عمرة موتور ودوكو نيفا جيب

[ibnelfared]

تكلفنى كام ؟ ولا أشترى موتور جديد أحسن من كدة ؟ والدوكو يتكلف كام

[a7madramadan]

الدوكو بيفرق على حسب حالة العربية ونوع البوية وكفائة التقفيل و المصنعية ...... ممكن تكون محتاجة شغل على الصاج شوية عند سمكري الأول و نوع البوية بيفرق كتييير وكذلك ممكن تجيب بوية ألماني و صنايعي مش كفائة تطلع معفنة عموما الرينج سمكرة ودوكو كامل بيخش من أول 2500-4000 وممكن أكتر لو عاوز شغل بوية custom و صنايعية 10/10 وشوف برضه الاخوة هيقولوا ايه :)

[MOSHAKS]

الموتور الاستيراد انا كنت سألت عليه فى وكالة البلح من فترة كان عامل 3500 بالفتيس تقريبا وانا شايفه غالى
لانى سألت على الموتور الجديد من فى شركة الامل قالى ب7800 بدون اداوت تغذية
لو انت مش بتخش الصحرا ومطالع وكده ممكن تركب موتور الادا العادية وتبئا دفع خلفى فقط وتقريبا بيركب على نفس قواعد الموتور او لو حاببها سقطلها ماتور عربية تانيه بس المهم المرور تتصرف معاه لان ليا صديق اصدقاء مساقطين مواتير مرسيدس جاز وسوزوكى فيتارا وفى ناس مسقطة مواتير تويوتا بس اهم شئ المرور
وسكة ابو زيد كلها مسالك
وديه نمرة واحد اسمه الشيخ طارق شغال فى الاستيراد بتاع الفيات والادا وعنده حاجات النيفا ممكن تتصل وتستفسر منه هو يدلك على الصح
0181349010
وربنا يكرمك بالخير ان شاء الله

[fathiazab]

أخي هذه بعض أسعار قطع غيار عمرة موتور لادا نيفا
طقم شنبر 100 جنيه
طقم جوان دوبل 70
طقم بوجيهات ياباني Ngk 52
اسطوانة دبرياج 95
بلية دبرياج 35
بلية فولام إيطالي 15
2 شداد كاتينة 25
2 قاعدة موتور 24
فارغة طرمبة مياة 50
فلتر زيت 10
طرمبة زيت 200
كرنك + 4 يلات استراد 400
طقم سبيكة الكراسي 50
تجليخ كرنك 45
تجليخ مناول 30
عمل طبات زيت 20
تركيب البيلات 20
عمل طبة مياه 15
تنظيف الراديتير 25
أجرة اليكانيكي 350+ 20 دخان للصبية
أرجو أن أكون قد أفدتك وجميع أعضاء المنتدى الكرام