رعشة بدال البنزين

[tifa55555]

بدال البنزين فيه رعشه جامده سواء وانا ماشى او واقف
انا بشك ان يكون الماتور زانق على دراع البنزين اللى بيمشى بالعرض ورا الماتور فى صدر العربيه
وعامل الرعشه دى
اى مقترحاتكوم
ولكم الشكر

[abokoko]

ممكن توضح اكتر
هل الرعشه فى البدال مرتبطه برعشه موتور او رعشه فتيس

[tifa55555]

انا مش عارف مرتبطه بأيه انا عندى رعشه فى البدال بتاع البنزين بس وبقول يمكن من الماتور

[abokoko]

ممكن قواعد الموتور عايزه تتغير

[madoo_600]

ممكن تكون السوسته اللى بتمسك البدال مش موجودة او سايبة شوفها بردو

[tifa55555]

السوسته موجوده
بس انا بقول ان الماتور راجع لورا شويه وزانق دراع البنزين

[abokoko]

المتور ثابت بفضل القواعد
الا لو
1- القواعد بايظه وعايزه تتغير
2- لو انت مسقط متور ومعمول له قواعد جديده ويبقي محتاجه تتحرك للامام عند اللحام وفى وجود الميكانيكى

[tifa55555]

انا كنت حالل الماتور ولسه مركبه تانى وبعد ما ركب سمعت الصوت

[AYMAN_19059]

المشكلة دى كانت فى عربيتى والحمد لله بعد دووخة اكتشفت انها الفبرة اللى ماسكة دراع البنزين اللى بيمشى بالعرض ورا الماتور فى صدر العربيه فى فبرتين واحدة يمين و واحدة شمال الفبرة دى لو مشروخة او مكسورة بتعمل الرعشة بتاعت الدواسة وهى تكلفتها كلام فارغ 3 جنية الفبرة الشمال ظاهرة جدا اما الفبرة اليمين دى مزنوقة ومش بينة وغالب هى دى سبب المشكلة والله اعلم

[tifa55555]

انا غيرت الفبرة الشمال اما اليمين الميكانيكى قاللى اللى راكبه كويسه

[tifa55555]

المشكلة دى كانت فى عربيتى والحمد لله بعد دووخة اكتشفت انها الفبرة اللى ماسكة دراع البنزين اللى بيمشى بالعرض ورا الماتور فى صدر العربيه فى فبرتين واحدة يمين و واحدة شمال الفبرة دى لو مشروخة او مكسورة بتعمل الرعشة بتاعت الدواسة وهى تكلفتها كلام فارغ 3 جنية الفبرة الشمال ظاهرة جدا اما الفبرة اليمين دى مزنوقة ومش بينة وغالب هى دى سبب المشكلة والله اعلم

انت استااااذ
ولك جزيل الشكر
فعلا العيب طلع من الفبره اليمين المزنوقه دى وغيرتها والصوت راح وكله بقى تمام
انا مش عارف اشكرك ازاى الصوت ده كان حقيقى معذبنى
عندى كانت حديد مش فبر و كانت سليمه مافيهاش حاجه ولكن كانت واسعه جدا والدراع بيتحرك جواها وبيخبط وغيرتها بواحده فبر محكمه على الدراع
والحمد لله رب العالمين