هتخنق انا وولادى من رائحه العادم داخل السياره ياأهل الخبره

[gameeelkamal]

السلام عليكم ورحمه الله وبركاته
الموضوع بأختصار وعلشان ماطولش على حضراتكم ان فى ريحه زى ماتكون ريحه عاده جوه السياره علما بانى لسه عامل عمره للموتور وكتير بلاقى الموتور عليه زيت من كل ناحيه والميكانيكيه كلهم قالولى الموتور بيعررق مش عارف حاجه حلوه ولا وحشه وحلها ايه.
ارجو الافاده وجزاكم الله خيرا

[medododo]

ب
إختصار إطلع على سروجي محترم هيفك التابلوه ويلبسه مشمع من الخلف يعزلك القصة دي
بلغة الصنايعية إسمها قميص
لأن الطبيعي يكون في حاجة ذي اللباد كده بتاع الفبريكا وده بيتاكل مع الوقت

[AHMED1718]

لو جلد مجرى الشنطة فيه قطع يوصل الريحة للصالون

[abokoko]

الاول شوف ايه حكايه زيت على الموتور جاى من فين وعالجه
يعنى لو جوان ربط عليه او غيره لانى مع ارتفاع حراره الموتور الزيت بيدخن

وثانيا ظبط الكربراتير

ثالثا ال لادا مش معزوله كويس وعلشان كده هتشم روائح وتدخل هوا من حيث لا تعلم
وتسمع اصوات من حيث لا تدرى
بس حمالة اسيه وحنينه فى قطع غيارها ومصاريفها
ده حتى الميكانيكى وهو بحاسبك على المصنعيه بيراعى انها لادا
هههههههههههههههه

الحمد لله عليها

[gameeelkamal]

ب
إختصار إطلع على سروجي محترم هيفك التابلوه ويلبسه مشمع من الخلف يعزلك القصة دي
بلغة الصنايعية إسمها قميص
لأن الطبيعي يكون في حاجة ذي اللباد كده بتاع الفبريكا وده بيتاكل مع الوقت

متشكر على مرورك وانشاء الله هروح لسروجى والحمد لله النهارده كنت كمان عند حمدى لادا وقالى لازم تغير غطاء الزيت ونشوف الزيت بيجى على فلام الشكمان منين وده الى مطلع الريحه دى بجانب ان فعلا صالونها مش معزوول

[gameeelkamal]

لو جلد مجرى الشنطة فيه قطع يوصل الريحة للصالون

متشكر وانشاء الله هراجع على جلد الشنطه بس هيا الريحه جايه من قدام لما بفتح الزجاج بتزيد

[gameeelkamal]

الاول شوف ايه حكايه زيت على الموتور جاى من فين وعالجه
يعنى لو جوان ربط عليه او غيره لانى مع ارتفاع حراره الموتور الزيت بيدخن

وثانيا ظبط الكربراتير

ثالثا ال لادا مش معزوله كويس وعلشان كده هتشم روائح وتدخل هوا من حيث لا تعلم
وتسمع اصوات من حيث لا تدرى
بس حمالة اسيه وحنينه فى قطع غيارها ومصاريفها
ده حتى الميكانيكى وهو بحاسبك على المصنعيه بيراعى انها لادا
هههههههههههههههه

الحمد لله عليها

والحمد لله النهارده كنت كمان عند حمدى لادا وقالى لازم تغير غطاء الزيت ونشوف الزيت بيجى على فلام الشكمان منين وده الى مطلع الريحه وقالى خلى ميكانيكى العمره يقرطعلى مسامير وش السلندر وغطا التكيهات وشكرا على مرورك ووقتك

[SHNORY]

لو الموتور خفيف وبياكل زيت
وخرطوم الفايظ متشال من عمه الكربراتير حتبقي الريحه دي جايه منه
تشيله وتجيب خرطوم ميه بس طويل وتركبه مكانه
وتخليه قريب من الاسفلت
فالريحه مش حتدخلك العربيه تاني وحتنزل من تحت العربيه بدل ماهي بتدخلك من حوض الموتور
طبعا دا لحد ما يا اما تعمل عمره او تغير موتور
بس دا لو خفيف فقط لا غير

[yoyo2015]

والله كلام محترم وزى الفل
انا عندى نفس المشكلة ، وفعلا تضايق جدا، صوت ودخان ونشفان فى الطارة، بس الحمد الله
بس بأذن الله هروح اعمل الكلام الى حضراتكم قولتوا علية.
السؤال هنا بقا بيقول علل؟ هل ممكن اغير اضاءة التابلوة ونور الصالون
2015

[smsm_hamada]

انا كان عندى نفس المشكله حتى بعد ما غيرت الموتور وكنت هتجنن من الموضوع دة
وطلع ان علب الشكمان كانت مخزنه زيت وعادم
الميكانيكى قالى خد مشوار طويل بالعربيه وهيى تروح والموضوع فضل مستمر
لحد ما ريحت دماغى وغيرت العلب

[gameeelkamal]

والله كلام محترم وزى الفل
انا عندى نفس المشكلة ، وفعلا تضايق جدا، صوت ودخان ونشفان فى الطارة، بس الحمد الله
بس بأذن الله هروح اعمل الكلام الى حضراتكم قولتوا علية.
السؤال هنا بقا بيقول علل؟ هل ممكن اغير اضاءة التابلوة ونور الصالون
2015

السلام عليكم ورحمه الله وبركاتهانا اول ماشتريت العربيه رحت لكهربائى غيرلى ال5 لمض الى داخل التابلوه وكلفتنى لمض ب 10 جنيه ومصنعيه كانت 15 جنيه عشان كنت اول مره اتعامل معاه وعلى فكره التابلوه بيتفك من الهوايات الى فمنتصف التابلوه بعد فكها طبعا اما بالنسبه لنور الصالون الوش البلاستك بيتشال بمفك عاده رفيع وياريت تغسله عشان الاضاءه تبقى اوضح وتغير اللمض ومتنساس تاخد اللمبات معاك وانت بتشترى عشان تجيب زيها سواء بالنسبه للتابلوه او للصالون .
وربنا يهديك خيرها ويكفيك شرها

[gameeelkamal]

انا كان عندى نفس المشكله حتى بعد ما غيرت الموتور وكنت هتجنن من الموضوع دة
وطلع ان علب الشكمان كانت مخزنه زيت وعادم
الميكانيكى قالى خد مشوار طويل بالعربيه وهيى تروح والموضوع فضل مستمر
لحد ما ريحت دماغى وغيرت العلب

جزاك الله كل خير وانشاء الله هتابع معى بتاع الشكمانات واقولك ايه الى تم

[SYD]

اكشف علي الجوان بتاع الشكمان تحت الفرن
لو منفس صوت الموتور هيبقي عالي - العربية هتسخن - السحب هيقل - هتلاقي ريحة عادم وبتدخلك من الهوايات في الطابلوه

والله المستعان
،
،

[MEKAWY2000]

ok
.......

[MEKAWY2000]

السلام عليكم ورحمه الله وبركاتهانا اول ماشتريت العربيه رحت لكهربائى غيرلى ال5 لمض الى داخل التابلوه وكلفتنى لمض ب 10 جنيه ومصنعيه كانت 15 جنيه عشان كنت اول مره اتعامل معاه وعلى فكره التابلوه بيتفك من الهوايات الى فمنتصف التابلوه بعد فكها طبعا اما بالنسبه لنور الصالون الوش البلاستك بيتشال بمفك عاده رفيع وياريت تغسله عشان الاضاءه تبقى اوضح وتغير اللمض ومتنساس تاخد اللمبات معاك وانت بتشترى عشان تجيب زيها سواء بالنسبه للتابلوه او للصالون .
وربنا يهديك خيرها ويكفيك شرها

وعلى فكره فى لمبات لد احمر وابيض ثلجى انا ركبتهم الحمر بجوار عدادكم والابيض من بره مديه اضاءه واضحه ومش مزغلله المبه 8جم