[engaass]

هو ينفع حد ينزل من كورسا ويركب لادا ولا على اساس ان الاتنين اوروبى

[mirra]

اطمنوا يا جماعة الراجل بعد ما جرب قيادة عربيتى رجع فى كلامة و اشترى شيفورلية لانوس 2012.بس انا برضة كييف لادا و لو ربنا كرمنى و حبيت اجيب احدث برضة حخلى الادا المحترمة.

[engaass]

هى الفكرة مش ان ال لادا وحشة الموضوع ان الكورسا مدرسة وال لادا مدرسة تانييييييييييية خالص
وربنا يحفظ عربيتنا فى كل الاحوال والانواع

[mirra]

هى الفكرة مش ان ال لادا وحشة الموضوع ان الكورسا مدرسة وال لادا مدرسة تانييييييييييية خالص
وربنا يحفظ عربيتنا فى كل الاحوال والانواع

الفكرة ان صاحبنا دة كان متعقد من تكاليف صيانة الاوبل و ندرة قطع الغيار.دة غير طقم اسطوانة دبرياج فى التوكيل ب 3000 جنية.انا زيك قلتلة صعب تنزل من كورسا على لادا بس هو كان بيدور على عربية اقتصادية و فى الاخر جاب شيفورلية لانوس رغم انى كنت معجب اكتر باللوجان بس هو كان مرعوب من قصة قطع الغيار الغالية.

[ahmed_gamal777]

الفكرة ان صاحبنا دة كان متعقد من تكاليف صيانة الاوبل و ندرة قطع الغيار.دة غير طقم اسطوانة دبرياج فى التوكيل ب 3000 جنية.انا زيك قلتلة صعب تنزل من كورسا على لادا بس هو كان بيدور على عربية اقتصادية و فى الاخر جاب شيفورلية لانوس رغم انى كنت معجب اكتر باللوجان بس هو كان مرعوب من قصة قطع الغيار الغالية.

شفت بقى صعب علية شوية ينزل من كورسة على لادا ههههههههههه
يعنى لانوس وبعد كدة شاهين وشوية ينزل على الادا مش بغلط فيها وبحبها جدا جدا
ولكن الدنيا درجات مش مرة واحد من تحت الى فوق او من فوق لتحت (من تحت لفوق لفوق لفوق -من اعلان قطونيل القطن بيكلم مصرى ههههههههههه)
عموما ربنا يوفقا والانوس حلو وقريبة شوية من الى كانت معاة -بس بلاش يعمل مقارنات بينهم
عشان ما يتعبش -الامانى ثابات وتقنة تمام -و الكورى نعموية وقطع غير قريبة
كل حاجة فيها وفيها
الادا متابعة ثم متابعة ثم متابعة -وعملية جدا ودى حاجة حلو فيها -يعنى قليل لم تلقى لادا مجرورة او مشحونة على اسعاف الطريق
لكن كتير تلقيها عطلانة فى الطريق وصاحبة غطسان جو الكبوت ولكن بفضلالله هتمش هتمشى

[MEKAWY2000]

اصيل ماتهنشى العشره