لادا 2107

[Ashraf_Ibrahim]

ازيكم يا شباب اللادا
يارب تكونوا بخير جميعا
انا زائر من منتدى هيونداي
في الحقيقة والدي بيفكر يجيب 2107 زيرو
وكنت عايز اسمع آراؤكم فيها وايه بيميزها وايه بيعيبها وهل فيها فئات واللا هي فئة واحدة وكدة يعني وأحسن الألوان ليها برده واخيرا سمعة الوكيل اللي هو شركة الأمل ايه؟!
شاكر جدا ليكم اتمنى الافادة فعلا من ذوي الخبرة والتجربة

[lad]

بس يجيب الروسى المصرى بلاشششششششششش بس الادا عربية متعبة اوى لو هيجبها كاش يجيب حاجة تانية مستعملة حالة نضيفة ان شاله شاهين بلاش لادا احنا معانا الادا من سنة 90 لحد 2011 جبنا فى الوقت ده اربع عربيات لادا فابقولك بلاش عن تجربه

[Ashraf_Ibrahim]

طب ليه حضرتك بتقول بلاش؟!
ياريت تتكلم باستفاضة عن العربية لو أمكن !

[lad]

العفشة بتاعتها وحشه اوى كانت كل شوية يحصلها حاجة دا غير مشكلة البيض الأزلية اللى بتملص كمان فية مشكلة السخونية وديه بختك يابو بخيت ممكن تبقى كويسة و ممكن لأ ولو لأ هتكره حياتك حتى الصاج فى المصرى تعبان اوى دخلت فى عربية لانوس وش العربية عندى اتشحور غير طبعا الدركسيون تقيل و حضرتك بتقو لوالدك دنا عندى 27 و بتتعبنى اوى وده فكل الموديلات انا زى ماقولتلك جبنا 4 لادا موديل 77 88 91 2007 كفايا انى اقولك انها موديل 2012 وبتنزل ابلتين و كوندنسر حاجة نيلة يعنى والله الغظيم لما بعنا الأخيرة 2007 الصنيعية عملو فرح و حلفونا بالله منجيب لادا تانى واالله واحد قلنا لو جبتو لادا تانى مانا مدخلكم الورشة تانى حتى الى بتكيف اى كلام

[ahmdmagdy]

بس يجيب الروسى المصرى بلاشششششششششش بس الادا عربية متعبة اوى لو هيجبها كاش يجيب حاجة تانية مستعملة حالة نضيفة ان شاله شاهين بلاش لادا احنا معانا الادا من سنة 90 لحد 2011 جبنا فى الوقت ده اربع عربيات لادا فابقولك بلاش عن تجربه

انا معاك انه يشتري الروسي انضف

العفشة بتاعتها وحشه اوى كانت كل شوية يحصلها حاجة دا غير مشكلة البيض الأزلية اللى بتملص كمان فية مشكلة السخونية وديه بختك يابو بخيت ممكن تبقى كويسة و ممكن لأ ولو لأ هتكره حياتك حتى الصاج فى المصرى تعبان اوى دخلت فى عربية لانوس وش العربية عندى اتشحور غير طبعا الدركسيون تقيل و حضرتك بتقو لوالدك دنا عندى 27 و بتتعبنى اوى وده فكل الموديلات انا زى ماقولتلك جبنا 4 لادا موديل 77 88 91 2007 كفايا انى اقولك انها موديل 2012 وبتنزل ابلتين و كوندنسر حاجة نيلة يعنى والله الغظيم لما بعنا الأخيرة 2007 الصنيعية عملو فرح و حلفونا بالله منجيب لادا تانى واالله واحد قلنا لو جبتو لادا تانى مانا مدخلكم الورشة تانى حتى الى بتكيف اى كلام

كلامك مش مظبوط اكيد 4 عربيات اللي انت اشتريتهم اكيد كانوا معيوبين انا عن نفسي اشتريت لادا استعمال نضيف و حط تحتها 100 خط من 4 شهور و لغايه دلوقتي مرحتش بيها لمكانيكي رحت بس للعفشجي عشان يعليها من الامام فقط لا غير

[ahmed_gamal777]

السلام عليكم اخى الفاضل واهلا وسهلا بيك فى منتدى الادواية
انا هنقل تجربتى مع الادا والله يعلم انى لاهكون مايل ناحية حاجة عن التانية
الادا عربية كويسة بالنسبة للانسان العملى والى مخة شغال فى العربية والى بيحب الحاجة المظبوطة على مزاجة هوا
يعنى
عربية سهلة الاصلاح -وقت غيارها رخيصة بالنسبة لمقارنة باى سيارة تانية فى موديلها الى لسة بينزل لحد دلوقتى
يعنى لادا 2012مفيش حاجة تنافسها بالتقنية دى
يعنى مش مقارنة الادا مثالا ب ال 128 لا بنفس موديلات السنة
على حد علمى 128 كان اخرها 2005 وال شاهين اخرها 2008 وبعد كدة مفيش انتاج زيرو كلة مستعمل
الادا -سيارة تقيلة على الاض مش خفيفة يعنى مش جراية وفى نفس الوقت مش فستك فى التحميل
لا حملة فيها برحتك مش هتتاثر بالمطبات العلية وكدة (مثالا زى الفرنا وطية وخفيفة وسريعة )
كمان الجرى بيها مش محبب (العربية وزنها فارغ حوالى 1300كيلو والفرامل بتعتها مش متناسبة اوى مع الوزن -يا تحدف يمين او شمال وانت تعالج )
يعنى المحافظ يجيب بيها لحد 120 كيلو كويس جدا جدا لتحكم فيها اكتر من كدة مش فى التمام
العربية لو عطلت ممكن تصلحة انت بنفسك مع شوية خبرة ومجهود بسيط المهم هتروح بيها هتروح بيها
هى اول عربية اركبها واتعلمت عليها وبعد كدة ركبت عربيات تانى وعرفت تقارن ازاى

عموما -
عربية عائلية (صالون مقارب ل 131 والشاهين )-الجرى بيها مش قوى -يعنى هتحافظ عليك عشان هتخاف تجرى بيها هههههههه
عربية سهلة الاصلاح (تغير سير دينامو بنفسك-تغير فلتر هوا بنزين -بنفسك تغير طقم كهرباء -بنفسك بس بحذر تعلية كهربة المتور بنفسك-تعلية البنزين او الهوا عشان التكيف -بنفسك
ممكن بعد فترة لو احتجت حاجة فى البيض -شوية شوية -تغير بنفسك
زمان كانت مشكلها فى بيض المقصات -دلوقتى بقى بيض بشفة لا يملص-يعنى لزم كل شهرين على الاقل -تربط عفشة -و ودنك دايما معها

صدقنى لو قلت كل دا وبرضة بحبها وعايز ابيع الى معايا لظروف مادية -ومحتار اجيب غرها والا هى هى (الى معايا تاكسى ابيض -وعلية شوية فلوس كدة يعنى )
انا بحس انى راكب مكنة اعرف اتحكم فيها ولو فة مشكلة اقدر اتصرف بيها واجيبها على الاقل لحد البيت
عموما اسمع من الناس
قرر انت عايز اية فى العربية كويس
وبرضة اعرف ان سعر اعادة البيع ليها مش كويس
(بينزل كتير اوى -بسبب عدم التغير فى الموديل والتقنية وانظمة التعليق -العفشة )

سعرها جديد 57000ودا السعر من 10ايام من توكيل حمدى لادا (روسى وتم اضافة الباور والتكيف ليها )
معلش ممكن اكون فى حاجات مكتبتهاش عشان مشغول شوية فى الشغل -ولكن لوعايز اية حاجة فى الادا انا تحت امرك ولوعايز تعاين تجربة بنفسك تحت امرك -انا شغلى فى مدينة نصر والنهاردة سهران شوية -تقفيل السنة وجرد وكد)
دا تليفونى وانا تحت امرك 01223788293
وتذكر جيدا انة لاخاب من استشار ولا ندم من استخار
اولا واخير استخير الله والله الموفق والله المستعان
اخوك -احمد فتحى(الشهرة بين الاصدقاء -احمد لادا )

[lad]

الأربع عربيات معيبين (معلومة بس ال 88 و ال2007) زيرو ياريت الناس تعقل الكلام قبل ماتقولو انا نفسى مش عارف ابويا جاب واحدة ورا التانيا ليه وبعدين بتقول جبت عربية واحدة بقولك اربعة و من حبنا فى اللدا كنا بنجيب تانى و نلاقى نفس المشاكل

[lad]

ياجدعان الراجل عاوز حاجة زيرو تقولولو احسن من ال128 95% من العربيات احسن من ال128 العربيات كتير بلاش الادا انا مكنش حد يحب الادا ادى و كان اللى يشتم فيها اطبق فى زمارة رقبته بس بقولك بلالالالالالالالالالالالاشششششششش وانزل حتى اسئل الصنيعية وشوف رئيهم ايه

[mirra]

و اللة العظيم حرام الاهانة اللى بتهينوها للعربية المحترمة دى.....اخى الكريم اللى بيدور على عربية قوية عملية سهلة الصيانة يتوكل على اللة و يشترى لادا 2107 روسى....سيبك من الشكل و المنظر و الكلام دة خليك عملى.....و بعدين اللى مش عاجباة الا دا يشترى 4 عربيات منها ورا بعض؟؟؟لية ؟؟هو كان حالف على مصحف انة ميغيرش؟العربية ممتازة و قول لوالدك يتوكل على اللة لان سعرها جالة زيادة و اصبح 54 الف و احتمال ما ينزلشى منها موديل 2012.

[IbrahimMostafa]

حرام تدفع 50 الف في عربية عفي عليها الزمن و مفيهاش اي ذرة رفاهية الا لو هتشغلها تاكسي مثلا

[lad]

والله العظيم ليندم لو جبها خليه يشترها و الايام بيننا لما اقولك جبت اربع عربيات واقولك متجبهاش تفهم من كدا اه ياعم بقولك المصرى منها بينزل ابلتين وكوندنسر (ابلتتتتييييييييييييييييييييييين وكوندنسرررررررررررررر) سنه 2012 وتجيب الروسى ب 54 الف جنيه فلادا و بيقولك الحق احسن مش هتنزل تانى مانشاله عنها منزلت

[a7madramadan]

انا شاري 2009 في اول 2010 زيرو رااااااااااائعة صيانتها رخيييييصة وما عملتلهاش صيانة لحاجات باظت من الأساس الحمد لله لحد دالوقتي مجرد صيانة دورية وتربيط عفشة وبس

العربية ممتازة لو هيمشي مشاوير كتير فالعشوائيات او عربية متوقع منها انه يثقل عليها وتتحمل

بس للأمانة العربية مش عربية رفاهية ولو والد حضرتك سنة كبير قوي او لا سمح الله عنده من الأمراض ما ينهكه جدا او بيتعب قوي قوي من المشاوير الصغييرة ما اعتقدش انها مناسبة قوي ليه لانها عربية ناشفة في معاملتها شوية ويحتاج عربية خفيفة شوية ورفاهيتها أعلى شوية

ومايمنعش انها عربية تقدر تخليها بقزاز كهربائي بحوالي 450 جنيه و ممكن تجيبها مكيفة بس التكييف أدائه متوسط الى ضعيف مقارنة بالعربيات الي فيها تكييف كويس لان العربية مش معزولة حراريا بشكل كويس وكمان يقدر يضيف ليها كل الكماليات الي يحتاجها الي تزيد من رفاهية العربية زي حضرته عاوز

عموما انا شخصيا باقولك العربية تستحق كل جنيه هتدفعه فيها مقارنة بأسعار سوق العربيات ....رينج الــ 50 ألف جنيه سعر كويس جدا ليها ولو العربية مناسبة ليه وبتفكر فالسعر هأقول لحضرتك نصيحة أخوية اشتري وانت مغمض عربية العمر

[mirra]

ايوة كدة يا اخى انصف ال 2107 شوية احسن الجماعة شادين السلخ عليها قوى.و اللة العظيم بالنسبة لتمنها العربية اكتر من رائعة و تسوى اكتر كمان وقارنوا بينها و بين العربيات الصينى الكرتونية اللى فى نفس السعر.

[ahmdmagdy]

المختصر المفيد في الـ2107 انها عربيه ممتازه بس مفيهاش وسائل الرفاهيه

[mirra]

المختصر المفيد في الـ2107 انها عربيه ممتازه بس مفيهاش وسائل الرفاهيه

هو دة الكلام.